Khondroṅ kạmire̠ heć kate chapai nababgonjre̠  pe din khon menaea Dhaka University re̠n Nri biggan re̠n mahasoe̠ Jobaeda Nasrin, Teheń Robibar uni do̠ Te bhaga lạṛhạire̠n aḱyurić Ilạ Mitrowaḱ 95 dhao̠ janam mãhã manao akhṛareye selet́ lena. Calaoe̠n sanicar hiloḱ uni do̠ Ilạ Mitro oka Kuṛi gidrạ koaḱ Iskul re̠n Etohoṕ mahasoe̠ tahẽkan o̠na Krisno̠ Gobindopur kuṛi Dosar darjạ Iskul teye senlena, Tobe onḍe do̠ uni Ilạ Mitrowaḱ jahan ńutum se cinhạ ko hõ bae ńel ńam leda. Chapai nababgonj Jilạ re̠aḱ Krisno Gobindopurre̠ o̠na Iskul do̠ menaḱa, hola tikin okte̠ Jobaeda Nasrin do̠ Prothom Alo paṛhao̠ḱ sakamre̠n koe̠ metat́ koa , mare tinạḱ cecet́ gãotako menaḱ jotoge jahae baṅ jahae cecet́ joṅre̠ mon tahẽkan tako hoṛkoaḱ goṛo-gopoṛo se kurumuṭute̠ onako gãota be̠nao rakaṕle̠na.O̠nkan gãotakore̠ onkoaḱ kạmi ar goṛo em re̠aḱ katha ol se disạko lạgit́ diḱsạ dhiriko tahena, menkhan hahaṛa re̠aḱ katha Ilạ Mitro ać jãwãe Romen Mitro takoaḱ gharońj re̠aḱ e̠maḱ hasare̠ bạisạu akana no̠a Iskul, Etohoṕ Maraṅ mahasoe̠ tahekana Ila Mitro, menkhan Iskul re̠ uniaḱ jahan ńutum do̠ bạnuḱa noa do̠ ạḍi bhabna re̠aḱ bisại kan gea. No̠a bisạire̠ Iskul re̠n calao banao̠ rạsiạko modre̠ sabha Mukhiạ Khosru Mia doe̠ menkeda nonḍen rajnitire̠n hoṛko karonte̠ Ilạ Mitrowaḱ kạmi re̠aḱ hẽḱaḱ do̠ baṅ e̠m hoe akana, uni do̠ Communist e tahekana nonḍe̠n Communist hirkhạ karon tege noa do̠ baṅ hoe akana ona chaḍa iń baba Alhaj Mia waḱ hõ disạ kạmi re̠ak oka re̠hõ bạnuḱa. Calaoe̠n 2 serma khon iń do̠ noa Iskul re̠n sabha Mukhiạ hisạbte̠ heć kate̠ Ilạ Mitrowaḱ kạmi re̠aḱ diḱsạ re̠aḱ cet́ hõ bạṅ uduḱ daṛe akada, Iskul racare̠ Ila Mitrowaḱ muṭhạn be̠nao̠ iń menleda menkhan ona hõ bạń daṛeada. Iskul re̠aḱ oprom olaḱre̠ menaḱa etohoṕ serma do̠ 1938 tobe maraṅ mahasoe̠aḱ ńutum olaḱ re̠do ńeloḱ kana Anhar Uddin Mia ar uniaḱ kạmi etohoṕ din do̠ 1 january 1955 serma.

