Mit́ṭen Bujhạntar hoṛe tahẽkana. Uni hoṛaḱ mit́ṭen kuń tahẽkantaea. Mit́din ona kuń do casa hoṛ ṭhene ạkhrińkeda. Khange inạ dosar din hiloḱ uni casa daḱ ạguia mente senena. Ado uni hoṛ casae metaekana, eken kuń motogecoń ạkhriń akat́ daḱ do baṅa.

Enḍekhan uni casa hoṛ ạḍi muskilrey paṛaoena. Cet́e cekaea mente baṅgey bujhạu daṛeaḱ kana. Unre uni do Akbar aḱ bạisitey calaoena. Ado Birbol noa mamla tojbij lạgit́e nẽhõr ocoyena.

Inạkate dosar hiloḱ kuń ạkhriń akat́ hoṛ ar casa bana hoṛge Raj sabhatekin hećena. Ado inạ mit́ kathage onḍe hõye roṛket́a. Kuń motogeń ạkhriń akat́a, daḱ do baṅa.

Noa katha ańjomte Birbol do menkeda, E gate, enḍekhan noa daḱ do ocogtam, baṅkhan noa lạgit́ mạsul emoḱ hoyoḱtama. Cedaḱje kuń amaḱ do baṅ kana, casawaḱ kana.

Un jokhen bud sećte ạḍige khaṭo baḍhoyena ar nacare aṭkarkeda. Unre aćaḱ bhule bujhạukeda ar sanamko ṭhen ikại khojkeda.

Ramnath Kobindo tayom Bharot disomren tayom daram ạḱyurić Rasṭropoti okoe hoyoḱma mente ạḍitet́ kathako uḍạu uphạr baṛae kan tahẽkana. Onkaleka baḍaeteaḱ ar rạskạ sombat do noage je, Jharkhand ren Draupadi Murmu aḱ ńutum hõ niạ dhao uchạnena. Hola (21 June) Moṅgolbar Bharot disomren Maraṅ Montri Norendro Modi do BJP ren maraṅ ạyurko são mit́ bạisi hoe ocokeda.

Inạkate NDA do akoaḱ Rasṭropati hudạ reaḱ ńutume ńumket́takoa.  Draupadi Murmu do BJP saṅgaṛhẽ do̠l ren Rastropati candidate kanae. Nui do 1958 serma reaḱ 20 June Orisar Mayurbhanj  nagraha reaḱ Baidyapsi atorey  janam akana. Apatet́aḱ ńutum do Biranjhi Narayan Tudu. Niạ lahare Jharkhand nagraha caḱlaoić re are aḱ hudạrey bachao ocolena. Menkhan unige pạhil utạr caḱlaić do bachao ńamlena ente napaete mõṛẽ serma doe purạu akada.

Draupadi Murmu do niạ lahare Orisa ren Montri hisạbte tahẽkana. Ar 2000 serma khonaḱ 2004 serma hạbić Rairangpur Bidhansobha centre ren bidhayok (MLA)-e tahẽkana. Un okte BJD ar BJP- dolren Sarkar tahẽkan okte Montri hudạrey tahẽkana. Aema lekan dạyik ko uni cetanre tahẽkana. Ar jotowaḱge ạḍi napaete ńel jut are sambṛao akat́a. Menkhan nit noa election rey bachao ńamlenre Rastropati hudạ doe hameṭjoṅa. Enḍekhan ạdibạsi santalko modre niuge pạhil utạr Rasṭropati doe bachao ocoḱkana.

Bạisạk jusṭi cando ạyuṕ bela

Hende rimil rakaṕen ńut́ge,

Hoe daḱ darae kan hud hud

Pạchim disom khon botorge.

Hende rimil guḍ gudạḱ kan

Oktoreye huḍuret́ diṛim diṛim.

Cẽṛẽ ciprut́ ko cero beroet́

Ponḍ kõk ko uḍạuḱ kan coṭ seć.

Gogo oṛaḱre uduṛ dupuṛ

Hana noaye aderet́ harephare,

Gupi koṛako gupiṭạnḍi khon

Gại ḍaṅgra ko piḍgạuket́ko.

Kạmi hoṛko dạṛ ạguet́ akbak,

Ato oṛaḱte umuloḱ lạgit́.

Hoe kedaye gurlạ gurli radrad,

Daḱ kedaye jhomor jhomor.

Oṭaṅ idikedae oṛaḱ duạr ko,

Rạput́ idikedae dare ḍạrko.

Goṭa dhạrtire aema okte aema lekan mãhãko manaoet́ kana. Onka leka baba mãhã hõ mit́ṭen mãhã kana. Teheń do 19 June. Baṅgladisomre jao sermage June cando reaḱ tesar Aṭhwar do baba mãhã mente manaoḱ kana. Onkage teheń do June cando reaḱ tesaraḱ Aṭhwar kana. Ar teheń do goṭa Baṅgladisom baba mãhãko manaoet́ kana.

