Niropon Hoṛmo ạn manao kate Iskul jhić reaḱ goṭawaḱ
Hoṛmo hạṭiń lạgit́ ạn manao kate Siknạt Orạḱko(Sikkha Protisthan) Jhić reaḱ ạri do gotạ hoe akana.Lukhibar Bhitrite noa goṭawaḱ do bḍaeoḱa menteko lại keda pạhil ar Gonoshikkha Montonaloe.
Niạ Serma do disom reaḱ Pạhil dhap metaḱme (5) moṛẽ Kilạs(PEC) Iskul bidạu do baṅ hoyoḱa. Tobe Apan ạpin Iskul kore noa (5) morẽ kilạs (PEC)biḍạu do hoyoḱa. Moṅgol hiloḱ pạhil ar gonoshikkha montonaloe kollet́ noa babot hudisaḱ Maraṅ montri doe hẽḱ akawada.
Teheń do Maejiu Koclon Rukhiạ Din
Teheń do Maejiu Koclon Rukhia din, 1995 serma reaḱ 24 August Mãhnạ Baṅgladisom reaḱ Dinạjpur re bar pe Police hotete Rape/dhorson ar ạḍi saset selet́ ko goc’ ledea gidrạ umer ren Eyasmin. Noa iạte goṭa Dinạjpur jilạ ren joto sãota(somaj) ren hoṛko hul leda. Ona Hul khạtir Police do joto sãota(samaj) ren hoṛko cetan re bạnduk seṅgel sarte auṛi pạthạuṛiko ṭuṭilet́ koa. Goc’ oco lenako Shamu, Shiraj, Kader selet́ arhõ 7 hoṛ, arhõ ko dal ocolena 3 sae leka hoṛ . Un khonge Dinạjpur jilạ selet́ Baṅgladisom reaḱ joto jilạre teheńaḱ din do Maejiu Koclon Rukhiạ din hisạb teko manao ạgu eda. Calaoen 25 serma khon nit hạbićte goc’ akankoaḱ gharońjren kodo sarkaraḱ jahan goṛo gopoṛo bako ńam akada.
Onate teheń joto santal hoṛ ko bon udgạu ocoḱ kana je, darakan dinkore aboren santal maejiuko Koclon khon Rukhiạ ko lạgit́ sanam kobon udgạu cehao koma ar sontor akan bon tahen ma.
Pukhri Daḱre Unum goćenae Dinạjpur ren Ukil Murmu
Dinạjpur Nowabganj upojilạ re Ukil Murmu (31) ńutuman mit́ hoṛ pukhri daḱreye goćena. Unido ona upojila reaḱ Kusdoho Union reaḱ Esaghoṛia (Mission Para) atoren Cere Murmuren hopone tahẽkana.
Police ko baḍae ocoḱ kana je, Ukil do 22 August 2020 tạrik ona upojila reaḱ Gilạjhuṛi (Banoa para) ato nạihạrte neota jome senlena. Onḍege enhiloḱ ạyuṕbela amdaj 5 baja seć Sorkar Hembrom takoaḱ pukhrire ḍạbrạḱe pheḍlena. Menkhan pukhri khạndriń ar Paeraḱ bae baḍae khạtirte uni doe unumena. Inạ tayom jal pheḍ kate ko oar rakaṕ kedea. Niạ reaḱ U.D. mamla hoeakana thanare.
