Teheń 30 October 2020 Rajshahi Jilạ re̠aḱ Tanor thana Badhair pargana porisodaḱ sapṛao̠te̠  Badhair Union re̠aḱ Ramdebpur (Guccho Gram) Sarkari Primary Iskul Maṭhre̠  Adibasi Santal kuṛi koaḱ Mit́ din re̠aḱ (One day) Phuṭbol  khilạḍ haparao̠ ạḍi rạskạ ar jakjomok selet́ hoe purạu e̠na, No̠a khilạḍ haprao̠re̠ moṭre̠ 8 goṭe̠n atore̠n Santal kuṛi phuṭbol khilạḍiạ gãotako selet́lena, O̠nko selet́le̠n joto gão̠ta re̠n sanam kuṛi phuṭbol khilạḍiạ koge ạḍi muruk ar kurumuṭute̠ ko khilạḍena tobe mucạt́re̠ do̠ Dhamdhum santal kuṛi khilạḍiạ ko 1 golte̠ bhagao̠ ket́ kote̠ Atahạr santal kuṛi khilạḍiạko jitkạr  Siropako hameṭ keda, No̠a khilạdre̠ pạhil Siropa do 4,000/- ar Dosar Siropa do 3,000/- Taka tahẽkana,Khilạḍ re̠aḱ Siropa cal-Capat́ akhṛare̠ Maraṅ peṛa lekare̠ seṭere̠ tahẽkana Badhair Union Porisodre̠n Mn. Chairman.Ataur Rahman, Bises peṛa lekate̠ Ramdebpur Iskul re̠n Sabhamukhiạ Mn.Samsul Haque,Badhair Union Pargana-Mn.Raimon Murmu (Ram) arhõ no̠a ṭoṭhare̠n ae̠ma manotanko selet́ko tahẽkana.

Teheń 18 Ocṭober 2020 ạḍi jakjomok selet́ Hatbakoil Ṭikol maṭre̠ bar din re̠aḱ ạdibạsi koaḱ phuṭbol haparao̠ hoe purạue̠na, No̠a haparao̠ doko sapṛao̠ leda “Amra Sobai Bondhu” juạn gãota. Ona khilạḍ re̠ko selet́ le̠na no̠a ṭotha re̠n 16 goṭe̠n phuṭbol khilạḍ  dol joto dol dilgạria̠ juạn koṛakoge kajak kurumuṭu selet́ khilạḍko khilạḍe̠na tobe mucạt́ rạskạ doko rạskạyena Cạlnai Ạdibạsi phutbol Dol onko do̠ pạhil Ṭikol phutbol são nirik akan okte̠re̠ 1-1 goalte̠ soman somanko tahẽkana,o̠na tayo̠m, ona tayo̠m Ṭraebrekar phandare̠ Ṭikol Ạdibạsi dol do̠ Cạlnai Ạdibạsi Dol ṭhe̠n 4-3 goalte̠ko pạnḍućena ar onate̠ cạlnại dol do̠ teheńaḱ haparao̠re̠ ko jitạue̠na. No̠a Khilạḍre̠ Jitạue̠n Do̠l lạgit́ pạhil siropa do̠ tahẽkana 10,000 hajar ṭaka ar dosare̠n dol lạgit́ do̠ 8,000 hajar ṭaka. Khilạḍ re̠aḱ Siropa cal capat́ Akhṛare̠ selet́ ko tahẽkana Nejampur Union 5 No. word re̠n member md. Toslim Uddin, Nejampur Union re̠n pargana Manotan Sontosh Pauria, manotan Nogen Pauria ar hõ onḍen aema manotanko.

