UEFA Champion League group khilạḍre Barcelona ar Juventus tạkinaḱ mit́ groupre gateḱ ńel tạkin lạgit́ Football eneć ńeńelko ạḍi ahkaoḱ reko tahẽnkan tahẽkana. Menkhan Juventus aḱ́ maṭh re̠ Barcelona khilạḍe pheḍoḱ lahare̠ Ronaldo KORONA Virus teye jạbunen khan Messi Ronaldoaḱ ona Football lạṛhại ńel re̠aḱ ạt do baṅ hoe akana. Tobe nit do ona khilạḍ lạṛhại ńel lạgit́ ar jahan muskil do bạnuḱa.

Teheńge ńel ńamoḱa mare barea jao okteren khilạḍ haparao ren kinaḱ lạṛhại. Niạ dhạbićte knock out darja dokin niṭ akada Barcelona ar Juventus, tobe teheńaḱ khilạḍ re̠ak jo tege nirik koḱa group champion do. Teheń Draw len khan Barcelona doe Championoḱa ente uni do niạ laha re Juventus 2-0 goaltey hạr ledea. Ona chaḍa hõ point  hisạb leka te̠ hõ Barcelona do laha rege menaḱ koa (Barcelona 15, Juventus 12)

Source: Dainik Jonokontho

Hola Sokolbar do Dinạjpur ̠reaḱ Nobabgonj re̠ Ạdibạsi Santal koaḱ mit́ Aḱ Sar Tuń haparao Ạḍi jak-jomok selet́ hoe purạuena.Upojilạ re̠aḱ Golabaṛi Marsal Juạn Gãota ar Khilạḍiạ (Sporting) Gãota noa haparao dokin sapṛao leda.Ạdibạsi santalaḱ apnar sodoroḱ ạricạliko modre̠ Aḱ Sar do mit́t̠en maraṅ cinhạ kan gea.Santal kodo nit hõ Aḱ Sar do akoaḱ bańcaoḱ re̠aḱ ḍhal lekako hudiseda. Noa Akhṛa re̠aḱ etohoṕ rege Upojilạ Ạdibạsi Chairman Norens Murmuaḱ Ạḱyurte gapal marao akhṛa do ehoṕ ena,noa akhṛare̠ Maraṅ peṛa hisạbte seṭere tahẽkana Upojila Nirbahi Officer(UNO) Ms. Najmun Nahar ar Bises peṛa lekate̠ damanaḱ galmaraoe lại cal keda Gram Bikash Kendrore̠n Ạḱyurić Sara Marndi ar Upojila Mahila Vice Chairman Parul Begum. Noa Aḱ Sar tuń haparao Akhṛare̠ mimit́ dol 3 hoṛ kate̠ jotore̠ 16 goṭen Dolko selet́ lena. Noa Haparao re Jahan pur do Pạhil Rajbaṛi do Dosar ar Baṛko ṭola do Tesar ṭhãoe hameṭ keda.

Source- Beautiful Dinajpur.

Gapa sokol hiloḱ ńindạ 10 baja okte̠ Katarre̠ Dhạrti jakat(Bisso Cup) Football khilạḍ re̠aḱ bachna kạmihora khilạḍre̠ ona ṭhạ̃i Diso̠m sãote̠ Maṭh re̠ko pheḍoḱa Baṅgkadisom jạtiạri Football gãota. Ona chaḍa ar hõ sokol hiloḱ dekoaḱ ḍoboḱ din kante̠ enhiloḱ re̠aḱ Boṅgo bondhu T-20 Krikeṭ khilạḍ re̠aḱ kạmi hora re̠aḱ phera pjirie ạgueda BCB.

Laha te̠naḱ kạmi hora lekate̠ sokol hiloḱ re̠aḱ pạhil khilạḍ etohoboḱ re̠aḱ katha tahẽkana tikin 2.00 baja ar mucạt́ do tayom bela 5.20 baja okte̠. Ar dosar khilạḍ re̠aḱ etohoṕ okte̠ do tãhekana siṅghạṛ 7.00 baja khonaḱ 10.20 baja hạbić hoyoḱ re̠aḱ katha. Tobe nit do khilạḍ ehoboḱ re̠aḱ oktẹ do laha ńoḱ akana. Pạhil khilạḍ do ehoboḱa tikin 12.00 baja ar mucạdoḱa tayo̠m bela 3.20 baja okte̠re.