Source; Prothom Alo

Teheń 18 Ocṭober 2020 ạḍi jakjomok selet́ Hatbakoil Ṭikol maṭre̠ bar din re̠aḱ ạdibạsi koaḱ phuṭbol haparao̠ hoe purạue̠na, No̠a haparao̠ doko sapṛao̠ leda “Amra Sobai Bondhu” juạn gãota. Ona khilạḍ re̠ko selet́ le̠na no̠a ṭotha re̠n 16 goṭe̠n phuṭbol khilạḍ  dol joto dol dilgạria̠ juạn koṛakoge kajak kurumuṭu selet́ khilạḍko khilạḍe̠na tobe mucạt́ rạskạ doko rạskạyena Cạlnai Ạdibạsi phutbol Dol onko do̠ pạhil Ṭikol phutbol são nirik akan okte̠re̠ 1-1 goalte̠ soman somanko tahẽkana,o̠na tayo̠m, ona tayo̠m Ṭraebrekar phandare̠ Ṭikol Ạdibạsi dol do̠ Cạlnai Ạdibạsi Dol ṭhe̠n 4-3 goalte̠ko pạnḍućena ar onate̠ cạlnại dol do̠ teheńaḱ haparao̠re̠ ko jitạue̠na. No̠a Khilạḍre̠ Jitạue̠n Do̠l lạgit́ pạhil siropa do̠ tahẽkana 10,000 hajar ṭaka ar dosare̠n dol lạgit́ do̠ 8,000 hajar ṭaka. Khilạḍ re̠aḱ Siropa cal capat́ Akhṛare̠ selet́ ko tahẽkana Nejampur Union 5 No. word re̠n member md. Toslim Uddin, Nejampur Union re̠n pargana Manotan Sontosh Pauria, manotan Nogen Pauria ar hõ onḍen aema manotanko.

Goṭa Diso̠mre̠ gapa Robibar (18 October) khon  dinạm din 3 ghonṭa kate̠ Interneṭ ar TV Cable bond ge tahẽn re̠aḱ katha ko lại akada ISPAB ar COAB. Jhamka jhạkur tar (Cable) ocoḱ cabae̠ lạgit́ noa te̠ṅgo daram re̠aḱ got̠awaḱ hatao ̠hoe akana mente̠ baḍae̠ akana. No̠a bhitrirege onko do̠ aema ṭhạ̃i re̠aḱ Internet goṛoko e̠moḱ kan gãota koren rạsiạ ko ṭhe̠n Mobile phonete SMS ar email teko baḍae̠ ocoe̠t́ko kana je, se̠taḱ 10 baja khon tikin 01 baja hạbić Internet  do̠ bond do̠ho̠ akana me̠nte̠̠.

Goṭa diso̠m rege arhõ bạṛti botorre me̠naḱkoa lonbonko. Tinạḱ kạṭić lonbonić kane botor do̠ unạḱge ḍhera. Ente̠ uniaḱ do̠ asol punji at́ re̠aḱ botor tahẽn kan tae̠a. Interne̠t bo̠nd tahe̠n khan KORONA re̠aḱ no̠a mahamạri re̠aḱ no̠a oktere̠ ae̠ma hoṛge kạuḍi se̠ćte̠ko kạbuḱa se̠ko laṅgaḱa.

Kạmi ho̠ra re̠aḱ ḍhạrwạḱ re̠ te̠ṅgo hape̠ akana me̠nae̠a Dhaka Dạkhin City Corporation (DSCC). ISPAB, COAB ar NTTL cạlạuako são̠ dupuṛuṕ kate̠ hasa latarte̠̠ tar idi ạgu se tić ạuri hoyoḱ hạbić tar emanko baṅ ge̠t́ re̠aḱ niạme doho akada Dhaka Utạr City Corporation (DNCC). Tobe̠ tar o̠co̠ḱ kạmi nit hõ calaḱ tegeye  do̠ho̠ akada DSCC.

Aema le̠kan ạnḍuṅ, muskilaḱ baḍae̠ oco kate̠ rehõ thir do̠ bạnuḱa Raj nagraha re̠aḱ tamkur tar ocoḱ re̠aḱ kạmi. Baṅ hoe̠ akana e̠ṭaḱ jahan lekan kạmi hora hõ,Internet se Satelite goṛoko hatao̠e̠t́ kan hoṛko do̠ ạḍi le̠kan haronre̠ko par̠ao̠ akana Raj nagrahare̠n Lakh lakh hoṛko.Loksanre̠ par̠ao̠ kate̠ (18 October) khon dinạm din 3 ghonṭa kate goṭa diso̠mre̠ Internet ar Cable TV re̠aḱ goṛo kạmi bond re̠aḱ husiạriko e̠m akana Goḱṛo emoḱko.