 Teheń October 15, 2020 tạrik do̠ go̠ṭa din Dinajpur Jilạ r̠eaḱ Kaharol Upojilạ Sukạndighi Maṭre̠ hoe̠ purạuena. No̠a football haprao re 8 go̠ṭe̠n team se̠le̠t́ko tahe kana. Jo̠to̠ team rege ạḍi dilgạriạ santal khilạḍ koko tahẽ kana. Football khilạḍ re̠aḱ asol jo̠s se̠ mo̠tlo̠b do̠ tahẽ kana; nãhãḱ jugre̠n juạn koṛako je̠mo̠n bạṛić kạmiko khon sahaṛakae̠ ko tahẽn ar o̠lo̠ḱ paṛhao̠ se̠ć te̠ko laha idiḱ. No̠a khilạḍ calao̠ banao̠re̠ Ạyurre̠ko tahẽ kana Isore Gram Ạdibạsi Jubo Soṅgoṭhon Khilạḍ re̠ se̠le̠t́ ko tahẽ kana Erạl 8 go̠ṭe̠n team se̠ do̠l; Do̠rga paṛa Mohe̠spur Ạdibạsi Jubo Soṅgho, Laṭer haṭ (Raten) Khansama, Muṭni haṭ SAFA Soṅgoṭhon, Pargao, Belsari, Baromail, Kạsipur, Rampur Santal atokore̠n dilgaṛiạ gạkhuṛ kilạḍiạko. Laṅga re̠ṅgeć go̠ṭa din khilạḍ kate̠t́ Final re̠ko rakaṕ e̠na; Muṭni haṭ SAFA Soṅgoṭhon ar Dorga paṛa Mohe̠spur Ạdibạsi Jubo Soṅgho. Ạḍi tạpis khilạḍ kate̠t́ okoe̠ hõ gol bako ńam le̠da. Mucạt́ re̠ traibekar phanda te̠ khilạḍ re̠aḱ jo̠ do̠ ńame̠na. Jo̠ do̠ no̠nka le̠ka tahẽkana; traibe̠kar phanda kate̠t́ mit́ 1 go̠l te̠ Muṭni haṭ SAFA soṅgoṭho̠n pạhilaḱ siropa (prize) lạgit́ko jitkạr e̠na. Pạhil siropa (prize) hisạbte̠ Muṭni haṭ SAFA soṅgoṭhon do̠ Ge̠l mõṛe̠ (15,000) hajar ṭaka ar Do̠sar siropa (prize) do̠ Dorga paṛa Ge̠l hajar (10,000) ṭakako ńam ke̠da.No̠a khilạḍ re̠aḱ Siropa cal-capat́ Akhṛare̠ seṭerko tahẽkana manotan Gonesh Murmu Bablu Member ar Maejiu Member Nurnahar.

2019-2020  Se̠rmare̠n UEFA EUROPA League bạchri sirạ khilạḍiạ hisạbte̠ye̠ bachao̠e̠na Inter Milanre̠n Striker Romelu Lukaku. 27 se̠rma umeran nui be̠lgian khilạḍiạ do̠ Bruno Fernandes ar Ever Banega  tạkin tayo̠m otokate̠ no̠a siro̠pae̠ hame̠ṭ ke̠da. Niạ ghalo̠ḱ pon dhao̠ bạchri sirạ siro̠pae̠ hame̠ṭ ke̠da UEFA.

Sokol hilo̠ḱ nion re̠ sapr̠ao̠ le̠n UEFA  EUROPA league Group draw  akhṛare̠ Lukaku do̠ bạchri sirạ khilạḍiạ hisạbte̠ko jạhir kedea. Lukaku re̠n são̠tenić khilạḍiạ Eden Hazard calao̠e̠n se̠rma no̠a siro̠pae̠ ńam leda. EUROPA League Knockout akhṛare̠ Inter re̠aḱ turui go̠ṭe̠n gatere̠ goal re̠aḱ gorobe̠ hameṭ leda Lukaku, joto mit́re̠ uni do̠ eae go̠ṭẹne goal leda ar goal lạgit́ go̠ṛo̠e̠ e̠mleda barea. Sanam mit́ kate do̠ Inter re̠n hũyạte̠ go̠ṭa mạusum mit́kate 34 e goal akada.

Calao̠e̠n Mạusum re̠ Group akhṛa rẹak khilạḍre̠ 48 club re̠n Coachko te mit́ṭe̠n gão̠ta (Board) be̠nao̠ hoelena. São̠reko tahẽkana Europe re̠n Sports Media Group re̠n bachao̠ akan 55 khoboriạko ar EUFA rạsiạ  Diso̠mre̠n mit́ hoṛ kate̠t́ bachao̠ akan hor̠aḱ Vote.O̠na gão̠tare̠n (Board)  sanamko do̠ akoaḱ kusi leka pea khilạḍiạ koaḱ ńutumko bachao̠ daṛeaḱa. Onko modre̠ pạhilić do̠e̠ ńama 5 point dọsarić do̠ 3 point te̠sarić do̠ 1 point. Tobe coachko do̠ jahan vote do̠ bako e̠m daṛeaḱa.

