Niạ̣ Bharot Upomohadiso̠m re̠ Inrgej birudre ạdibạsi koaḱ tinạḱgan lạṛhạe hoelen onako̠ mo̠dre Ulgulan se Munḍa lạṛhạe mit́ten kana. Ạdibạsi Mundạko̠ ̣do̠ Briṭish amol re̠ onko birudko teṅgo̠ lena ar onkoaḱ koclo̠ṅ birud ko jagwarlena. Noa Munḍa hul se̠ (bidroho) re̠n ạyurić do̠e tahẽkana (Birsa Munda). Me̠n daṛeakabon je̠ nui hotetege no̠a upạmohadiso̠m re̠n ạdibạsiko̠ jagwarlena. Aćre̠n cela ko̠ ṭhen dhạti baba hisạbtei tahẽkana. Nagam re̠n Ulgulan lạṛhạeren ạḱyurić Birsa Munḍạ do̠e tahẽkana mit́ ạdivạsi sãota be̠naoić.

Briṭish ạyur ko̠aḱ harmad se̠ jạr julum birudre ạdivạsi munḍạ ko̠ jarwa mit́ kateć munda hul (bidroho) e̠hoṕleda ok do tayo̠mte Ulgulan ńutumte ko ńumleda.

15 November 1875 se̠rma re̠ un bidal re̠aḱ bihar nitoḱ jhaṛkhanḍ rajjosṭi re̠aḱ Raci Ulihatu ato re̠i janamlena. Ać apat́aḱ ńutum do̠ Sugna Munda ar eṅgãt ńutum Kormi Hatu. Kạṭić kho̠nge uni do̠ british hoṛko̠ hotete jạr julum ocoḱkan hoṛko̠ lạgit́ ạḍi ãṭe bhabnaḱ kan tahẽna, onko̠ bańcao re̠aḱ hore sendra baṛaet́ tahẽna.

Birsa munḍa ạyurte̠ 1899 – 1900 se̠rma re̠ ‘Munḍa Hul do̠’ hoylena.  Raci re̠aḱ dạkhin nakha seć no̠a hul do̠ munḍa pạrsite ‘Ulgulan’ ko̠ me̠taḱa. Ona bhe̠d  do̠ hoyoḱ kana  ạḍi kajaḱ lạṛhại. No̠a re̠aḱ kukmu do̠ tahẽ kana munḍa jạtko furgạl be̠nao. Birsa Munḍạ ar aćre̠n são phạd ko̠ upạjilạ, girjạ, sarkari kạmiạko̠ ar misonari ko̠ akham ket́koa. Onate̠ o̠nḍe maraṅ mũskil paṛaoena.

Mucạt́ hạbićte lạṛhạe ko̠ bhagao ocoena. Birsa se̠le̠t aćren sãotenko̠ amdaj mit́ sãe gan gateko̠ saṕket́koa. Bicạr re̠ Birsa Munda ar bar hoṛaḱ Phạsi lạgit́ ko̠ hukumke̠da. Phạsi laha hiloḱge̠ 9 june 1900 se̠rma re̠ Birsa Munḍạ do̠e goćena. Menako̠  kạd o̠ṛaḱ bhitri rege jomaḱ re̠ bis e̠made taheakana ar ona jo̠mkatećge uniaḱ gujuḱ do̠ hoyakana.

Te̠heń 9 june, BIRSA MUNḌẠ aḱ gujuḱ mãhã.

Niạ din re uni ar uni sãoten lạṛhạean birnanṭa ko lạgit́ tahenkana Uyhạr ar aema aema mano̠t johar!

Aema aema din laha re̠aḱ katha. Mit́ṭen ato re̠ mit́ṭen maijiu ać mo̠to̠gei tahẽn kan tahẽna. Jo̠kho̠n uni do̠ ạḍi kạtịiće tahẽlena, un kho̠nge uniaḱ do̠ kuṛi gidrạ hatao re̠aḱ sokh tahẽ kantaea.Mit́din setaḱ simraḱ okte̠ darire̠ daḱ e̠m okte̠ raḱe̠t́ tahẽkanae, are hudisoḱ kan tahẽkana jodi ińre̠n hõ mit́ṭe̠n huḍiń kuṛi gidrại tahẽlen khan. Tahole uni soṅge̠ geń gate̠ daṛe koḱa.