KORONA eṭkṭõṛẽ são ̠lạṛhại okte̠re̠ Diso̠m re̠aḱ kạuḍi niti calaḱkan hor saṕ dohoe̠ lạgit́ Online jopor̠ao̠ re̠ge Goṭa dhạrti doe̠ Bhorsa akana. No̠a Obostare̠ ackage tar ocogre̠ te̠ṅgo thir akana ạpisko re̠aḱ aema kạmiko. Diso̠m re̠aḱ sare bajar, Kendrio Bank menek Banijjik Bank re̠aḱ kạmi kohõ no̠a iạte̠ akot̠oḱ kana, sapha alga se mit́ jumte̠ Internet bae ńamle̠ khan Bond tahẽna ATM goṛo kạmi hõ. No̠a iạte̠ sae sae kạrur  ṭaka re̠aḱ loksan hoyoḱ re̠aḱko hudiseda Projuktibidko.

No̠te̠ 17 October bhitrire̠ calaḱkan muskilaḱ saphae lạgit́ City Corporationko okte ko tol akawadia Internet ar Diss em kạmire̠ goḱṛokan 2 gão̠tare̠n ạḱyurko.

 “Sapha sạphi jom ńuyaḱ joto hoṛaḱ dạyik” no̠a bohoḱ katha samaṅre̠ doho kate̠ Dhạrti jakat sapha sạphi jom-ńuyaḱ mãhã-2020 lạgit́ teheń sokolbar (16 October 2020) se̠taḱ 10 baja o̠kte̠ (ANSKS) Hall Room,Mohipur panch bibi, Joepur Hatre̠ mit́ gapal marao̠ sabha hoe purạue̠na. Ạdibạsi Nari O Sishu Kollan Songstha (ANSKS) re̠aḱ Ạyurte̠ ar Association for Land Reform And Development (ALRD) aḱ goṛo sopohot́te̠ noa gapal marao̠ do̠ hoe purạu e̠na.

Ạdibạsi Nari o Sishu Kallan Songsthare̠n são̠ sabha mukhiạ Anjali Murmuaḱ Ạyurte̠ No̠are̠ selet́ko tahẽ kana Songsthare̠n kạmiạ Manik Soren project Coordinator Sohagini Hasda, General Secretary Nila hasda ar o̠nare̠n rạsiạ Liton Murmu, Royel Murmu.

No̠a chaḍa hõ phaelao̠ gapal marao̠re̠ Noyomi Murmu, Dipti Mardi,Anita Munda, Iti Marandi,Candni Murmu, Bipul Marandi takoko selet́le̠na.

Gapal Marao̠re̠ Manotan koko lại keda, Ato oṛaḱre̠n Ạdibạsiko nit hõ Bir pakaṛ ar ṭạnḍi re̠aḱ aema le̠kan jomaḱko ce̠tanre̠ko ṭehaḍoḱ kana. Menkhan din din te̠ nit do̠ aema le̠kan ranko (Bis) re̠aḱ beo̠har bạṛti akante̠  Jola/juli kore̠  hako kaṭkom ko hõ ar do̠ bako ńamoḱ kana. O̠na chaḍa Bir pakaṛ kohõ kom cabae̠nte̠ aema le̠kan jomaḱko je̠mon, aṛaḱ sakam bạḍgu bayaṅ oka do̠ ńamoḱ kan tahẽ o̠na kohõ nit do̠ ar ńamoḱ kana.

COVIT-19 mãhãmạri iạte̠  Ạdibạsi koaḱ Jom-ńu lạgit́ aema lekan eṭkẹtõṛe do̠ hoe akana. Ai-Rojgar kom akante̠ sapha sạphi jom-ńu do̠ cet́ dinạm din re̠aḱ jạruṛoḱ jom-ńuaḱ  kulạu anṭao̠tege aema muskil re̠ menaḱkoa. Nitoḱ noako  thoṛa mońj ńoḱ akan re̠hõ laha din kore̠naḱ ghạṭti khon rakaṕ daṛe do̠ Ạdibạsiko bako ṭhen baṅ hoe akana.

