Kạlṭhu baṅ paṛhoṕ laṕ
Porikkha je soroḱ kantama
Kate kạlṭhu caḱ kanam,
Gateḱ laḱte.
Gateḱ laḱ jạttege amaḱ jibon
Nosṭo kedam je,
Baṅ cet́ledam oloḱ paṛho
Baṅ cet́ledam kạmi
Lać laḱte khaṭoḱ nitoḱ
Ạtiń kom Bhiṛi
Argentina re̠n namḍak phuṭbol khilạḍiạ Diego Maradona teheń koṛam/ontor re̠aḱ ruạte̠y goće̠na. Khobor sakam noa khobor doe khạṭi akada.Noa laha thoṛa din khonge nui do ruạ halreye tãhekana.
Tegre rẹaḱ nijaḱ oṛaḱ regeye goćena Maradona do. Gujuḱ hạbić te̠ uni do 60 serma umerene tãh̃kana. Calaoen candoge uni do haspatal khon oṛaḱtey ruạṛ heć akan tãhekana. Buenos Aires re̠aḱ mit́ haspatal uniaḱ bohoḱre̠ operation kate̠ uniaḱ bohoḱre̠ keṭećlen mayamko ocoḱ saphalet́ taea
Un okte̠ ńu buloḱ re̠ak maraṅ muskil ruạtey ghạl akan tãhekana Maradona. Uni mońj ruạṛe lạgit́te̠ tegre re̠aḱ ńu buloḱ khon bhage horte̠ ruạṛko kendro reko idi ledea.
Argentina re̠aḱ khobor sakam TYC sporte baḍae oco akana teheń ṭhại somoe tayom bela uni do ontor laṛao/heart attach hoentaea. Noa khon ar bae bańcao ruạṛ daṛeada nui namḍak khilạḍiạ do.
1986 serma dhạrti jakat phuṭbol kheloḍ haparaore̠ mit́ leka eskar tege jit siropae hameṭaḱ koa Argrntina, ona chaḍa hõ Iṭali re̠aḱ Napoli Club khon hõ ona khilạḍiạ oktere ạḍi gorobanaḱ khilạḍ sandese em akada. Uni do bar dhao Siri A ar UEFA Cup jit siropae hameṭ akawat́ koa Napoli Club.
Argentinaren nui namḍak khilạḍiạ do sanam jugre̠n sirạ mit́ṭen khilạḍiạ kan geae. Okoe kanae sirạ khilạḍiạ noa kuklire̠ Pele ar Maradona noa re̠aḱ reṭerẹ jaoge menaḱ koa goṭa dhạrtire̠n hoṛ.
Argentina Football Association Maradonawaḱ gujuḱte̠ ko duk selet́ akana, Onare̠n sabha muklhiạ Klodio Tapia mit́ twit reye men akada, “Maradona amdo aleaḱ ontorre̠ jao oktem tãhena.”
Source –Prothom Alo
Hijuḱkan nãwã bochor re pạṭhuạ gidrạko do jao serma lekage bochor reaḱ pạhil din rege nãwã puthi ko ńama. Tobe calaoen bochor leka jotoko̠ mit́ dhao̠te jarwakate do̠ baṅko emako̠a niạ dhao̠ do̠.
Teheń 25 November 2020 pạthuạ gidrạko̠ pạhil kelas kho̠n erạl kelas dhạbić bhortiko̠ reaṅ mit́ dupuṛuṕre kho̠bo̠riạko̠ ṭhen niạ kathae so̠do̠rkeda sikhnạt mo̠ntri Dr. Dipu Moni. Uni do̠ ar ho̠ lạikeda baṅma niạ dhao̠ ho̠ pạṭhuạ gidrạko̠aḱ puthi em do̠ mano̠tan maraṅ Mukhiạ Montri Sheik Hasina geye uḍhao̠a. Tobe ko̠ro̠na ajar khạtir jao bocho̠rko leka do̠ niạ dhao̠ pạṭhiuạ gidra mit́ ṭhen jãrwa mit́kate do̠ bako̠ ńama puthi do̠. Sanam gidrạko̠ cet́ lekakate puthiko̠ em hạṭiňako hoyoḱa o̠na do̠ ạḍi usạge jo̠to̠ iskulren mahaso̠e ko̠ baḍae o̠co̠ko̠a.