Un okte̠ge mit́ṭen puri do̠ ać samaṅre hećkateće ńelńam ocuina. Puri do̠ uni metadea,am do̠m cikaoakana eṅgam? Amdo̠ cedaḱem raraḱ kana? Uni maejiue me̠nkeda. Ińre̠n jodi mit́ṭen kuri gidrại tahẽlen khan ạḍi mońj hoykoḱa. Amem me̠n daṛiaḱa kuṛi gidrạ o̠kare̠ń ńam daṛikeya? O̠kare̠ hõ kuṛi gidrạ bạṅ ńamet́koa. Puri do̠e me̠n go̠t́ket́a ona do̠ alom bhabnaḱa ińge sanamaḱ do̠ń be̠bosthaoama.

Unre̠ uni puri do̠ aćaḱ jạdute̠ mit́ṭen jaṅ re̠aḱ dare tearkate unieye emadia. Ar inạ tayom puri do̠ maejiue me̠tadea eṅgam no̠a do̠ sadharon jaṅ re̠aḱ dare do̠ baṇ kana. No̠a ko̠ do̠ khet́ baṛge kore̠ do̠ baṅ hoyoḱa No̠a do̠ aema dulạṛte̠ hara rakap hoyoḱa. No̠a do̠ mit́ṭen ṭopre̠ ro̠ho̠eme̠ ar ńelam jate̠ mońjte siń candoaḱ marsale ńam.No̠a katha ańjom kate maejiu do̠ uni puri ae̠ma johare̠ e̠madea.Inạ tayom uni maejiu ona dare do̠ ṭopre̠ ro̠ho̠e kate ona ṭop do̠ janla aṛirei dahoakada. Je̠mon mońjte̠ candoaḱ marsale ńam.Inạ thoṛa din tayomge mit́ṭen ạḍi mońj baha bahaiena. Ar ona ńelte̠ do̠ tiulip baha le̠ka tahẽkana.

Uni maejiu do̠ dare ạḍi ãṭe dulạṛet́ tahẽkana ar dinạm hiloḱ daḱe dulet́ tahẽkana.Mit́din uni do̠ fuṭạgọḱ kan bahare dulạṛatei coḱada ar soṅge soṅgege fuṭago̠ḱ kan baha do̠ jạdu le̠ka bahaiena. Ar un okte̠ o̠na baha talare mit́ṭen ạḍi mońj huḍiń kuṛi gidrại ńelńam kedea. Ar uni gidrạ do̠ ńeloḱte do̠ buḍhạ kạṭup somane tahẽkana. Ar unre̠ uni maejiu ạḍi ãṭe rạskạina ar biṛ biṛ kateć roroṛe ehobena nui do̠ ińre̠n gidrạ kanae.

Ińre̠n gidrạaḱ ńutum do̠ hoyoḱkana Thambelina. Ad̠o unre̠ uni maejiu uni gidrại  metadea ińge amren eṅgam kạnạń. Inạ tayom uni maejiu aćren gidrạ lạgit́ mit́ṭen akhreṭ re̠aḱ ṭaprate gatić lạgit́ mit́ṭen kạṭićge dolnai tearkeda ar uni maejiu do̠ acre̠n gidrạ lạgit́ nil roṅg re̠aḱ baha le̠ka aṭet́ ar gulạb baha le̠ka pichạuṛi tearadea. Dinạm hiloḱ uni kuṛi gidrạ do tiulip bahare̠ dećkate daḱte̠ pereć gamlare̠ ạcur baṛaḱ kan tahẽkana.Ar lạukạ calao lạgit́ pond sadomaḱ uṕte tear barea ṭheṅga tahẽkana.Niạ ńelte̠ ać eṅgat ạḍie rạskạḱ kana tahẽkana.

Mit́din ńindạ uni kuṛi gidrạ aćaḱ akhriṭ re̠aḱ tearaḱ aṭerei jạpit́et́ tahekana. Ar o̠na okte̠ge mit́ṭen maraṅ roṭe do̠ rạput́ janlate̠ bo̠lo̠kate̠ uni kuṛi gidrạ ńel ńamkate̠ me̠tadea, oh! Ạḍi mońj kuṛi gidrạ to̠ ińge nui kuṛi gidrạ ińren gidrạ re̠n bạhu do̠ń tearle̠ khan ạḍi mońjkin jurikoḱa. Cet́ le̠kae me̠nket́ onkagei kạmike̠da kuṛi gidrạaḱ dolna se̠le̠t́ kuṭuń kateće idikidia.  Ar pukhrire̠ idi kate̠ mit́ṭen sãluk baha re̠aḱ gitić kadea.Jạpit́ beret́kate Thambelina do̠ ać oka sakam talarei gitić akan o̠na ńelte̠ ạḍi ãṭe bo̠to̠re̠na ar raraḱe ehobena.