Ceṭer Seṅgelteye Boṅga talayena Gainaha Lukhiram Hasdaḱ
Phuṭbol kheloḍ ńeńel calaokate ceṭer ńurteye rapaḱ goćena sanam koren oporomić gainaha Lukhiram Hasdaḱ (35), Uni chaḍa hõ sãoreko tahẽkan Bappa Pạuria (25), Bikash Soren (25), ar Johor Murmu (22), bajao̠ akana
Niạ ghoṭona do hoeakana 23 August 2020, tikin amdaj 1 baja okte, Puruliạ jilạ Manbajar-1 thana reaḱ Bishri ato poncayet reaṅ Cirubbhitạ ato reaḱ phuṭbol ṭạnḍire. Phuṭbol kheloḍ calaoḱ kan tahẽkanre thoṛa thoṛae daḱet́ kan tahẽna. Ṭhik inạ okte ackage huḍurate ceṭer ńurena Lukhiram Hasdaḱre ar são sãote inạ ghạṛi rege Lukhiram Hasdaḱ doe goćena ar ać sãoten ko onko pe hoṛ do são sãote Manbajar haspatal reko bhurti akat́koa.
Gainaha Lukhiram Hasdaḱ do Santali ḍaknam gainaha Sorosoti Hasdaḱ ren jãwãye tahẽkana. Lukhiram Hasdaḱ ar aćren oṛaḱ hoṛ Sorosoti Hasdaḱ aḱ do `Rahala Arkestra’ ńutuman mit́ sereń durạṅ dol menaḱ takina. Ona Rahala Arkestra sereń durạṅ dol do goṭa serma Pạchim baṅgla, Urissa, Jharkhanḍ Bihar ar hõ aema ṭoṭha kore sereń akhṛako uchạneda. Niạ Arkestra Sereń durạṅ dol hotete aema kuṛi-koṛawaḱ ae-rojgar reaḱ maraṅ kạmi ạt hoe kana. Ạkinaḱ niạ sereń duraṅ dol khạtir ạdibạsi ko talare aema namḍakkin kin hameṭ akada.
Namḍak gainaha Lukhiram Hasdawaḱ niạ ackage dhạrti puri khon calaḱ tedo Manbajar ṭoṭhare rạskạjoṅ kusiaḱkan boeha Miserako talare homor halaṅ hoyoḱ kana. Uniaḱ niạ acka gujuḱre sanam koge ạḍiko bhabna seledoḱ kana.
– Tumạl Sarsagun khobor sakam khon
Ko̠ro̠na Ajarte Jạbun akana Disom Guru Shibu Soren
Ko̠ro̠na do okoe ho bae baxgi akat́koa, gidrạ sẽṛa, haṛam buḍhi, koṛa kuṛi sanamge niạ ajarteko jạbunoḱ kana. Niạ dhao do Disom Guru Sibu Soren ko̠ro̠na ajarteye jạbunena mente khobor ńamena. Calaoen 22 Agust 2020 sạnicar hiloḱ Jhaṛkhanḍ ren mare maraṅ Monrti, Rajsabharen Rạsiạ Shibu Sorenaḱ Covid-19 report re noa ajarte jạbun reaḱ khobor baḍae akana. Ać ren oṛaḱ hoṛ Rupi Soren ho noa ajarteye jạbun akana. Niạ laha Shibu Sorenaḱ oṛaḱ reko kạmi kan 17 goṭen hoṛkoaḱ hoṛmo rehõ niạ ko̠ro̠na ajar ńam akana. Niạ halotre Guru goṅkeaḱ oṛaḱre arhõ 7 hoṛ niạ ajarte jạbunoḱ reaḱ khobor ńamakana.
Teheń 24 August aćren hopotet́ metaḱme nit menae Maraṅ Montri Hemonto Soren ar uniren oṛaḱ hoṛ ar uniaḱ oṛaḱ re kạmikan sereć ko covid-19 reaṅko biḍạu ocoḱa. Soren gharońj re ko̠ro̠na ajar reaḱ so̠mbat ńam tayom ge goṭa Jhaṛkhanḍ ṭoṭhare bạṛti sonto̠r ko hatao akada. Niạ khạtir disomre Guru goṅkeren celako talare mirluṅ ar bahbna mon ńelogoḱkan takoa. Sanamko Shibu Soren ar uni gharońjren koaḱ usạra pharnaḱ ko koejoṅeda Sisirjạić ṭhen.