Roroṛko do̠ arhõko menkeda Jom-Ńu do̠ Manwakoaḱ pạhil hok kanre̠hõ Ạdibạsi kodo̠ Kạuḍi seć lekate̠ko laṅga se tayom gete̠ nit hõ sapha sạphi jom-Ńu hok khon do̠ ko e̠ṛan gea, No̠a sabha khon Ạdibạsi reṅgeć hoṛko sapha sạphi Jom-Ńu hok jemonko ńam no̠a lạgit́ jạruṛoḱ kạmihora purạu lạgit́ Sarkar ṭhe̠n dạbi e̠m hoena.

Source: Adivasi News

Rangpur Badarganj upojilạre̠ Ạdibạsi Iskul pạṭhuạ 8 Irạl kilạs paṛhao̠ḱ kan kuṛiwaḱ jormoṭte̠ hoṛmo bạṛijtae̠ lạgit́ kurumuṭu re̠aḱ lạlisre̠ lailatul borat (19) ńutuman mit́ muslạ koṛae̠ giriptar oco akana. No̠a ghoṭona do̠ hola budhiloḱ ạyuṕ be̠la upojilạ Lohanipaṛa Union re̠aḱ Ạdibạsi Ato Simuljhuṛire̠ (diṅgạpaṛa) hoe̠ akana,.

No̠a ghoṭonare̠ pạṭhuạ gidrạre̠n Eṅgatte̠t́ bạdi hoe kate̠y mamla akada. Teheń Lukhibar uni muslạ koṛa Rangpur hajot teko kol kedea. Mamla re̠aḱ Ijạharre̠ baḍae̠o̠ḱ kana Dinạm hiloḱ Iskul horre̠ calaḱ hijuḱ lailatul Borat́ do̠ uni kuṛi gidrạ horre̠ eset́kate̠ dulạṛ re̠aḱ arojae kan tahẽna, o̠nate̠ Uniaḱ ona aroj nẽhorre̠ bae rạjilente̠ raṅgao̠ kate̠ uni boskoye̠ ehoṕ keda. Korona oktere̠ Iskul bondge tahẽkante̠ oṛaḱre̠ hećkate̠ uni uni kuṛi gidrạ ạṛisede kan tahẽkana.

Ae̠ma dhao mana kate̠ re̠hõ Lailatul ńutuman uni muslạ koṛa do̠ katha bae ańjom leda. Tayomte̠ ać gharońjre̠nko ona katha lại kate̠ re̠hõ jahan boge kạmi do̠ baṅ hoelena. Hola tayo̠m be̠la lailatul Borat do̠ tho̠ṛa kạmiạ são dare maḱ lạgit́ uni kuṛi tako seće hećlena,o̠na oktere̠ uni kuṛi tako oṛaḱre̠ bolokate̠ ńui lạgit́ daḱe̠ koekeda unre̠ uni do̠ tubewell khon daḱ ạgu kate̠ unie̠ emade khan uniaḱ hoṛmore̠ daḱe̠ chiṭạu adea, ona oktere̠ oṛaḱre̠ kuṛire̠n Gogo baba bạkin tahẽkan ạtre̠ bạṛić kạmi re̠aḱe̠ nẽhorade teye jhapṭao kedea ar lajao̠ jaega kore̠ ti emkate̠ bạṛijiye kurumuṭu keda uni lailatul Borat.Unre̠ uni kuṛiaḱ kạumạu ańjomte̠ eṭaḱ gharońjre̠n hoṛko ńir hećente̠ lailatulko saṕ kedea. Ona re̠aḱ khobor ńam ket́ khan pulis do̠ he̠ć kare ona ńindạge uni lalociạ Boratko saṕ kedea. No̠a ghoṭonare̠ kuṛire̠n acu gogo bạdi kate̠ lalociạ lompoṭ Borat ńutumte̠y mamla keda. Teheń Lukhibar Rangpur Adalot hũyạte̠ jehel hajotre̠ko kol kedea.