Thoṛaghạṛić tayom roṭe ar acre̠n gidrại ńelńamket́kina. Unkin do̠ Thambelinakin metadea je̠ ać soṅge roṭe  hopone bapla hoykoḱ. Thambelinae menke̠da iń do̠ am bạṅ bapla daṛiama. Bapla lạgit́ unkin do̠  bana hoṛte̠ unikin rạji ocukin ̠lagaoena. Ar hantere kuṛi gidrạre̠n eṅgat́et́ do̠ aćaḱ oṛaḱ re̠aḱ goṭanakha sendrai lagaoina.Me̠nkhan okare̠ hõ sendrate bai ńamledea. Ar o̠na  okte̠ pukhrire̠ thoṛa lạṭu lạṭu hako do̠ sakam latarre̠ko̠ ạcurbaṛae kan tahẽna. Unre̠ ko̠ do̠ Thamelinaaḱ raḱko̠ ańjomke̠da. Un okte̠ onko̠ do̠ daḱ cetare̠ hećkate gidrạko̠ ńel ńamkedea. Onko̠ do̠ uni kuṛi gidrạko̠ kulikedea am do̠m cekaoakana? Am do̠m raḱeda ce̠daḱ? Ar cekatem hećena nond ̣e do̠. Uni kuṛi gidrạ do̠  sanam kathai lạiat́koa. Kuṛi gidrạ ńelte unko̠ hako do̠ ạḍi ko̠ bhabnayena. Onko̠ ko̠ me̠nke̠da jãhãle̠kate nui kuṛi gidrạ bo̠n bancaoea. Eṅgat́et́ do̠ uni roṭe ar aćren gidrại ńelńamket́kina.

Unkin do̠ baplayate sakam cetanrekin sajoḱ kan tahẽkana. Onate̠ unkin do̠ latarre̠ calaokate̠ ona sakam re̠aḱ goḍakin ger gertekin oṛećke̠da.Ar sakam do̠ gonḍa kho̠n aladaente̠ aste aste kateć pukhri aṛite̠ calaoena. No̠te uni kuṛi gidrạre̠n eṅgat́et́ do̠ uni kuṛi gidrạ sendra sendrate̠ jo̠hko̠n pukhri seće hijuḱkan tahẽkana un okte̠ ona sakam seć uniaḱ mẽt́ calaoentaea ar  aćre̠n kuṛi gidrại ńelńamkedea. Soṅge soṅge hoho hohote sakam khoć kuṛi gidrại rakaṕ ạgukedea ar hạṛuṕkate raraḱe lagaoena.

Unre̠ uni kuṛi gidṛa do̠ sanamaḱ gho̠to̠na acre̠n eṅgat́et́e lạiadea. Eṅgatet́ do̠ ańjomkate̠ ạḍi ãṭe duḱe ńamke̠da. O̠nate̠ unkin do̠ ona ṭola khon e̠ṭaḱ mit́ṭen ṭolate̠ calao kateć o̠ṛaḱ tearkateć suk ar sạntite̠ tahẽnkin e̠hobena.

Calaḱkan lockdown re̠aḱ okte̠ do̠ 16 june tala ńindạ hạbić baṛhao kate̠ Robibar (6 june) palwana  (Progapon)lại  jạjir akadae montri porisod bibhab. O̠nate̠ siknạt gãota ko̠ 13 june baṅ jhijuḱ kana. Tis jhijuḱa baṅ me̠nogoḱ kana. Ko̠ro̠na khạtir mit́ se̠rma kho̠n hõ bạṛti hoyoḱgoḱ kana jo̠to̠ lekan siknạt gãota ko̠ bond me̠naḱa. Siknạt gãota ko̠ jhić lạgit́ mimit́ jaegako̠ re̠ nana parkan kạmi ho̠ra ko̠ manaoeda oloḱ paṛhaoḱ kan gidrạ ko̠.

Siknạt Montri Dr. Dipu Moni , calaoen 26 may  lại so̠do̠rle̠da, ko̠ro̠na ṭhoṛa ko̠m ńoḱle̠n khange̠ 13 june kho̠nge Inter mediate lebel re̠aḱ siknạt gãota ko̠ jhijuḱa.Ar Versity jhijuḱ do̠ pạṭhua gidṛa ko̠ ṭikạ e̠m cetan re̠ ṭehaḍoḱ kana .Siknạt Upomontri Mohibul Hasan do̠ sombat madhome me̠tat́ko̠a  ko̠ro̠na mũskil okte̠ manao bachao khạtir siknạt gãota ko̠ baṅ jhijuḱ kana. Tayom daram gapalmarao kate̠ o̠kte do̠ bạḍae ńamoḱa.