Enạ chaḍa hõ darakan nãwã serma re do̠ loṭari ho̠tete pạhil kelas ren gidrạko ko bho̠rtiko reaḱ hukum jạriakana. Noko̠ gidrạ bhurti o̠kte akoren go̠ baba do̠ bako̠ sen dariaḱa iskulte bhurti okte do̠. Ko̠ro̠na ajar kho̠n sahaṛ tahen lạgit́ ge nonkan hukum em ho̠yakana.
Ar hõ baḍae o̠co̠akana je 2021 serma reaḱ SSC ar HSC biḍạu do̠ bar cando̠ tayom hoe daṛeaḱa ente niạ biḍạu lahare pạṭhuạko khaṭo silebaste 3 cando̠ paṛhao̠ḱ reaḱ ạt ko̠ ńama. Ar niạ 2020 serma reaḱ HSC biḍạu reaḱ jo̠ ho̠ niạ December cando̠ bhitritege chapa so̠do̠ro̠ḱa.
O̠ṇa iạte uni hoṛ do̠ são-baḱḍayić hohoadea ar noa ghoṭna re̠aṅ sanam do̠s unire̠ye̠ ladeke̠da. Khan são baḱḍayić do̠ murukte̠ye̠ jobabke̠da, me̠nke̠dae̠, iń do̠ nunạḱ ãṭín jaṛao̠ akan tãhekana baṅma uni khon nit hạbić no̠a ghoṭna re̠aṅ ce̠t́ ge bạń baḍae kana. O̠na iạte̠ ce̠kate̠ ińre o̠na do̠s do̠m lade daṛeaḱ kana?
Uni hoṛ doe̠ me̠nke̠da tinre̠ oṛaḱ khoniń oḍok e̠na unre̠ am do̠ be̠sgem tãhekana, cekate̠m nonka got́e̠na? São baḱḍaić doe̠ roṛ ruạṛke̠da tinre̠ am do̠ mit́ bạṭi hạnḍim ńuke̠da un khonge ạḍite̠t́ baṅ jutiń ạikạue̠da.
Hataṅe me̠nke̠da iń hõ tho onka le̠kage. Khan mẽt́ hõkin ataṅ got́ke̠da sãh hã hãḱ! O̠nage jor katha do̠! E̠nte̠ un jokheć tar lain do̠ konḍea ńoḱ akan tãhekana: O̠nakate̠ tikin hõkin me̠ngot́ket́a o̠na iạtege ạliń aḱ kạmi hõ dho̠so̠r pho̠r ńoḱe̠na.
Uni ho̠ṛ do̠ raṅgao̠ ńoḱ kateye̠ me̠nke̠da e̠ke̠n mit́ bạṭi hạnḍi ńuite̠ o̠koe̠ hõ tis hõ bharabhaṭre̠ bako paṛao̠ akana. São̠-baḱḍaeaḱ doe̠ me̠ngot́keda am do̠ no̠a do̠ ikoṭ katha kan tame se̠ ? Acha jãhãnaḱ karonte̠ am do̠ palaḱ poloḱe̠m beṅge̠d khan ar kạmi hõ thoṛa bạṛićle̠n tam khan ar iń hõ onate̠ń be̠kamle̠n khan, ce̠t́ o̠nate̠ do̠ amaḱ lo̠ksan se̠ bạṛić do̠ baṅ hoyoḱtama?
Uni ho̠ṛ doe̠ roṛ ruạṛadea, hẽ sạrige. Me̠nkhan o̠na hisạb le̠kam kạitukle̠ khan jãhãn bạṛić do̠ baṅ ho̠yo̠ḱa. Me̠nkhan le̠k le̠ka bam kạitukle̠ khan o̠nate̠ do̠ bạṛić do̠ hoyoḱgea.