Ar Dosar khilạḍ do ehoboḱa Tayo̠m bela 5.00 baja okte̠. Pạhil khilạḍ re̠aḱ etohoṕ Toss do hoyoḱa setaḱ bela 11.00 okte̠ ar Dosar khilạḍ re̠aḱ Toss re̠aḱ oktẹ do niṭ akana tayo̠m bela 4.00 baja oktere̠. Tikin okte re̠aḱ khilạḍre̠ Fortune Barisal birud khiolạḍ reko lạṛhạia Jemcon  Khulna. Eṭaḱ seć ar hõ Siṅghạṛ oktere dosar khilạḍre̠ Beximco Ḍhaka birudre̠ ko gateḱa Minister Rajshahi.

Lukhibar hiloḱ mit́ khobor ḍhạrwạḱ sakam hotete noa khobor doe khạṭi akada Bangkadesh Cricket Board(BCB). Ḍhạrwạḱre do khilạḍ phera phiri re̠aḱ jahan katha doe bae men akada. Noa lạgit́ BCB re̠n Maraṅ Ạḱyuriće men akada askaete̠ sokol hiloḱ ḍoboḱ ar Football eneć re̠aḱ katha hudis kate̠ ale do noa kạmi hora pherao akada.

Mõr̠e dolaḱ Boṅgobondhu T-20 khilạḍ akhṛa re̠aḱ joto gate̠ḱre̠ sanam khon cetanre̠ menaḱ koa Gazi group Chittagong. Ar nit hạbićte̠ Dosar ṭhạ̃ore̠ menaea Minister group Rajshahi. 4 khilạḍre̠ soman 2 jitkạr kate tesar ṭhạ̃ire̠ Jemcon Khulna ar 4 khilạḍre̠ eken 1 khiạḍre̠ jitkạr ńam kate̠ ponaḱ ṭhạ̃ire̠ menaea Fortune Barisal. Ar sanam ko khon Run re̠aḱ hisạbte̠ sanam ko khon latarre do menaea Beximco Dhaka.

Source-Bangla Tribune

Covid-19 khạtirte̠ aema din jirạu tayo̠m mit́ṭeć kateḱ jitạu ar Drawte̠ khilạḍre ruạṛoḱ do baṅgladiso̠m lạgit́ ạḍi bhạlạinaḱ hoe akana. FIFA Ranking  re̠ noa re̠aḱ umul do paṛao akana, pe dhap ko laha akana Jemie Day ren celako.

Dhạrti jakat Football gãota FIFA re̠aḱ website re Calaoen sokol hiloḱ (26 Nov.) uchạnen sanam khon mucạt́  Ranking re̠aḱ cetanre̠ jahan pherao do̠ baṅ hoe akana. Laha lekage pạhilre̠ metaḱme coṭ ciṛạre do menaea Belgium.

Niạ cando re̠aḱ talamala re̠ Nepal são barea peṛa khilạḍte̠ aema din tayom khilạḍ teko ruạṛ heć akana Baṅgladisomre̠n jạtiạri dol. Pạhil khilạḍre̠ 2-0 golte̠ jitkạr tayom dosar khilạḍ redo begor golte̠ khilạḍ ko mucạt́ keda.

Niạte̠ FIFA Rankingre̠ pe dhap laha kate 184 ṭhạ̃oko hameṭ keda Baṅgladisom.

Pạhil turui ṭhãore̠ bạnuḱa jahan pherao, onḍe do nonka leka menaḱ koa: Belgium, France, Brazil, England, Portugal,  ar Spain. Mit́ dhape rakaṕ heć akana Argentina ar mit́ dhap leńjet́ pheḍ kate Irạl nomborre menaea Uruguay, ar bar dhap  kate  laha seće kin rakaṕ akana Mexico ar Italy.