Siknạt Montronaloy re̠n  Primary ar Collage siknạt bibhab re̠n Socib Md. Mahbubur Hosain do̠e me̠nkeda, ‘Siknạt gãota ko̠ jhić lạgit́ ko̠ro̠na rog pasnaoḱ 5 percent latar do̠ hoyoḱ jạruṛa.  Menkhan Robibar sarkar calaḱkan lockdown darakan 16 june hạbić baṛhao hoy akana.  No̠a re̠ jo̠po̠ṛao akan ko̠ são duṛup kate̠ iskul-collage jhić re̠aḱ goṭae hoyoḱa.

Ko̠ro̠na khạtir calaoen se̠rma 17 march kho̠nge disom re̠aḱ jo̠to̠ siknạt gãotako̠ do̠ bond me̠naḱa. Aema din chuti hoyen khạtir  Primary kho̠n e̠hobkate̠ Collage lebel hạbić andaj pon (4) kạruṛ oloḱ paṛhaoḱ gidrạ ko̠ ạḍi mũskil re̠ ko̠ paṛao akana. Calaoen se̠rma ko̠ro̠na rog ạḍi ãṭ ḍherlente̠ ona se̠rma re̠aḱ  5 April kho̠nge lockdown do jahir akana. 13 april hạbić jãhãle̠ka lockdown  hoyle̠n re̠ hõ rog arhõ bạṛti pasnaoente̠ 14 april kho̠n do̠ sarkar ‘KAJAḰ LOCKDOWN’ do̠e e̠mke̠da. Taynomte̠ City Corporetion ṭoṭha ko̠ re̠ gạḍi ko̠ calaḱ re̠aḱe hukum ke̠da.   Men̠khan  sạṅgiń te̠ calaḱ kan bus, lonch ar train ko̠ do̠ Eid hạbićge̠ bo̠nd tahẽkana.

Inạ tayom 24 may kho̠n gạḍi ko̠ calaḱ re̠aḱe hukum ke̠da. Khange 31 may hạbić lockdown baṛhao hoyna ar tayomte̠ 6 june hạbić arhõ mit́ haṕta re̠aḱ lockdown baṛhao hoyna.  Thoṛa din kho̠n Ko̠ro̠na rog do̠ ạdi dãṭ chạplạu akante ar gujuḱ re̠aḱ soṅkha hõ ḍher akante̠ ar mit́ dhap manao bachao baṛhaoena.

Calaoen 5 june, do̠ tahẽkana goṭa dhạrti poribes mãhã. Jao se̠rmage Bisso Poribes mãhã do̠ manao hoyoḱ kana. Ko̠ro̠na o̠kte poribes re̠aḱ sebel-so̠ṛo̠mte̠t aema ḍherakana.Menkhan poribes são sontoroḱ lagit́ aema din kho̠nge kurumuṭu calaḱkana. Poribes rạkhi jogao lạgit́ sontor  jatisoṅgho ạḍi ḍiyiḱ se̠le̠t poribes mãhã do̠e manao e̠da.

 ‘Poribes moṅj ruạr hoyoḱ ma joto hoṛaḱ eḱraṛ’. Niạge hoyoḱ ma aboaḱ niạ dhao  aḱ poribes mãhã. Goṭa dhạrti poribes mãhã ńutumte̠ e̠makan katha ko̠ro̠na virus re̠aḱ no̠a mãhãmạri talare̠ hạṛiạr Dhạrti benao lạgit́ ạḍi kajaḱe jor akada Maraṅ Montri Sekh Hasina.

Maraṅ Montri me̠nkeda, ko̠ro̠na virus khạtir manwakoaḱ ar kạuḍinity (Orthonity) ko̠ ạḍi ãṭ no̠sṭo akan re̠ hõ poribes tho̠ṛagan re̠ hõ jiwiye rụaṛ ńam akada. Goṭa dhạrti re̠ mit́ sãote lockdown paṛaoakana te̠ poribes mạilạḱ do̠ ko̠m akana. 1914 se̠rmare pạhil no̠a  mãhã huylena, ho̠ṛ soṅkha, Global warning, birnạhạ jiwian ko̠ le̠ka poribes babo̠d re̠ sontoroḱ soṅge soṅge bạḍoḱ lạgit́ no̠a mãhã do̠ manao e̠ho̠b akana.  Bisso poribes mãhã sadharon ho̠ṛko̠ ṭhe̠n idi se̠ṭe̠r lạgit́ mit́ṭen Bissojonin platform, okare̠ jao se̠rmage  mit́ sãe po̠n ge̠l pe̠ (143) kho̠n bạṛti diso̠m ko̠ se̠le̠t́doḱa.