- Sarsạgun khobor sakam khon ol tumạl akana
UEFA Champions League Phaenal reko Jitạue̠na Bayern Munich
6 dhao leka UEFA champions League ko jitạuena Germany ren gạkhuṛ football dol Bayern Munich. Hola ńindạ hoyen Phaenal re ko khilạḍena Paris St Germain ar Bayern Munich. Noa Kheloḍre Banar dolge ạḍi kajak ar jomok te ko lạṛhạyena, Menkhan 1-0 goal te jitạuente 2019-20 khelo̠ḍ mãhã re Europe champion hisạbte ko lekha ocoyena Bayern.
Kheloḍ reaḱ etohoṕ khon ge banar dol ạḍi ko kurumuṭuet́ tahẽkana goal lạgit́ menkhan goal keeper kinaḱ ạḍi muruk kurumuṭu iạte okoe dol hõ bako goal daṛeaḱ kan tahẽkana. Kheloḍ reaḱ barabari laha do̠ goal begorge tahẽkana.Menkhan Jirạu tayom reaḱ 59 Miniṭ re Comen aḱ bohoḱte bol tạpiń do PSG ren goalkeeper Navas bae sambṛao daṛeat́te ona goal tege phaenal reko jitạu ena Bayern .
Pạhil khon mucạt́ hạbić Neymar, Mbappe,Di Maria, Noko pene hoṛaḱ kajak kurumuṭuye samṛao keda Bayern ren goalkeeper Manuel Neuer. Champions league jitạuente Treble(league,cup ar UCL champions) ko jitạuena Bayern Munich.
Disomre 19 goṭen gaṅgaghaṭ ar ona aḍeepase ṭoṭhare ho̠e daḱ reaḱ lạilaha
Disom reaḱ 19 goṭen gaṅga ghaṭṬoṭhakore 45 khon 60 kilomiter tạpiste Bharḍo ho̠e daḱ hoe daṛeaḱa. Onate niạko ṭoṭha reaḱ gaṅga ghaṭ kore 1 nombor husiạri jhạnḍi uduḱ́ ko menakada.
Robibar setaḱ 5 baja khon tikin 1 baja dhạbić niạ disom reaṅ gaṅga ghaṭkore niạ husiạri jhanḍi uduḱ reaḱ ko menakda Abohaoa Odhidotpor.
Niạ husiạri re ar hõ ko men akada – Rangpur, Rajshahi, Pabna, Bogura, Tangail, Mymonshing, Dhaka, Foridpur, Madaripur, Jessore, Kusṭia, Khulna, Barishal, Poṭuakhali, Noakhali, kumilla, Koxbazar (Coxbazar) ar Shylhet reaḱ dạkhin –purub seć khon ghonṭa re 45 khon 60 kilometer tạpiste huḍur-bijliate ho̠edaḱ hoe daṛeaḱa. Niạ aḍepase ṭothare pạhil no 1. husiạri jhanḍi uduḱ ko menakada.
Eṭaḱ jilạ leka Dhaka re hõ din hiloḱ daḱ eda. Dhakare calaoen din ghonṭare 29 milimiter daḱ akadae mente ko baḍae oco akana.
Ca-Bagwan ren kạmikoaḱ din hiloḱ nawa goṭa aḱ kạmi kạuḍi 500 Ṭaka dạbi
Ca-Bagwan ren kạmikoaḱ din hiloḱ reaḱ kạmi kạuḍi 102 Ṭaka khon 500 Ṭaka rakaṕ reaḱ nãwã goṭawaḱ reaḱko roṛ uduḱ keda Baṅgladisom Ca kạmiạ koaḱ gãota(Ca Sromik Federation). Hola ạyuṕ bela Shileṭ Naṅgraha reaḱ mukhiạ Shohid Minar re jarwakan hoṛ koaḱ manwa tonol (Manob bondhon) khon niạ hike hok katha ko baḍae oco akana.
