Pạhil dhạo leka UEFA Champios League Football Haparao Reaḱ Final Reko Rakaṕe̠na Paris St Germain

Franch club o̠koi do̠ moṛe gel janam mahã ko manao lạgit́ onku ge netoḱ Chanpions League final ko gateḱ lạgit́. Paris St Germain pahil dhao leka UEFA Champions League final reku rakap ena.Hola tala ńindạ hoen semi-final re Germany re̠n football club RB Leipzig 3-0 goal te̠ harao kate haparao reaḱ final re̠ khilạḍoḱ reaḱ ạidạri ko hameṭ keda. Pahilre Marquinhos ar Di Maria aḱ goalte khilạḍ re̠ku laha akan tahẽkana PSG. Menkhan khilạḍ 56 minute re̠ Juan Bernat tesaraḱ goal te jitao do nisṭạe̠n takoạ.

Daraekan aṭhwar hiloḱ dosar semi-final re̠ jitauḱ kan ḍol saõte final reaḱ jit ṭupri horog lagit ku laṛhaia Thomas Tukhel re̠n ḍol.

UEFA Europa league football haparao reaḱ final reko rakaṕe̠na Inter Milan

Calaoen tala ńindạ hoyena UEFA Europa league haparao semi-final. Onare Ukraine disom ren gạkhuṛ football dol Sakhtar Donetsk 0-5 goal teko harao ocoena ar mit́ ṭen dhạrtiren gạkhuṛ ar ạḍi tạpis football dol Inter Milan ṭhen.

Ona khilạḍ re̠ko goal akada Lautaro Martinez (19 ar 74 minute re̠), Danilo D,Ambrosio (64 minute re̠) ar Romelo Lukaku (78 ar 83 minute re̠ ).

Inter Milan re̠n coach (gate ceceić) Antonio Conte me̠ne̠da-“gidrạko ạḍi mońj ko haparao akana khilạḍre. Menkhan netoḱ do rạskạḱ reaḱ okte̠ do baṅkana, final re Sevilla FC saõ̠te ạḍi kajaḱ mit́ṭen la̠rha̠i do hoyoḱa’’, onate ać ren khelwaṛ ko saṕṛao tahene metako kana.

Daraikan sokolbar hiloḱ Spain re̠n football dol Sevilla FC (okọi do 5 dhao jit ṭupriko horoḱ akat́ noa haparao) saõ̠te final reko lạṛhạia Inter Milan.

Tanor re paṛhaoḱ kan gidrạ ko sikna̠t goṛoko ńamkeda

Calaoen 12 agust gurubar din setaḱ bela 10 baja Rajshahi reaḱ Tanore Upojila reaḱ Mundumala sarkari hai iskul re Manotan Maraṅ Muntri aḱ thạlạḱ khon soman otren siknạt gidrạ ko lạgit́ goṛo ar oloḱ paṛhaoḱ emanteaḱ jạruṛaḱ k ko emena. Niạ maraṅ akhṛare selet́e tahẽ kana Bangladesh Member parlament Manotan Omor Faruq Chowdhiri, Md. Lotfor Haidar Rosid (Moyna) tanor upojilạ chairman ar upojila nirbahi officer (UNO) Manotan Sushanto Kumar mahato, Mundumala sorkari hai iskulren hed master manotan Kamiel Mardy ar hõ onḍen ko aḍepaseren manotan hoṛko selet́ ko tahẽkana. Niạ akhṛa re 209 adivạsi oloḱ paṛhaoḱ cecet́ kan gidrạ ko siknạt goṛo ko emaḱ koa.