Poribes mãhã re̠aḱ e̠to̠ho̠ṕte̠t́:

1968 se̠rma re̠aḱ 20 may  jatisoṅgho re̠aḱ kạuḍinity ar samajik porisod ṭhe̠n mit́ṭen ciṭhi kolkeda Suiden Sarkar.  Ciṭhi re̠aḱ  bisoi tahẽkana poribes babo̠dre̠ onkoaḱ gạhin utjog re̠aḱ katha. Inạ se̠rmage̠ jatisoṅgho  torop seć kho̠n poribes baṅcao se̠ rạkhi jogao bisoi do̠ sadharon odhibeson suci re̠ hatao hoyna.  Inạ porer se̠rma ge̠ jatisoṅgho seć kho̠n poribes bancao lạgit́ saphate galmarao ar somadhan upại se̠ndrae lạgit́ sodosso rasṭro hukumte suiden re̠aḱ Rajdhani stokhome re̠ 1972 se̠rma re̠aḱ 5-16 june jatisoṅgho  manwakoaḱ poribes mãhã do̠ hoyena. 1973 se̠rma re̠aḱ sonmelon re̠aḱ pạhil din  goṭa dhạrti poribes mãhã hisạbte̠ jạhir akana.

 Poribes mãhã re̠aḱ jạruṛte̠t́:

Goṭa dhạrti re̠aḱ koṛam re̠ poribes aḱ obodan bạjhạu lạgit́ no̠a din do̠ manao hoyoḱa.UNITED NATIONS  prokitiaḱ obodan bisoi re̠ sontor ko̠ lạgit́ noa̠ manao ganao do̠ e̠hob akana. Poribes rạkhi jogao lạgit́ poribes  ar aema jạtren hoṛko̠ sontor re̠aḱ kurumuṭu em hoyna noa niṭ́ akan din rege. Poribes cet́ leka abo sanamko̠e bancaoe bon  babodre̠ sanam ko̠ko bujhạuat́koa noa poribes mãhã re̠ .

Poribes cetanre ko̠ro̠na virus re̠aḱ probhab (effect):

Ko̠ro̠na ãjaṛte̠ goṭa dhạrti re̠ n hoṛko ạḍi bo̠to̠r se̠le̠t́ dinko̠ khemaoeda. Menkhan poribes cetanre mońj provab do̠ e̠mkada. Calaoen bar (2) se̠rma lockdown re̠ gạḍiko bako calaokada. Lockdown khạtir daḱ ar hõ̠e re̠aḱ mạilạḱ hõ kom akana. Onate̠ dare-nạṛi ko̠ do̠ baha-jo̠aḱ ko̠ te̠ sajao akana. Khan carbon-di-oxside poriman do̠ koa akana. To̠be̠, mask, glaves, aema le̠kan plastic mạilạ ko̠  thiḱ jaegare baṅ gidi kate ạuṛi pạthạuṛi giḍi khạtir poribes mạilạḱ kana. Eṭaḱ disom ko̠ le̠ka Baṅgladisom hõ niạ barr re̠aḱ ‘Goṭa Dhạrti Poribes Mãhã’ re̠  hoṛko̠ sontor ko̠ lạgit́ Montronaloe torop kho̠n poribes Odhidoftor (Directorate)  sećte aema kạmi ho̠ra ko̠ hatao hoy akana. Ona soṅge Rajdhani re̠aḱ jạruṛaḱ ṭhãi, be̠nao ar ḍhar re̠ Benar, Festun benao kate poribes rạkhi jogao lạgit́ uskure̠tkoa me̠nte dhạrwạḱ re̠ baḍae ocoakana.