Wolverhampton wanderers maṭh re̠ 1-3 goal te jitạukate̠ 2020-21 se̠rma re̠aḱ English premiere league haparao̠ ko e̠ho̠ṕ ke̠da Manchester city.2 hapta laha league haparao̠ e̠ho̠ṕ akan re̠hõ holano̠ḱ ńindạ akoaḱ pạhil khilạḍ ko  khilạḍe̠na city. Khilạḍ re̠aḱ e̠to̠ho̠ṕ khonge gạkhuṛ e̠ne̠ć te̠ ạḍi e̠ṭke̠ṭõṛẽ re̠ko do̠ho̠le̠t́ koa wolves re̠n defender ko.khilạḍ re̠aḱ 20 miniṭ re̠ penalty te̠ de Bruyne aḱ goal te̠ ko lahale̠na city. Do̠sar goal lạgit́ hõ aema o̠kte̠ do̠ baṅ lagawat́ koa city.32 miniṭ re̠ Phil foden ńe̠lo̠ḱ le̠kae̠ goal te̠ 0-2 goal te̠ko lahale̠na city. Wolves hõ ạḍi ko kurumuṭue̠t́ kantahẽkana khilạḍ re̠ ruạṛo̠ḱ lạgit́.do̠sar talare̠ wolves se̠ć khone̠ goal ke̠da Jimeneze (74 miniṭ).me̠nkhan 95 miniṭ re̠ Gabriel jisuse goal ke̠t́ khan khilạḍ re̠ ar bako ruạṛ dareada Wolves.

Manchester city re̠ coach (khilạḍ cecet́ić) Pep Guardiolai me̠ne̠da, ạḍi mo̠ńj ko gate akana gidrạko.ạḍi muskil tahẽkana nonḍẹ jitạḱ me̠nkhan jitạu kate haparao e̠ho̠ṕ do̠ ạḍi rạskạ re̠aḱaḱ kangea.

Mumbai Inḍians ar Chennai Super kings aḱ khilạḍ talate̠ te̠he̠ń sạnicar khon e̠ho̠bo̠ḱ kana IPL 13 aḱ khilạḍ akhṛa,Niạ se̠rma re̠aḱ IPL do̠ e̠ṭ̠aḱ se̠rma  le̠ka do̠ baṅ hoyoḱa. Niạ se̠rma do̠ udhạu be̠gorte̠ge Abu dhabire Baṅgladiso̠m re̠aḱ ạyuṕ 8 baja no̠a khilạḍ akhṛa do̠ e̠ho̠bo̠ḱa.

BCCI seć khon baḍae̠ oco hoe akana Diso̠m re̠aḱ niạ muskil dosare̠ se̠re̠ć do̠ ekk̠lte̠ ạuṛiaḱgea, Sanam khon maraṅ katha do̠ niạ dhao̠ re̠aḱ IPL do̠ hoyoḱa ńe̠ńe̠l hoṛko chaḍage, jãhã do̠ Crickeṭ ar o̠nako kusiaḱ jo̠to̠ ko lạgit́ bạṛić simbat, Ńe̠ńe̠l chaḍa khilạḍ maṭhre̠ Cricket e̠ne̠ćko ce̠t́ le̠kate̠ akoko udgạuḱa gate̠ arhõ jomokao̠ lạgit́ onage nit do̠ ńel re̠aḱ !

Niạ dhao̠ do̠ Rohit Sharmawaḱ Mumbai Inḍians do̠ uihạrea  Lasit malinga le̠kan khilạḍ jitkạr mit́ṭe̠n khilạḍiạ, No̠te̠ arhõ amdaj mit́ se̠rma tayom Cricket re̠ ruạṛ lạgit́ tạṅgire̠ menaea Dhạrti jakat Cricket khon bidạ e̠makat́ khilạḍiạ Mohendra Singh Dhuni.England- Australia re̠n 21 khilạḍiạ e̠ke̠n 36 gho̠nṭa re̠aḱ Quarantine mucạt́ kate̠ khilạḍ re̠ko se̠le̠do̠ḱa. IPL re̠aḱ niạ dhao̠ re̠aḱ no̠a khilạḍ re̠do̠ Baṅladiso̠m re̠n o̠ko̠e hõ bạnuḱkoa.