Pạhil gel goṭen bhage dolko khonkin oḍoṅ akana Croatia ar Colombia. Mit́ dhap latar seć pheḍ kate nit do Croatia 11 Nomborre ar mõṛe dhap latar seć pheḍ kate̠ Colombia nit do 15 Nomborre menaea.

Argentina re̠n namḍak phuṭbol khilạḍiạ Diego Maradona  teheń koṛam/ontor  re̠aḱ ruạte̠y goće̠na. Khobor sakam noa khobor doe khạṭi akada.Noa laha thoṛa din khonge nui do ruạ halreye tãhekana.

Tegre rẹaḱ nijaḱ oṛaḱ regeye goćena Maradona do. Gujuḱ hạbić te̠ uni do 60 serma umerene tãh̃kana. Calaoen candoge uni do haspatal khon oṛaḱtey ruạṛ heć akan tãhekana. Buenos Aires re̠aḱ mit́ haspatal uniaḱ bohoḱre̠ operation kate̠ uniaḱ bohoḱre̠ keṭećlen mayamko ocoḱ saphalet́ taea

Un okte̠ ńu buloḱ re̠ak maraṅ muskil ruạtey ghạl akan tãhekana Maradona. Uni mońj ruạṛe lạgit́te̠ tegre re̠aḱ ńu buloḱ khon bhage horte̠ ruạṛko kendro reko idi ledea.

Argentina re̠aḱ khobor sakam TYC sporte baḍae oco akana teheń ṭhại somoe tayom bela uni do ontor laṛao/heart attach hoentaea.  Noa khon ar bae bańcao ruạṛ daṛeada nui namḍak khilạḍiạ do.

1986 serma dhạrti jakat phuṭbol kheloḍ haparaore̠ mit́ leka eskar tege jit siropae hameṭaḱ koa Argrntina, ona chaḍa hõ Iṭali re̠aḱ Napoli Club khon hõ ona khilạḍiạ oktere ạḍi gorobanaḱ khilạḍ sandese em akada. Uni do bar dhao Siri A ar UEFA Cup jit siropae hameṭ akawat́ koa Napoli Club.

Argentinaren nui namḍak khilạḍiạ do sanam jugre̠n sirạ mit́ṭen khilạḍiạ kan geae. Okoe kanae sirạ khilạḍiạ noa kuklire̠ Pele ar Maradona noa re̠aḱ reṭerẹ jaoge menaḱ koa  goṭa dhạrtire̠n hoṛ.

Argentina Football  Association Maradonawaḱ gujuḱte̠ ko duk selet́ akana, Onare̠n sabha muklhiạ Klodio Tapia mit́ twit reye men akada, “Maradona amdo aleaḱ ontorre̠ jao oktem tãhena.”

Source –Prothom Alo

Teheń Moṅgolbar tikin oktege Baṅgladisom doe ruạṛ kana Cricket Haparaote̠, Okte̠ hisạbte do ekalte̠ 251 din tayom diso̠m Cricket kheloḍ tey ruạṛ kana Baṅladiso̠m. Ạḍi jakjomok ar rạskạ sapṛaote̠ uḍhạu hoyoḱ kana, “Boṅgo bondhu T-Twenty Cup Sponsor by Walton”. Jạtiạri Baba Boṅgo Bondhu Sheikh Mojibur Rahmanaḱ mit́ sae Janam mãhã disạ ar manaore̠ nonḍenko Crickeṭar kote̠ pạhil dhao leka hoyoḱ lạgidoḱ kana Hi Voltage Boṅgo Bondhu T- Twenty  Cup. Mõṛe̠ Goṭen Dol se gãotawante̠ noa kheloḍre̠ko seledoḱ kana 80 Crickeṭar.

Joto haparaote̠ moṭre̠ match se Akhṛa do hoyoḱa 24 goṭen. Phaenal haparao do̠ hoyoḱa darakan 18 december. BEXIMCO Dhaka  ar MINISTER Group Rajshahi tạkinte̠ noa kheloḍ akhṛa do ehoboḱa. Uḍhạu dinre̠ dosar kheloḍ redokin  seledoḱa Tamimaḱ Fortune Barisal ar Sakibaḱ Jemkon Khulna.