Pakistan re̠ Blassfemi se̠ dhorom nẽṅghao ạn re̠ eyae (7) se̠rma lahare̠ sạri kho̠bo̠r baṅ ńam khạtir  gujuḱ dusi ńam akat́ mit́ juri-pạri do̠ khalase̠ e̠mat́kina ona diso̠m reaḱ mit́ Adalot. Noa rai do̠ Lukhibar e̠m hoy akana. Unkin juri-pạri do̠ 2014 se̠rmare mit́ṭen kho̠bo̠r re̠ Mohamod (Sm) unikin   siṛog akade , nonkana ko̠ lạiket́ khạtir unkin do̠ gujuḱ dusi do̠e e̠mat́kina Adalot. Sagufta kausar do̠ ona ṭoṭha re̠n mit́ Christian skul re̠n Careteker kanae. Ać Jãwãetet́ Safakat Immanuel do̠e ạḍi ãṭe josao akana.  

Khalas tayom ạkinre̠n ukil Saif Ul Maluk do̠e me̠nkeda, BLASSFEMI ạn ṭheć nacar nukin bar (2) ho̠ṛ  khalas kin ńamket́te̠ uni do̠ ạḍi ãṭe kusiena. Ukil do̠e asoḱ kana darakan hapta rege nuking juri-pạri do̠ kạd o̠ṛaḱ kho̠n do̠ khalasoḱa. Noa gho̠ṭna ko̠ sarhao akada pakistan re̠aḱ manobadhi soṅgoṭhonko̠. Emnesti International Asia re̠n Deputi Director Dinosikha Disanaya do̠ adalot re̠aḱ nonkanaḱ go̠tawaḱ ạḍi hahaṛa me̠nke̠da. Pakistan re̠ do̠ dhorom nẽṅghao le̠khan gujuḱ dusi hukum me̠naḱa.  Me̠nkhan nit́ hạbić maṛan lạṭu adalot noa dai re̠ o̠koe hõ gujuḱ dusi bae e̠m akat́koa. To̠be, dhorom ko̠ nisṛạu akat́ khạtir pakistan re̠n tho̠ṛa ho̠ṛ do̠ sadharon ho̠ṛkoaḱ tite̠ goć ocoakanako.Pakistan reaḱ Blassfemi ạn iạte aema din re̠aḱ bito̠rko̠.  2021 Blassfemi ovijog  te̠ gujuḱ dusi  ńam ket́ Asia Bibi. Iṛal (8) se̠rma jehel khaṭao tayom 2018 se̠rmare Suprim Court  uni do̠  aṛaḱkae lạgit́e hukum ke̠da.

Manobadhikar re̠n kạmiạ ko̠ aema din kho̠nge Blassfemi ạn bạtil lạgit́ ko̠ kurumuṭuieda. Onkoaḱ jukti, niạ ạn dhorom hoṛko̠ jalao se̠ nijaḱ sartho re̠ beoharoḱ kana.  Aema kho̠bo̠r lekate̠, pakistanre̠ 1987 kho̠n 2020 se̠rma re̠ Disember hạbić ko̠m se̠ mit́ (1) hajar 855 manwako do̠ dhorom nẽṅghao re̠ko̠ ovijugto akat́koa.  Ona diso̠m re̠ maraṅ isai hoṛ ko̠ do̠ hoyoḱ kana Christian, soṅkha sećte noko amdaj 28 kạruṛ. BLASSFEMI ạn re̠ baṛti noko geko̠ sikạroḱ kana. Calfornia vittiḱ Olabjonok soṅgstha OPEN DORS USA– re̠aḱ 2021 se̠rma re̠̠aḱ  WORLD WATCH lekate̠, Christian ko̠ cetan ạdi jalawanaḱ diso̠m hisạbte̠ gota dhạrti re̠ Pakistan do̠ mõṛẽaḱ (5)  po̠d re̠ me̠naḱa.

Iń do̠ kạṭić tahẽn re̠ Baṅgla Cinema re̠n ạḍi maraṅ Fan do̠ń tahẽ kana.  Sasalha, me̠taḱme̠ ạḍi jhũḱ mo̠nte̠ Baṅgla Cinema ńe̠l lạgit́ haṕta re̠aḱ pon din tạṅgi re̠ṅ tahẽnkan tahẽna. O̠ṛaḱ re̠ mit́ṭaṅ po̠nḍ he̠nde̠ (sada-kalo) tv tahẽkana. Lukhibar, sokolbar, ar sunibar. Haṕta re̠aḱ no̠a pe̠ dinge̠ BTV portha re̠ Baṅgladesi cinema procaroḱ kan tahẽna. No̠a cinema ńe̠l khạtir ae̠ma te̠g sikạroḱ hoyoḱa. No̠nkanaḱ aṭkarbuj unigei bujhạua o̠ko̠eaḱ gharońj re̠ o̠na niạm tahẽkana.