 Teheń October 15, 2020 tạrik do̠ go̠ṭa din Dinajpur Jilạ r̠eaḱ Kaharol Upojilạ Sukạndighi Maṭre̠ hoe̠ purạuena. No̠a football haprao re 8 go̠ṭe̠n team se̠le̠t́ko tahe kana. Jo̠to̠ team rege ạḍi dilgạriạ santal khilạḍ koko tahẽ kana. Football khilạḍ re̠aḱ asol jo̠s se̠ mo̠tlo̠b do̠ tahẽ kana; nãhãḱ jugre̠n juạn koṛako je̠mo̠n bạṛić kạmiko khon sahaṛakae̠ ko tahẽn ar o̠lo̠ḱ paṛhao̠ se̠ć te̠ko laha idiḱ. No̠a khilạḍ calao̠ banao̠re̠ Ạyurre̠ko tahẽ kana Isore Gram Ạdibạsi Jubo Soṅgoṭhon Khilạḍ re̠ se̠le̠t́ ko tahẽ kana Erạl 8 go̠ṭe̠n team se̠ do̠l; Do̠rga paṛa Mohe̠spur Ạdibạsi Jubo Soṅgho, Laṭer haṭ (Raten) Khansama, Muṭni haṭ SAFA Soṅgoṭhon, Pargao, Belsari, Baromail, Kạsipur, Rampur Santal atokore̠n dilgaṛiạ gạkhuṛ kilạḍiạko. Laṅga re̠ṅgeć go̠ṭa din khilạḍ kate̠t́ Final re̠ko rakaṕ e̠na; Muṭni haṭ SAFA Soṅgoṭhon ar Dorga paṛa Mohe̠spur Ạdibạsi Jubo Soṅgho. Ạḍi tạpis khilạḍ kate̠t́ okoe̠ hõ gol bako ńam le̠da. Mucạt́ re̠ traibekar phanda te̠ khilạḍ re̠aḱ jo̠ do̠ ńame̠na. Jo̠ do̠ no̠nka le̠ka tahẽkana; traibe̠kar phanda kate̠t́ mit́ 1 go̠l te̠ Muṭni haṭ SAFA soṅgoṭho̠n pạhilaḱ siropa (prize) lạgit́ko jitkạr e̠na. Pạhil siropa (prize) hisạbte̠ Muṭni haṭ SAFA soṅgoṭhon do̠ Ge̠l mõṛe̠ (15,000) hajar ṭaka ar Do̠sar siropa (prize) do̠ Dorga paṛa Ge̠l hajar (10,000) ṭakako ńam ke̠da.No̠a khilạḍ re̠aḱ Siropa cal-capat́ Akhṛare̠ seṭerko tahẽkana manotan Gonesh Murmu Bablu Member ar Maejiu Member Nurnahar.

Te̠heń do̠ October 15 Tạrik “Dhạrti jakat Ti ạruṕ din”. Jao̠ serma  goṭa dhạrtire̠ teheńaḱ no̠a din do̠ manao̠ḱ kana. Ne hoṛko sạbunte̠ ti ạruṕ  ocoko  talate̠ ae̠ma tejoko marao̠ giḍi se onko tejoko khon sapha sạphi tahe̠noḱ  ar ao̠dhan be̠nao̠ rakaṕ lạgit́ge no̠a din do̠ manao̠ hijuḱ kana. No̠a din do̠ dhạrti jakat manwa aodhako ar udgạu em idiako re̠aḱ mit́ṭen ḍhạrwạḱ kangea.

Sạbunte̠ ti ạruṕ re̠aḱ dhạrti ạri ar ṭhạ̃i jaega re̠aḱ hudisko jạhir lạgit́ dhạrti jakat Ti ạruṕ din gopoṛoić (GHP) noa din do̠ 2008 sermare̠ ehoṕe̠na

Dhạrti jakat Ti ạruṕ din re̠aḱ asol motlob do̠ kana- sãotare̠n sanamko sạbunte̠ Ti ạruṕ re̠aḱ mit́ṭen hewa be̠nao̠ rakab ar hẽḱaḱ. Inạ chaḍa hõ sạbunte̠ ti ạruṕ re̠aḱ bogeaḱ bisạite̠ bạṛti udgạu hoe ocoe.