São̠-baḱḍaeaḱ doe̠ kulikedea le̠k le̠ka be̠hohar re̠aḱ do̠ ce̠t́ upại me̠naḱa? O̠nam be̠hoharle̠ khange coṅ amaḱ bạṛić do̠ khạṭige hoyoḱtam. São̠-baḱḍaeaḱ tãhen tuluć okoe̠ hõ tishõ nonkan muskil ghoṭna ar do̠sare̠ do̠ bako paṛaoḱ kana, amaḱ são̠ baḱḍae̠aḱ be̠s tãhele̠n khan honaṅ no̠a ghoṭna do̠ o̠ho̠ hoe̠le̠na, ar noa hoń lạiam kana, são-baḱḍaeaḱ ar hạnḍi do̠ tis hõ baṅkin onsoṅoḱa, e̠nte̠ tinạḱ dhao̠ am do̠ hạnḍi se̠ no̠nkan buloḱ jinise̠m ńue̠da unạḱ dhao̠ge iń doń alat́ olodoḱ kana ar ruạ hõ sabeń kana.
Uni hoṛ do̠ aćaḱ jaṅga rạput́ akan ar ghạlko re̠aḱ haso bhujhạuadea; gạḍi khone̠ ńurhạle̠na me̠nte̠ hõe disạkeda; ar noa hõe hudiske̠da baṅma iń do̠ Ḍakto̠r ran re̠aḱ dam lagao̠ańa ar haspatalre̠ hõ tinạḱ din coṅ no̠nka harkhe̠tte̠ din ṭaḱlao̠ hoyoḱtińa.
No̠ako ganḍon baṛakate̠ uni hoṛ do̠ ạḍiye̠ kastao̠e̠na are me̠n utạrke̠da luturiń peṭeroḱ kana ar do̠ tis hõ hạnḍi se̠ nonkan nisạ jinis do̠ jo̠ṭet́ ge bạń joṭe̠da.
Ar rạskạ re̠aḱ kathage aćaḱ goḱaḱ le̠ka o̠na tayo̠m do̠ tishõ nisạ jinisko huḍuhuḍuć gan hõ bae joṭet́ kạile̠da ar un khon nonkan muskilaḱ ar bạṛić ghoṭnare̠ ar do̠ tis hõ bae paṛaole̠na.
(Mucạt́)
Teheń Moṅgolbar tikin oktege Baṅgladisom doe ruạṛ kana Cricket Haparaote̠, Okte̠ hisạbte do ekalte̠ 251 din tayom diso̠m Cricket kheloḍ tey ruạṛ kana Baṅladiso̠m. Ạḍi jakjomok ar rạskạ sapṛaote̠ uḍhạu hoyoḱ kana, “Boṅgo bondhu T-Twenty Cup Sponsor by Walton”. Jạtiạri Baba Boṅgo Bondhu Sheikh Mojibur Rahmanaḱ mit́ sae Janam mãhã disạ ar manaore̠ nonḍenko Crickeṭar kote̠ pạhil dhao leka hoyoḱ lạgidoḱ kana Hi Voltage Boṅgo Bondhu T- Twenty Cup. Mõṛe̠ Goṭen Dol se gãotawante̠ noa kheloḍre̠ko seledoḱ kana 80 Crickeṭar.
Joto haparaote̠ moṭre̠ match se Akhṛa do hoyoḱa 24 goṭen. Phaenal haparao do̠ hoyoḱa darakan 18 december. BEXIMCO Dhaka ar MINISTER Group Rajshahi tạkinte̠ noa kheloḍ akhṛa do ehoboḱa. Uḍhạu dinre̠ dosar kheloḍ redokin seledoḱa Tamimaḱ Fortune Barisal ar Sakibaḱ Jemkon Khulna.