E̠ṭaḱ se̠c katha baṅ bạṛtikate̠ mul katha se̠ćbo̠n he̠ćle̠nge̠. Jo̠kho̠nge̠ baṅgla cinema do̠ń ne̠le̠t́ tahẽna un o̠ḱte̠ge̠ń tạṅkhiye̠t́ tahẽna cinemare̠ dal-dapal, rapṭha-rạpṭhi, usạt- upusạt e̠mante̠aḱ lagaore̠ge̠ tahẽna. Cinema re̠ jo̠kho̠n hãhãe ạḍi jore̠ko̠ raga, un o̠kte̠ o̠na raḱ re̠aḱ scene ńe̠lle khan ińaḱ mẽt́ mit́ ko̠na kho̠n ce̠daḱ coṅ mit́ bar ṭho̠p daḱ jo̠ro̠ḱ kan tahe̠na. Ńe̠le̠t́ tahẽaṅ jãhãe Ovine̠ta se̠ Ovine̠tri jo̠kho̠n ragako̠ unre̠ kạumạuate̠ ko̠ṛamre̠ kajaḱtei ce̠ṭago̠ḱa. Amon bhańjte̠ kathako̠ ro̠ṛa mo̠neke̠am Dulạṛ, hudis- ganḍo̠n, duk jala e̠mante̠aḱ jo̠to̠ ãṭkaraḱ no̠a ko̠ṛam re̠ me̠naḱ mãyãm kunḍi (Ridpindo) do̠e sambṛaoeda.

No̠a ko̠ ńe̠l ńe̠lte̠ tho̠ṛagan do̠ń hara burue̠na. Skul re̠ science ńutuman mit́ṭaṅ rạskạwanaḱ o̠na so̠ṅge̠ so̠ṅge̠ dukanaḱ biso̠I do̠ń bachao hataoke̠da. Thiḱ un o̠kte̠ re̠ ar mit́ṭen baṅgla cinema oḍoḱena.Nayo̠ḱ do̠e tahẽkana Ononto Jolil. Cinema re̠aḱ ńutum do̠ andaj hoyoḱ kana “NI:SARTHO  VALOBASA”.

No̠a cinema re̠ uduḱakan mit́ṭen scene ińaḱ mo̠n re̠ ạḍi ãṭ bhạbito̠ḱ kana. Cinema mit́ o̠kte re̠ Nayoḱ aćaḱ ko̠ṛam kho̠n mãyãm kunḍi oḍoḱke̠da, aćaḱ dulạr aćre̠n naikae bujhạuae lạgit́. Un o̠kte̠ń hudiso̠ḱ kan tahẽna no̠nkanaḱ duḱanaḱ, rạskạ, jala ạikạuḱ jo̠to̠aḱge niạ m̃yãm kunḍi kho̠n ạyuro̠ḱkan tahẽkana. Baṅ !! Science re̠ hećkateć ńe̠l kedạń aboaḱ se̠ jãhãe ho̠ṛaḱge mo̠n me̠nte̠ ce̠t́ge bạnuḱa. Khan cinema ńe̠l do̠ń bạgike̠da. No̠nkanaḱ bin-baḍae kho̠bo̠r seć mo̠niń emkeda.

Katha ro̠ṛ ro̠ṛte̠ ce̠daḱ coṅ e̠ṭaḱ sećge̠ń calaḱkana!! No̠nkage hoyoḱkana! Sãote̠ ạḍi maraṅ mit́ṭen udaho̠ro̠n do̠ń emke̠da. No̠a khạtirte̠ ikạń kho̠jke̠da. Nito̠ḱ mul babo̠d re̠ heć hoykoḱ. Aboaḱ koṛam bhitri re̠ mo̠n me̠nte̠ cet́ge bạnuḱa.jo̠to̠ge aboaḱ bhul dharona. Abo duḱ re̠ bon paṛaolen khan koṛam re̠ ti emkate̠ cet́ leka coṅ mit́te̠ kạmi baṛae abon. No̠a hudis kate̠ je̠ aboaḱ koṛam bhitrire̠ mo̠n me̠naḱa me̠nte̠. No̠nka le̠khan aboaḱ mo̠n do̠ hapeḱa. Nito̠ṅ manao hatao lagaḱa je̠ o̠na aboaḱ bhul dharo̠na. O̠na re̠aḱ karo̠ntet́ do̠ aso̠le aboaḱ bo̠ho̠ḱ hataṅ bhitrire ukuakan me̠naḱa.