Sạrige baba katha do huḍińre hõ ạḍi soros utạraḱkangea. Cedaḱ je, baḍekaḱbon ḍher disomkorege gharońjren mukhiạ do baba. Gharońj reaḱ jo̠to̠waḱ do babage ńel juta. Gharońjre babawaḱ dạyik do asambheṛgea. Gidrạ hara buru, ona sãote oloḱ paṛhao cet́ae nonkan aema lekan dạyik ko menaḱtaea. Baba do joto lekanaḱte kulạu arko anṭaoet́bona. Cet́tege okulạn ar ṭonṭa baṅko dohoyet́bona. Joto ko ren babako kurumuṭuia jemon aćren gidrạ napaeye tahẽn. Gidrạwaḱ sukge babawaḱ suk. Onate teheń baba ńutumte mit́ṭen din niṭakana. One aema hoṛge ạḍi man-manot salaḱ teheńaḱ dinko manaoet́ kan.

Onate boeha ar misera disại mabon baba do ạḍi haron ar kosṭo sahaokate hara buru akat́bona. Abo mimit́ko jaruṛkantabona baba man-manote. Enḍekhan baba hõ raskạko aṭkara. Abo ṭhen khonaḱ dulạṛko ńamlere dhạrti jiṅgi napaeko khemaoa. Onka leka babawaḱ daya dulạṛte abo hõ mońjbo tahẽna.

Teheńaḱ noa huḍiń kathate apan ạpin babakoaḱ dulạṛbon disạima.

Sanamkoge baḍaeabon je, nes reaḱ SSC biḍạu do darakan 19 June khon ehoṕ reaḱ katha tahẽkana. Menkhan Baṅgladisom re menaḱ joto sikhnạt board reak SSC General, SSC Vocational ar Dakhil biḍạu do hapeyena. Arhõ bonodol akan bidạu reaḱ somoysuci tayomte baḍae ńamoḱa.

Ente disom reaḱ banbạsi khạtirte nonkae goṭakeda Sikhnạt Montronaloy. Noa khobor do Sikhnạt Montronaloy ar jonosonjog ạpiser M A Khair-e kolakat́ mit́ṭen ḍhạrwạḱ talate baḍae ocoakana.

Source: bssnews

Meskoć

Mit́ṭen pạṭhuạ kuṛi gidrạ ar Mahasoe talare galmarao:

Nipa: June came in Sir?

Sir: Noa do oka lekan English-em cet́keda?

Nipa: Sir, am ṭhenge tho̠.

Sir: May I came in Sir, nonka coṅ cet́let́me.

Nipa: E Sir, un jokhen ma may cando tahekan. Menkhan disạ hećam kana se baṅ? Ente nit ma June cando calaḱ kan.

Mit́ṭen phorasi hoṛe tahẽkana. Uniren mit́ṭen seta ar Miru cẽṛẽkin tahẽkantaea. Ado̠ uni seta jaoge aema lekan cecet́aḱe emawade tahẽkana. Metaḱme khilạḍ ar kạmiko. Tinre cet́leka hukumae onka lekagey kạmiet́ tahẽkana.

Menkhan Miru cẽṛẽ do kạmige bae cet́akat́ tahẽkana. Uni cẽṛẽ jao ghuṛige bo̠ko̠t́ bo̠ko̠t́e roṛet́kan tahẽkana. Becariạ seta cetanre ạḍitet́e sordaroḱ kantahẽkana. Ać hõ uni hoṛ lekage setae hukumaea. Ekal raṅgao macha beṅget́kate ạcuede tahẽkana.

Uni kisạ̃ṛ hoṛ jaoge dokante jomaḱ ạgui kolekan tahẽkana. Enḍekhan seta do jotoko ṭhen ạḍi oprome tahẽkana. Ado tinre calaḱ unregeko emae kantahẽna ar kisạ̃ṛaḱ ńutumre hisạbko ol dohoyet́ tahẽkana.

Mit́din hisạbe duṛuṕen khan baṅge milạuḱkantaea. Ente tin dhaoe kolkade ona khonaḱ bạṛti ol akana. Bickom noa reaḱ karontet́ baṅgey bujleda. Inạkate mit́dine tạṅkhikeda, mit́ jokhen Miru cẽṛẽ ackage mengot́keda, ṭukri ạguime ar dokan calaḱme.

Becariạ seta baṅgey rebenkana, khan Miru cẽṛẽ do arhõ raṅgao ńõktey metadeam do calaḱme. Ado uniaḱ katha leka calaoente mit́ ghạṛite jomaḱ ạgukate cẽṛẽ samaṅadea. Ado uni seta onḍegey hapeyena, asoḱ kantahẽkane jomaḱe ńama. Menkhan uni cẽṛẽ bahre seće lagakedea. Ar enḍete eskargey jomkeda. Enhiloḱ khonaḱe bujạukeda, cekate hisạb nonka baṅ milạuḱ kana mente. Noḱoe ado nonka Miru cẽṛẽaḱ budtae.