Leage kheloḍre̠ dinạmge barea kate̠ kheloḍ hoyoḱa. Bond/chuṭi din bad kate dinạmge pạhil kheloḍ do tikin 1.30 bajare ehoboḱa ar dosar kheloḍ do bijli bạti re̠aḱ marsalte̠ siṅgạṛ 6.30 bajare ehoboḱa. Ar Bond se chuṭi din redo̠ pạhil kheloḍ ehoboḱa tikin 2.00 baja okte ar dosar kheloḍ do siṅgạṛ 7.00 baja ehoboḱa.

Indian Premier League (IPL)  5 dhao̠ le̠ka Siropako hame̠ṭ keda Mumbại Indians crickeṭ dol. Calaoe̠n Moṅgol hiloḱ 13 dhao̠ re̠aḱ IPL phaenal khilạḍre̠ Delhi Capitals Cricket  dol 5 wickette̠ hạr lipuḱ ket́kote̠ mumbại Indians Cricket Dol do Phaenalre̠ Maraṅ soripako hameṭ keda. Noa laha noko Mumbại Indians Dol do 2013,2015,2017. 2019 serma re̠hõ noa siropa ko ńam leda ar Delhi Capitals do niạ dhaoge pạhilte̠ IPL re̠aḱ phaenal Khilạḍre̠ geteḱ re̠aḱ ạtko ńam akada. Noa dinre̠ Dubai International Cricket Stadium re̠ hoyen noa khilạḍre̠ Delhi Capitalaḱ 157 Run re̠aḱ emaḱ haparao̠ lekha khudạu tiạg lạgit́ bat saṕ kate̠ pheḍenre̠ Mumbại Indians Cricket dol do 18.4 bolte̠ 5 wicket tege jitkạr doko ńam keda.   

Teheń 30 October 2020 Rajshahi Jilạ re̠aḱ Tanor thana Badhair pargana porisodaḱ sapṛao̠te̠  Badhair Union re̠aḱ Ramdebpur (Guccho Gram) Sarkari Primary Iskul Maṭhre̠  Adibasi Santal kuṛi koaḱ Mit́ din re̠aḱ (One day) Phuṭbol  khilạḍ haparao̠ ạḍi rạskạ ar jakjomok selet́ hoe purạu e̠na, No̠a khilạḍ haprao̠re̠ moṭre̠ 8 goṭe̠n atore̠n Santal kuṛi phuṭbol khilạḍiạ gãotako selet́lena, O̠nko selet́le̠n joto gão̠ta re̠n sanam kuṛi phuṭbol khilạḍiạ koge ạḍi muruk ar kurumuṭute̠ ko khilạḍena tobe mucạt́re̠ do̠ Dhamdhum santal kuṛi khilạḍiạ ko 1 golte̠ bhagao̠ ket́ kote̠ Atahạr santal kuṛi khilạḍiạko jitkạr  Siropako hameṭ keda, No̠a khilạdre̠ pạhil Siropa do 4,000/- ar Dosar Siropa do 3,000/- Taka tahẽkana,Khilạḍ re̠aḱ Siropa cal-Capat́ akhṛare̠ Maraṅ peṛa lekare̠ seṭere̠ tahẽkana Badhair Union Porisodre̠n Mn. Chairman.Ataur Rahman, Bises peṛa lekate̠ Ramdebpur Iskul re̠n Sabhamukhiạ Mn.Samsul Haque,Badhair Union Pargana-Mn.Raimon Murmu (Ram) arhõ no̠a ṭoṭhare̠n ae̠ma manotanko selet́ko tahẽkana.