Tanor re 16 september 2020 tạrik Ạdibạsi koaḱ 2 din reaḱ football tournament final khilạḍ hoypurạuena. Amso `Ṭhik ache Bondhu’ sporting kelab aḱ ạyur te Amso Muthạrạpur foolball maṭhre Tanor Upojilạ reaṅ nanan ṭhại khon ạdibạsi koaḱ 16 goṭen khelạd dol ko oṅsoṅleda.
Mongolbar ạyuṕber Amritpur Jubo Soṅgho 0-1 golte ko harao ket́koa Ucạḍaṅga Adibasi Jubo Soṅgho ko jitạu akana. Final khelạḍ haparao re maraṅ neota peṛa hisạbte seṭere tahekate puroskare em calaḱkoa Tanore Pouro Meyar hudạ re Awami League darakan Meyor lek Abul Basar Sujon.
Rajshahi maraṅ naṅgraha Boalia thana Awami League ren são-chairman darakan dinre Tanore Pouroshova voṭe re Awami League dol khon Meyor hudạ re teṅgoḱ hoṛ Abul Basar Sujon do jitạu ńũ bubulaḱ ko khon sahaṛ akan tahen lạgit́ cehaona kathae lạiaḱkoa ar apnar thạilạḱ khon jitan khelạḍ dol18 hajar kạuḍi salat́ trofee emaḱkoa ar Runner up khelạḍ dol do 15 hajar kạuḍie em calaḱkoa. Niạ puroskar em akhṛa re maraṅ mukhiạ hisạbte seṭere tahekana Amso atoren gãota lahanti ạyur hoṛ Moslem Uddin Molla , manotan peṛa hisạbte seṭere tahekana tanore Pouro Awami League ren saṅgoṭhonik sompadok Wazir Hassan Protap Sarkar, Tanore Pouro Krisog League ren Sadharon Sompadok Entaj Ali. Niạ okte aema khelạḍ dulạṛ hoṛ ko 2 din reaḱ football khelạḍ haparao ńeńelko jarwalena.

KO̠RO̠NA virus ajar khon aema ńutuman khilạḍiạ ko ruạṛe̠n re̠hõ bako daṛe̠le̠na PSG.holano̠ḱ 0-1 go̠al te̠ko harao̠ ocoe̠na Marseille ṭhe̠n.

Franch ligue 1 haparao̠ re̠aḱ khilạḍ re 2011 se̠rma taeno̠m PSG birud pạhil jit ko hame̠ṭ ke̠da Marseille.khilạḍ re̠aḱ 31 minute re no̠a go̠al do̠e goal ke̠da Marseille ren gạkhuṛ khilạḍiạ Thauvin.o̠nate̠ Ligue re̠aḱ haparao̠ re̠ pạhil banar khilạḍ re̠ge do̠sar dhao̠ ko harao̠ ocoe̠na PSG.No̠nka do̠ e̠ke̠n hoele̠na 1978-79 se̠rma re̠aḱ haparao̠ re.

Me̠nkhan khilạḍ re 5 go̠ṭe̠n araḱ card ar 12 go̠ṭe̠ṇ sasaṅ card oḋok lēda khilạd ạyurić.o̠kaṭaḱ do̠ 2000 se̠rma khon pạhil o̠nako ḍhe̠r card ko ńamke̠t́ khilạḍiạko Franch Ligue 1 haparao̠ re.

Source-Sky Sports

16 Serma tayom Premier league haparao̠ re ruạṛ kate  anfild re liverpoll são̠te ạḍi jo̠mkao̠ ar kajak khilạḍ ko uduḱ keda leeds united.

Hola ńindạ 4-3 goal te jitạu kate haparao̠ ko e̠ho̠ṕkeda Liverpool. 5 go̠ṭe̠n  goal ge pạhil adha re hoele̠na. Mo̠hammad salah aḱ 3 goal re barea do̠ penalty khon ar mit́ṭen do̠e goal le̠da Virjil Van Dijk.

Khilạḍ reaḱ e̠to̠ho̠ṕ khonge ạḍi jhukạṛ te khilạḍ ko e̠ho̠ṕ le̠da calae̠n se̠rma ren champion Liverpool.Me̠nkhan Leeds united hõ so̠man te̠ko lạṛhạie̠na khilạḍre.

8 Sepṭembor ńindạ UEFA Nations League reaḱ haparao̠ re Sweden sãote 2-0 goal teko jitạulena Portugal. O̠na khilạḍ re nagam(itihas) ren dosar khilạḍiạ hisạbte Dhạrti jakat(International)100 ṭiye goal keda.

Khilạḍ reaḱ 45 miniṭ re free kick te goal kate no̠a nagam(Itihas) doe tear keda. 165 goṭen khilạḍ re selet́kate 100 ṭiye goal keda.

Ona khilạḍ re ạḍi jhũk ar kajake gateyena Ronaldo .72 miniṭ re arhõ mit́ṭene goal ke̠t́te no̠a haparao̠ re do̠sar jit ko hameṭ akada Portugal .