Leage kheloḍre̠ dinạmge barea kate̠ kheloḍ hoyoḱa. Bond/chuṭi din bad kate dinạmge pạhil kheloḍ do tikin 1.30 bajare ehoboḱa ar dosar kheloḍ do bijli bạti re̠aḱ marsalte̠ siṅgạṛ 6.30 bajare ehoboḱa. Ar Bond se chuṭi din redo̠ pạhil kheloḍ ehoboḱa tikin 2.00 baja okte ar dosar kheloḍ do siṅgạṛ 7.00 baja ehoboḱa.
Jhamka jhạkur baha kạnić
Bela hõ rakaṕ kane
Belawaḱ chaṭatege,
Melae mańja leloḱ kạniḱ.
Tot lakage sanaṅ seniḱ
Ạyạ tege baṅ totso lidiṅe,
Ạyạ jạkhni duruḱ kane.
Daka uti laḱ
Iṅ tạkhni dạr kạdiṅ
Baha tot laḱ.
Jạkhni ạyạ baṛe kede totkạdiṅ baha
Tạkhni ạyạte saṕkate
Makat́ tiṅe bar thapa.
Mit́ dhao̠ mit́ṭe̠n ho̠ṛ aćaḱ phoṭo gạḍire̠ de̠ćkate diso̠m daṛane̠ oḍokena, ado̠ ruạṛre̠ tetaṅkedete mit́ṭe̠ć sạrại oṛaḱ ṭhe̠ne̠ te̠ṅgoe̠na ar ńui lạgit́e̠ bo̠lo̠ena.
Uni do̠ mo̠ne monerey menwana Mit́ bạṭi hạnḍi ńute̠ do̠ ce̠t́ lo̠ksan hõ bạnuḱa. O̠nate̠ uni do̠ mit́ bạṭi hạnḍiye̠ kirińke̠da ar ńu baṛakate̠ arhõ aćaḱ gạḍire̠ deće̠nte̠ o̠ṛaḱ seće̠ mõhnḍae̠na. Uni do̠ de̠će̠n khange ạḍi tạpise̠ giṛgiṛạu idike̠da, horre̠ tho̠ṛagan hõ jãhã ṭhe̠n bae ṭahrile̠da. O̠nka le̠ka calaḱ calaḱte̠ mit́ṭeć dobạṭiại tiog de̠ladilire̠ hõ bae ṭahrile̠da, ar ńe̠lpe̠se̠ ṭhik tala dobạṭiại tioḱet́ khange mit́ṭe̠n se̠ta do̠ ackage o̠ka khon coe ńir hećgot́e̠nte̠ ṭhik gạḍi mõhnḍa mũhnḍire̠ye̠ se̠ṭe̠re̠na. Phoṭophuṭiạ do̠ ackage se̠tae ńelke̠dete̠ ạḍi acka gạḍiye̠ ạcur got́ket́te̠ gạḍi do̠ nisạn khunṭi ḍhui me̠nte̠ye̠ tińke̠da, ar uni hoṛ doe̠ ńure̠nte̠ mit́ jaṅga raput́e̠ntaea ar ạḍi ṭhe̠ne̠ ghạle̠nte̠ haspatalte̠ko goḱ idike̠de̠a.
Uni ho̠ṛ doe̠ me̠nke̠da ạḍi dhao̠ nonkan mũhinre̠ń paṛao̠ baṛa akana, me̠nkhan tishõ nonkan muskil do baṅ hoe̠ akantińa,niạ do̠m do̠ nonka ho̠ye̠ntińa? Khạṭige noare̠ be̠so̠nto̠r re̠aḱ jãhãn karon do̠ me̠naḱgea. O̠na iạte̠ uni do̠ aćaḱ mẽt́e metat́kina aben doben gạphil kana, aben lahare̠ nonḍe̠ se̠ta me̠nae̠a me̠nte̠be̠n baḍae̠ ocoliń khan honaṅ no̠nkan ghoṭna do̠ oho hoele̠na.