Dhạrti jakat daḱ haptare̠ Sweden re̠aḱ Stockholmre̠̠ 2008 serma 15 October  Dhạrti jakat Ti ạruṕ Din gopoṛoić (GHP)do̠ e̠hoṕlena. Dhạrtire̠ aḍepase ar ṭhãi jaega kore̠ sạbun te̠ Ti ạruṕ bisạite̠ hoṛko ao̠dhan emako lạgit́ge pạhilte̠  no̠a din do̠ manao̠ hoelena, tayo̠mte̠ Jạtiạri Gãota re̠ak Sadharon Porisod  dupuṛuṕre̠ no̠a din ar tạrik do̠  jao serma manao lạgit́ goṭa hoena.

2008 Serma do̠ Hoṛmo hạṭiń rukhiạ serma hõ tahẽkana. 2008 serma no̠a din manao̠ lạgit́ e̠tohoṕ gãotako modre̠ko tahẽkana-( Amerikare̠n mit́t̠en goḱṛo gãota,Hoṛmo Rog takrhao̠ ar te̠ṅgo daram gãota, Procter and Gambol, UNICEF, UNILEVER,  World bank daḱ ar hoṛmo rog dobnao̠ ar Dhạrti jakat lahanti Amerika re̠aḱ gãota.

Rajshahi Kho̠n Po̠ncho̠go̠ṛ Sirajul Islam istiso̠n daharre daraekan so̠ko̠lbar kho̠n ‘Baṅglabandha Express’ ńutuman mit́ nãwã railgạḍi jao̠ge calao̠ hijuḱa. Teheń 15 o̠cto̠ber Rail mo̠ntri Nurul Islam Sujo̠n niạ railgạḍi reaḱe  uḍhaua.

Calao̠en mo̠ngo̠lbar Baṅgladesh Railway pạchim ṭoṭharen chief o̠perating superinṭenḍent kạmiṭhại kho̠n Baṅglabandha Express gạḍi calao̠ḱ reaḱ katha do̠ lại so̠do̠rlena.  Niạ gạḍi re duṛuṕ lạgit́ so̠bho̠n chair ar sho̠bho̠n 764/752 go̠ṭen duṛuṕaḱ reaḱ bebo̠stha menaḱa.  

Niạ gạḍi do̠ Rajshahi kho̠n so̠ko̠lbar ar Po̠nco̠gaṛ kho̠n do̠ sạnicar hilo̠ḱ bo̠ndh tahena.

Nãwã niạ relgạḍi Rajshahi-Po̠nco̠gaṛ calaḱ dahar re teṅgo̠ḱa Nato̠re, Abdulpur, Madhnagar, Ahasanganj, Santahar jo̠ṅso̠n, Akkelpur, Jo̠ypur haṭ, Pacnbibi, Birampur, Fulbaṛi, Parbartipur janso̠n, Cirirbandar, DInajpur, Setabganj, Pirganj, Sibganj, Ṭhakurgao̠n ro̠ad, Ruhiya ar kismet isṭison re.

Nator Lalpur re̠ jumi rereć ḍạku (bhumi dossu) Samad gãota re̠n koaḱ lilkạrre̠y paṛao̠ akana Basonti Rani Sardar. Katha rakaṕ akana Nator Lalpur Duaria Union re̠n Jumi rereć ḍạku ( Bhumu dossu) Abdus Samad gãota re̠n koaḱ lilkạrre bundi dosare̠ jione khe̠mao̠eda Ạdibạsi Basonti Rani Sardar. Ạdibạsi Basonti Rani Sardar  ać babawaḱ record sanam Sompotti do̠ daṛe̠ uduḱ kate̠ko dokhol akada jumi rereć ḍạku(Bhumi dossu) Samad gãota.