Ca kạmiạ koaḱ Gãota(Ca Sromik Federation) ren Rotna Bosak aḱ Manwa tonol mukhia ar Sondip Ranjon Nayek aḱ ạyurte kathako roṛkeda Ca kạmiạ koaḱ Gãota(Ca Sromik Federation) Baṅgladisom Sãota Dol [Bangladesh Somaj Tantrik Dol] ( BASOD) Shileṭ jilạ jopoṛaoić ren sosolhaić Abu jafor, Ca kạmiạ koaḱ Gãota(Ca Sromik Federation) ren Dipa Das, Nipa Modhi, Lukhindor, Chattro Front Maraṅ Naṅgraha ren hohoić Sanjoy Sorma.
Niạ Manwa tonol re katha roroṛko ko menkeda je, Ca bagwan ren kạmiạkoaḱ din hiloḱ reaḱ kạmi gonoṅ 102 kạuḍi kate em reaḱ goḱ katha do 20 Cando paromena. Nawa goṭawaḱ lekate 102 Ṭaka khon 500 Ṭaka rakaṕ reaḱ katha. Menkhan Bagwan mạlik ko aema lekan ạnduṅkote nãwã goṭawaḱ baṅ senkate miťleka jo̠r mo̠ṭte mare gonoṅ kạuḍiteko kạmi ocoyet́koa. Kạmiạkoaḱ hok birud kạmi karonte Dholai ca Bagwan do bond akana. Ar hõ mạlik koaḱ goṛo gopoṛote tarapur Ca Bagwan dokhol reaṅ kạmi calak kana. Niạ manwa tonol re ạyurko ạḍi usạra nãwã goṭawaḱ gonoṅ 500 Taka te Ca Bagwanren kạmiạko em kate napae calao banao reaṅ mit́ boge hor jemon hoyoḱ onako roṛ uduḱ akada. Ar baṅkhan ạḍi usạrage arhõ Raj ḍahar re ạidạri ńam lạgit́ ko pheḍoḱa menteko lại sodor keda.
Disạ oco abo aema santal hoṛko do nia shylhet, Moulobi bazar, Srimongol, Hobiganj reaḱ ca-bagwan re aema lạṭu lạtu atoante menaḱ koa ar ạḍi sedae khon ko kạmikana.
6 dhao leka UEFA (Europa league)Phaenal Kheloḍ reko jitạue̠na Sevilla FC
UEFA (Europa league) Phaenal Kheloḍre̠ hola ńindạ ạḍi jomoḱ ar kajak kheloḍ do bon ńelkeda Inter Milan ar Sevilla FC talare̠.Khelaoḍ reaḳ ́etohoṕ sećge̠ 5 miniṭ re dohokate bol phanda (penalty) ko ńamleda Inter Milan.Onare Lukauaḱ goal te kheloḍreko lahalena Inter Milan. Menkhan noa lahanti ạdi ghạrić bako saṕ doho daṛeleda. Kheloḍ reaḱ 12 miniṭ re Luk de Jong goal kate kheloḍre̠y ruạṛ ket́koa Sevilla FC. 33 miniṭ re arhõ miṭ́ṭen goal kate kheloḍ re lahaket́ koa De Jong.Menkhan kheloḍ re ruạroḱ lạgit́ aema okte do̠ bako hatao leda,35 miniṭ re Diego Godinaḱ goalte kheloḍ reko ruạṛlena Inter Milan.
Kheloḍ re arhõ aema goal reaḱ ạt ko tear leda banar dolge. 65 minut re ạḍi alga ạte ńamlet́ rehõ bae goal daṛe leda Lukaku.
Menkhan 74 miniṭ re Brazil ren gạkhuṛ kheloḍiạ Diego Carlosaḳ́ ńeloḱ lekan goal okaṭaḱ ulṭạute phanda kateye(bicycle kick) goal ket́ iạte 6 dhao leka noa haparao̠ re jit ṭupri ko horoḱ keda Sevilla FC.