SSC biḍạu ehoṕ lạgidoḱkante darakan 15 June khon pe hapta Bangladisom reaḱ joto coaching centre ko bond tahẽna mente Sikhnạt Montri Dr.Dipu Moni lại lahakeda.

Arhõe menkeda je, biḍạu ehoṕkate coaching centre dekbhal ar nońjor reko dohoea. Ente biḍạu okte adom adom coaching centre jhićge tahẽna. Onate bond dinre jaha coaching centre jhićko ńamlere, ,  ạn lekate onko birudre bebostha hataoḱa mente hõ lại lahayena. Ente noa do maraṅ utạr se jạṛuṛteaḱ ar  baḍaeteaḱ bisoe kangea.

Darakan 19 June Khonaḱ SSC Biḍạu Ehoṕa Nes bo̠chor reaḱ Secondary School Certificate (SSC) bidạu reaḱ somoysuci sodorena.  Banladesh re nia do joto khon maran board bidạu kana. Niare

Secondary School sikhnạt board, Rajshahi, Comilla, Syhlet, Dinajpur, Jessor,Barisal, Mymensingh ar Chittagong board noa routine-e sodorkeda. SSC bidạu do darakan 19 June ehoṕa ar 6 July mucạdoḱa. Enhiloḱ setaḱ 10 baja khonaḱ ehoṕkate tikin 12 baja dhạbić hoyogoḱa. Baḍaeabon je̠, jao sermage February cando SSC biḍạu ar April cando do HSC bidạu hoe baṛaḱa. Menkhan ko̠ro̠na khạtir 2020 serma khonaḱ sikhạt dhap reaḱ sanamaḱge ạulạu caba akana. Ente okte nạpitre bidạuko baṅ hoyoḱ kana. Niạ dhaoaḱ bidạu hõ ạḍi bilomte ehoṕ lạgido̠ḱ kana. Enrehõ as menaḱa jo̠to̠waḱ biḍạu napaete hoe purạuḱa.

Hola calaoen Sokolbar (10 June) West Bengal Board re hoe akan High School reaḱ result sodorena. Kocbihar jilạren Anisa Dev Sharma 498 nombor ńamkate Pạchim Boṅgo pạṭhuạko modre pạhil thạ̃iye ạidạrijoṅana.  Nes noa biḍạure pas se jitạuen gidrạkoaḱ soṅkha tahẽkana 88.44 percent. Arhõ baḍae ńamena Bakura jilạ reaḱ Bakura Christian Collegiate re paṛhaoḱkan Suvasish Hasda ńutuman pạṭhuạ koṛa moṭre 479 nombor ńamkate bar gelko modrey ṭhạ̃iana.

Jo̠to̠ bisoe re ńam akat́ nombor latarre emena:

Bangla 88, English 96, Computer Aplication re 98, Dorson  99 ar Bhugol re 95 nombor-e ńamakada.

Pạhil bar gel modre ṭhạ̃iante apat́ Lal Mohon Hasda ar eṅgatet́ Nilmuni Hasda asambheṛkin kusiyena. Suvasish ren eṅgat apat́ bana hoṛge BSNL ren kạmiạ hoṛkin tahẽkana. Menkhan nit́ do baṅkin kạmikana. Tinre eṅgat-apat ṭhen hoṛko ạkinren gidrạwaḱ result babotre baḍaejoṅko khojkeda, Unre sạrige ạḍi go̠ro̠b salaḱ kin menkeda, as tahẽkana gidrạ mońj jo̠e ńama mente. Sińke ńindạ mone gaḍaokate paṛhao akana. Jahan ạṛisge baṅ tahẽkantaea. Ar nit Ona reaḱ jo̠e ńamkeda.

Tayom daram dinre cele hoyoḱa mente kuklikedere, roṛ ruạṛkeda, Nit do College re bhorti lạgit́ paṛhaoḱe ehoṕkeda. Ente Bharot nagraha reaḱ bhage utạr Biswabiddaloy re se English te Graduation lạgit́ ạḍitet́ sana ar kukmu menaḱtaea. Inạkate bidạure rakaṕen pạṭhuạ gidrạko nonka menkate udgạuket́koa, je̠, gogo-baba ar gatekoaḱ katha leka do baṅ bickom apnar kusi metaḱme oka bisoe-em kusiḱ, onage paṛhaoḱme. Enḍekhan oloḱ paṛhaoḱ talate rạskạm aṭkara. Ar nonakate oloḱ paṛhaoḱ jingirem laha daṛeaḱa.

Tumạl: Sarsagunpatrika