Sorejumin se̠nkate ńel akana Ạdibạsi Basonti Rani Sardaraḱ joto jumi do̠ jumi rereć ḍạku (Bhumi dossu) Samad ar unire̠n gãotako jor kate onakoko dokhol akada.

No̠a bisại re̠ ona Ṭoṭhare̠n ko ṭhen baḍae̠joṅ khoj kate̠ ńutum baṅ sodor kate̠ thoṛa murubbi hoṛko lại keda Basonti Rani Sardar ać Babawa ḱ record me̠naḱ jumi Samad ar uni gãotare̠n hoṛko mit́te̠ jor kate̠ dokhol kate̠ko jomeda.

No̠a bisạire̠ Basonti Rani Sarda ṭhe̠n baḍae̠ joṅ khoj kate̠  unie̠ lại keda, “Iń Babawaḱ Rekorḍiạ Sanam sompod kodo̠ jumi rereć ḍạku (Bhumi dossu) Samad ar uni gãotare̠nko jor jobosti dokhol kate̠ko jomeda. Ińaḱ be̠nao̠ oṛaḱ Samad ar uni gãotare̠nko tinre̠ rạput́ lạgit́ko hećlena unre̠ iń ar ińre̠n 4 boe̠ha kuṛiko mit́te̠ onkole̠ te̠ṅgo daram let́kogea,menkhan onko do̠ aleko joto hoṛ ṭhe̠lao̠ giḍikate̠ ińaḱ oṛaḱko rạput́keda. No̠a bisạite̠ iń do̠ são sãote̠ pulisiń phoneat́ koa unre̠ thana khon pulisko heće̠na ar ińaḱ rạput́ akan oṛaḱ re̠aḱ ṭin, mãt́ khunṭi são sanamaḱ ge pulisko idikeda. Tayo̠mte̠ thanare̠ mit́ṭe̠n ardasiń e̠mkeda Samad ar uni gãotare̠n 7 hoṛ ńutumte̠.”

No̠a bisạire̠ Lalpur Thanare̠n dạyikan kṣmiạyić OC Selim Reja kuli ledere̠ye menkeda, No̠a bisạite̠ mit́ṭe̠n ardas ńam akana tojbij le̠kate̠ ạn dharate̠ no̠a re̠aḱ kạmikodo̠ hoe purạuḱa.

Source:Dainik protibadi kontho

Khikṛi do̠ losoponḍo sasaṅ ńoḱgeye tahẽkana, me̠nkhan canḍbo̠l do̠ ponḍge taya. Ạḍi sạṅgiń diso̠mre̠ maraṅ bir aṛere̠ mit́ṭe̠n buḍhiye̠ tahẽkana, unire̠n do̠ ar okoe̠ hõ bako tahẽkana. O̠kte̠ khe̠mao̠ lagit́te̠ turui go̠t́e̠n sukri ho̠po̠n ar ge̠l go̠ṭe̠n sim ho̠po̠ne̠ ạsul harae̠t́ ko tahẽkana. Sim-sukri kodo̠ thoṛako dạṛ ke̠ṭe̠ć e̠n khan ar ṭhik le̠ka bae ńe̠l to̠daro̠t daṛe̠ako kan tahẽkana. Buḍhi do̠ ạḍi hudis re̠ye̠ paṛao̠e̠na, ce̠t́e̠ ce̠kaya! Mit́ din uni buḍhi do̠ sor ńo̠ḱre̠ tahẽkan hoṛ ṭhe̠ne̠ calao̠ e̠na are̠ nẽ̠ho̠r adea, je̠mo̠n aćre̠n sim-sukri kodoe̠ ńe̠l go̠ṛoae̠. Me̠nkhan uni hoṛaḱ do̠ ae̠ma kạmi tahẽkan tae te̠ bae̠ rạmjạu le̠na, me̠tadeyae̠ ohogeń ńe̠l goṛo daṛe̠ama, ma arhõ jãhãe ko ńe̠l joṅ me̠.