Mẽt́ do̠kin roṛ ruạṛke̠da ạlińaḱ do̠ste̠ no̠a do̠ baṅ hoe̠ akana, ạliń do̠ ạḍi hakopakoge se̠ta do̠liń ńe̠l ńamle̠dea ar hataṅliń khoboradea. Hoe daṛe̠aḱa, no̠a do̠ Tiyaḱ do̠s kana pase̠ć.
O̠na iạte̠ uni do̠ Tikine̠ me̠tat́kina, henda hõ ce̠t́ iạte̠ abe̠n do̠ gạḍi nunaḱ bạṛić do̠be̠n calao̠ke̠da? Ce̠kate̠ sapha so̠ṛokre̠ baṅ calao̠kate̠ nisạn khunṭi sen caḱlao̠ge be̠sbe̠n bujhạuke̠da? Abe̠n baṛe̠ husiạrbe̠n tãhele̠n khan do̠ no̠a ghoṭna do̠ oho̠ hoteć hoe̠le̠na.
Ti do̠kin me̠nke̠da, ạlińaḱ do̠ste̠ no̠a ghoṭna ma baṅ hoe̠ akan! Ạliń do̠ o̠kaṭaḱ hataṅe̠ hukum ạlińa, o̠nageliń o̠nkae̠a ar uniaḱ sikhạuna le̠ka kạmikate̠ boge co bạṛić co ho̠yoḱ o̠na do̠ uniaḱ do̠s kana, ạlińaḱ do̠ baṅ.
O̠na iạte̠ uni do̠ hataṅe me̠tadea, accha tinre̠ mẽt́kin am ṭhe̠n se̠ta me̠nae̠a me̠nte̠kin khoborke̠da, am do̠ ce̠daḱ hakopako bam he̠tao̠ at́ tạkina ar ce̠daḱ be̠ste̠ kạmi lạgit́ bam hukumat́kina? O̠nkale̠ khan honaṅ no̠a ghoṭna do̠ oho hoe̠le̠na. Nitoḱ iń do̠ e̠ke̠n amaḱ gạphil ar be̠so̠nto̠r iạte̠ nonḍe̠ haspatalre̠ minạńa.
Hataṅ doe̠ me̠nke̠da, alo̠m bo̠dnamińa. Iń do̠ ạḍi thuṅgul muṅgulgeń ạikạue̠t́ tãhe̠kana, ar daṛe̠ do̠ nase̠ hõ baṅ tãhe̠kantińa. O̠na chaḍa são-baḱḍae̠aḱ do̠ ce̠t́ hõ bae̠ kạmi akada, inie̠ kạmile̠ khan do̠bạṭiạ t̠he̠n do̠ gạḍi bại bạite̠ calao̠ lạgit́ hukume̠ e̠mkina ar se̠ta re̠aṅe̠ lạiliń to̠rage ạḍi husiạrte̠ kạmi lạgit́ tikin hukumiń e̠mkikina ho̠naṅ.
E – go
Se̠rma kho̠ne̠m hećle̠n am
Ruạṛ calaḱ am – baṅ o̠ka hilo̠ḱ,
Un hilo̠ḱ e̠ke̠n do̠ho̠ o̠ṭokam,
Duk haso ińaḱ o̠nto̠r pereć.
E̠ – gạu
Kạṭić re̠naḱ o̠na kukmu sriti
Disạyạń ińaḱ mo̠nre̠.
E̠ – gạu
Suk sạntim e̠mle̠dińa,
E̠m le̠dińam hoṛmo̠ pe̠re̠ć dulạṛ.
E̠ – gạu
Am judim calao le̠nkhan
Baṅ, baṅ tahe̠n tiń cet́ hõ.
E̠ – gạu
Un hilo̠ḱ am iń ṭhe̠n
Ekal tahe̠nam mit́ to̠ho̠ṕ
Mońj so bahare̠.
Jo̠har –jo̠har –mano̠t jo̠har –gạu.