Teheń 18 Ocṭober 2020 ạḍi jakjomok selet́ Hatbakoil Ṭikol maṭre̠ bar din re̠aḱ ạdibạsi koaḱ phuṭbol haparao̠ hoe purạue̠na, No̠a haparao̠ doko sapṛao̠ leda “Amra Sobai Bondhu” juạn gãota. Ona khilạḍ re̠ko selet́ le̠na no̠a ṭotha re̠n 16 goṭe̠n phuṭbol khilạḍ  dol joto dol dilgạria̠ juạn koṛakoge kajak kurumuṭu selet́ khilạḍko khilạḍe̠na tobe mucạt́ rạskạ doko rạskạyena Cạlnai Ạdibạsi phutbol Dol onko do̠ pạhil Ṭikol phutbol são nirik akan okte̠re̠ 1-1 goalte̠ soman somanko tahẽkana,o̠na tayo̠m, ona tayo̠m Ṭraebrekar phandare̠ Ṭikol Ạdibạsi dol do̠ Cạlnai Ạdibạsi Dol ṭhe̠n 4-3 goalte̠ko pạnḍućena ar onate̠ cạlnại dol do̠ teheńaḱ haparao̠re̠ ko jitạue̠na. No̠a Khilạḍre̠ Jitạue̠n Do̠l lạgit́ pạhil siropa do̠ tahẽkana 10,000 hajar ṭaka ar dosare̠n dol lạgit́ do̠ 8,000 hajar ṭaka. Khilạḍ re̠aḱ Siropa cal capat́ Akhṛare̠ selet́ ko tahẽkana Nejampur Union 5 No. word re̠n member md. Toslim Uddin, Nejampur Union re̠n pargana Manotan Sontosh Pauria, manotan Nogen Pauria ar hõ onḍen aema manotanko.

 Teheń October 15, 2020 tạrik do̠ go̠ṭa din Dinajpur Jilạ r̠eaḱ Kaharol Upojilạ Sukạndighi Maṭre̠ hoe̠ purạuena. No̠a football haprao re 8 go̠ṭe̠n team se̠le̠t́ko tahe kana. Jo̠to̠ team rege ạḍi dilgạriạ santal khilạḍ koko tahẽ kana. Football khilạḍ re̠aḱ asol jo̠s se̠ mo̠tlo̠b do̠ tahẽ kana; nãhãḱ jugre̠n juạn koṛako je̠mo̠n bạṛić kạmiko khon sahaṛakae̠ ko tahẽn ar o̠lo̠ḱ paṛhao̠ se̠ć te̠ko laha idiḱ. No̠a khilạḍ calao̠ banao̠re̠ Ạyurre̠ko tahẽ kana Isore Gram Ạdibạsi Jubo Soṅgoṭhon Khilạḍ re̠ se̠le̠t́ ko tahẽ kana Erạl 8 go̠ṭe̠n team se̠ do̠l; Do̠rga paṛa Mohe̠spur Ạdibạsi Jubo Soṅgho, Laṭer haṭ (Raten) Khansama, Muṭni haṭ SAFA Soṅgoṭhon, Pargao, Belsari, Baromail, Kạsipur, Rampur Santal atokore̠n dilgaṛiạ gạkhuṛ kilạḍiạko. Laṅga re̠ṅgeć go̠ṭa din khilạḍ kate̠t́ Final re̠ko rakaṕ e̠na; Muṭni haṭ SAFA Soṅgoṭhon ar Dorga paṛa Mohe̠spur Ạdibạsi Jubo Soṅgho. Ạḍi tạpis khilạḍ kate̠t́ okoe̠ hõ gol bako ńam le̠da. Mucạt́ re̠ traibekar phanda te̠ khilạḍ re̠aḱ jo̠ do̠ ńame̠na. Jo̠ do̠ no̠nka le̠ka tahẽkana; traibe̠kar phanda kate̠t́ mit́ 1 go̠l te̠ Muṭni haṭ SAFA soṅgoṭho̠n pạhilaḱ siropa (prize) lạgit́ko jitkạr e̠na. Pạhil siropa (prize) hisạbte̠ Muṭni haṭ SAFA soṅgoṭhon do̠ Ge̠l mõṛe̠ (15,000) hajar ṭaka ar Do̠sar siropa (prize) do̠ Dorga paṛa Ge̠l hajar (10,000) ṭakako ńam ke̠da.No̠a khilạḍ re̠aḱ Siropa cal-capat́ Akhṛare̠ seṭerko tahẽkana manotan Gonesh Murmu Bablu Member ar Maejiu Member Nurnahar.