Niạbar buḍhi do̠ mit́ṭe̠n bana ṭhe̠ne̠ calao̠ e̠na. Bana do̠ oṛaḱ se̠ć regeye̠ tahẽkana, ńam kede̠ khane̠ nẽho̠r adea, je̠mo̠n sim-sukrikoye̠ ńe̠l kotae̠. Bana do̠ sim ar sukri hõye̠ jo̠mkote̠ ańjo̠m torageye̠ rạji got́e̠na. Buḍhi do̠ banaye̠ kuli kedea, am do̠ noko janwar ko são̠te̠ ce̠t́ le̠kam be̠bo̠hara? Mońje̠m be̠bo̠har daṛe̠aḱ gea tho? Bana do̠ bo̠ho̠ḱ ruku ke̠t́te̠ye̠ me̠nke̠da, mońj be̠bo̠har do̠ń daṛe̠aḱ gea. Bana do̠e̠ me̠ngo̠t́ ke̠da, iń do̠ onko ‘gorob’ me̠nkate̠ń ho̠ho̠ akoa. Buḍhi do̠e̠ me̠nke̠t́a, nonka hoho te̠do̠ sim-sukri ho̠po̠n ko bo̠to̠ro̠ḱa. Mo̠nre̠ jut bae ạikạule̠t́ te̠ bana ṭhe̠n kho̠ne̠ se̠n pharake̠na. O̠na tayo̠m buḍhi do̠ mit́ṭe̠n tạruṕ (nekṛe̠ bag) ṭhe̠ne̠ calao̠e̠na. Tạruṕ hõ ańjo̠m baṛakate̠ bae bilo̠m le̠da, usạrageye̠ me̠ngo̠t́ ke̠da, hẽ ge iń doń ńe̠l do̠ho̠ daṛe̠ akoa. E̠nte̠ tạruṕ hõ sim ar sukri do̠ko jo̠mko gea. Tạruṕe̠ kuli ocoe̠na, am do̠ ińre̠n ạsul janwarko ce̠t́ le̠kam ho̠ho̠ akoa! Ne̠kṛe̠ tạruṕ doe̠ me̠nke̠da, ce̠daḱ onko do̠ iń ‘oi oi oi’ me̠nkate̠ń ho̠ho̠ akoa. Buḍhi do̠ bae kusi le̠na, me̠tadeae̠ amaḱ ho̠ho̠ ańjo̠mte̠do̠ ińre̠n ạsul ko do̠ko bo̠to̠ro̠ḱa.

Monko ạnduḱ mạnduk kate̠ge̠ ruạṛo̠ḱ kan o̠kte̠rege khikṛi são̠te̠ horre̠ ńapam do̠ hoye̠n taya. Khikṛi do̠ buḍhiyaḱ jo̠to̠ katha ańjo̠m kate̠ye̠ me̠tadea, amre̠n ạsul sim-sukri ńe̠l são̠ha ko lạgit́ do̠ unạḱ ce̠daḱe̠m dạndiḱ kana. Iń tinạḱ din me̠nạń unạḱ din do̠ ar jãhãn muskil ge baṅ ho̠yo̠ḱtama. Ińge jo̠to̠ sim-sukriń ńe̠l to̠daro̠t daṛe̠akoa! Buḍhi do̠ uniye̠ kulikede̠a, am do̠ ińre̠n ạsul sim-sukri cet́le̠kam ho̠ho̠ akoa! Ạkilan khikṛi do̠ bo̠ho̠ḱ se̠ć tiye̠ tiạr ke̠t́te̠ye̠ me̠tadea, ce̠daḱ amre̠n dulạṛiạ sim-sukri kodo̠ iń doń ho̠ho̠ akoa, ‘de̠la gateko de̠la huḍiń gateko iń ṭhe̠n hijuḱpe̠’ no̠nkań ho̠ho̠ akoa! Buḍhi do̠ uni khikṛiaḱ calaki bae bujhạu daṛe̠ada, ańjo̠mte̠ye̠ kusi ḍho̠pe̠na.