Birgońjre̠ calaoe̠n moṅgol hiloḱ tikin amdaj upojilạ re̠aḱ Morica union Mahatabpur Ghuguḍaṅga ato ren Haji Haphij Uddinaḱ ul bagan khon Mit́ Ạdibạsi kuṛiaḱ pạsi akan mạ̃ṛi ńam akana. Ona ṭhạ̃ire̠ ńam akan ID card khon baḍae ńamoḱ kana uni kuṛi do pońcogoṛ Jilạ Debigońj upojilạ re̠aḱ Bhullipaṛa Bagdoh atore̠n Sachera Besra re̠n hopon era kanae,Eṅgattet́aḱ ńutum do Bodhni ar uni kuṛi do Santona Besra (35)
Ona ghoṭona ṭanḍire̠ ńur tahẽkan mit́t̠en thạilạḱre̠ ńam akana kicrić,thoṛa ojoḱ jinisko ar mit́ṭen jạtiạri oporom sakam (ID Card). Morica unionren chairman Md. Ataharul Islam Choudhuri Helal noae baḍae ket́ khan Thana re khobore̠ em ket́te̠ ona ṭhạ̃ite̠ pulis sen kate mạ̃ṛiko hatao kate sanamaḱko tojbij keda. Noa mamlare̠n ńeljut dạyikan officer SI Sopon Pale baḍae oco akana uni kuṛiaḱ asol oporom ar goćkede re̠aḱ karon sendra kạmi do ehoṕ akana.
Birgońj Thanare̠n OC Md. Abdul Motin prodhan noa ghoṭona re̠aḱ sạriaḱ tet́ hẽḱ kate̠ baḍae oco akana je, Mạ̃ṛi do nit todonto lạgit́ Dinajpur M Abdur Rahman Medical Kolej haspatal re̠ak mạ̃ṛi doho oṛaḱte kol hoe akana. Moena todonto re̠aḱ report dharate̠ sanamaḱ re̠ak ạn lekate̠ bebosta hatao hoyoḱa.
Moulobhibajar re̠aḱ̠ Boṛolekhare̠ mit́ lekako at́ akan bir janwar Jhĩk (Sojaru) goć ia̠te Santal Ạdibạsiko modre̠ 9 sikạriạko hajot arko ḍamḍom akat́koa Bhramoman Adalot. Calaoe̠n Sạnicar 14 November ńindạ madhobkunḍo Eko park re̠aḱ bajari choṛare Upojilạ Nirbahi Kormokorta ar Nirbahi magistrate Md. Samim Al Imran noa Bicạre
Noa oktere Jhĩk(Sojaru) goćre̠ gor̠o emoḱ re̠aḱ doste Ukil sãotal(35) Budhu sãotal(26) Omesh Sãotal(30) Romesh Sãotal (32) kartik Sãotal (35) Ram sãotal (30) ar Krisno Sãotal (35) tako 10 hajar ṭaka kate moṭrẹ 70,000 hajar ṭakako ḍamḍom ket́koa Bhramoman Adalot. Ar Jhĩk (Sojaru) goćre̠ goṛo em khạtirte̠ selet́ tahẽkante̠ Bir janwarko rukhiạ ạn 2012 lekate̠ BOC kechrigul ṭoṭhare̠n Subol Bhumij (25) ar Jog Robi chondro(25) tạkin hõmit́ cando re̠aḱ begor kạmite̠ sạjại ko emat́kina. Ona ńindạge onko do hajot te̠ko kol ket́koa.
Adalot re̠aḱ noa kạmire̠ goṛoe em akada Bir gãota Boṛolekha rencre̠n mạńjhi haṛam Shekhor Ronjon Das ar Thanare̠n Upo poridorsok (SI) Hojrot Ali.
Bir janwar rrukhiạ jogao ar hạriạr dhạrti rokao gãotare̠n Shylet Bhibhagre̠n bir mukhiạ (DFO) Rejaul korim Choudhurie meneda cẽṛẽ ciprut́, bir hạti ar jan janwarkokarbare̠t́ ko bạṛić hoṛko babotre̠ sanam hoṛko aodhanko lạgit́ thoṛa kạmim horale hatao akada ar noate bhage kạmi do hoyoḱ kana.
Source-Jonojatir kontho