Abo tho̠ṛagan re̠ hõ SENNAYTONTRO babo̠d re̠ bon baḍae daṛeakada. Jo̠kho̠n aboaḱ ho̠ṛmo̠re̠ siḱṛićko̠ ge̠r bon unre̠ Sennayu te̠ ãṭkar daṛeaḱa ar bo̠ho̠ḱ hataṅre̠i kạmia ar abo ti se̠ e̠ṭaḱ jinisko̠ te̠bon ãṭkar daṛeaḱa. No̠nḍe aboaḱ ho̠ṛmo̠re̠ bo̠ho̠ḱ hataṅ re̠aḱ bhag me̠naḱa. To̠be Sennayutontro 2 bhag te̠bon bhaga.

1. Kendrio sennayutontro
2. Prantio sennayutontro

No̠a kendrio sennayutontro re̠aḱ maraṅ bhag do̠ aboaḱ bo̠ho̠ḱ hataṅ. O̠kaṭaḱ aboaḱ bo̠ho̠ḱ me̠taḱme KROTI  tala̠ re̠  napaete̠ me̠naḱa.No̠a kho̠nge jo̠to̠aḱ hudis ganḍo̠n, dulạṛ bon ãṭkara. Ar ạuṛiaḱte̠  abo do̠ mãyãm kunḍi (Ridpindo) kajakte̠bo ceṭago̠ḱa.Nito̠ṅ abo mit́ṭen biso̠i bon o̠nman lege̠.   No̠a bo̠ho̠ḱ hataṅ do̠ aboaḱ go̠ṭa ho̠ṛmo̠ do̠e sambṛaoeda.No̠a bo̠ho̠ḱ hataṅ re̠aḱ hõ go̠ṭho̠n bhag me̠naḱa. O̠na bhag le̠kate̠ no̠a bo̠ho̠ḱ hataṅ do̠e kạmieda. Abo do̠ latar re̠aḱ pạhilaḱ chobire̠ bo̠ho̠ḱ hataṅ re̠aḱ pe̠ (3) bhagbon ńam akada.No̠ako̠ do̠  hoyoḱkana:

1. Samaṅ bo̠ho̠ḱ hataṅ
2. Tala bo̠ho̠ḱ hataṅ
3. Tayom bo̠ho̠ḱ hataṅ

Niạ bo̠ho̠ḱ hataṅ re̠aḱ mit́ṭen bhag do̠ hoyoḱkana Thelamas. O̠kaṭaḱ do̠ abo dosaraḱ chobi re̠aḱ ostitto mońte̠bon oprom daṛeaḱa. No̠a bhag do̠ aboaḱ nijaḱ ar samajik ạn –ạri sodora. E̠ṭaḱ hoṛ jo̠kho̠nge bon jo̠ṭe̠t́koa,ar mo̠nre̠bon ãṭkara: khange̠  abo ho̠ṛmo̠ ar mo̠n se̠ćte̠ o̠kaṭaḱ jalabo̠ bujhạu no̠a hõ Thelamas kho̠nge hijuḱa. Ar hõ bon ńe̠lle khan jãhãegebon dulạṛko̠, jãhãe cetanre raṅgao emanteaḱ ar hõ aemage aboaḱ samaṅ boho̠ḱ hataṅ re̠aḱ Hypothelamas bhag do̠e sambṛao baṛaeda.

No̠age hoyoḱkana “HUDIS GAṄḌO̠N RE̠ BO̠HO̠Ḱ HATAṄ”

Mo̠ne ke̠dáṅ ạḍi maraṅgeń olke̠da. Dulạṛiạ pạṭhuạ cet́lekae hataoa bạṅ baḍaea. To̠be te̠heń do̠ niạ  dhạbićge.

JO̠TO̠KO̠ JO̠HAR!!

Sedae jugre, kathae, Jhõ̠ṛẽ Bạjun ńutumakin bar boehakin tahẽkana; Bạjun do̠e maraṅa, ar jhõ̠ṛe̠ do̠e huḍińić kana, ar unkinren eṅgat apat do̠ Bạjun bạhuade sermagekin go̠ćena. Khange ado bạjun do̠e sioḱa are kạmi baṛaetạkina.Tahe̠n tahe̠nte ado̠ mit́ din do̠ uni bạjun bạhu do̠ ruạ e̠ho̠ṕ-kedea; khange ado̠ dãṛã sõ̠ṛẽ̠ ruạ ruạtegeye kạhil idiyena.

Khange ado Bạjune menket́tạkina, E ya Jhõ̠ṛẽ̠, hilim ạḍiye ruạḱ kana, bae duṛuṕ daṛeaḱ kana, ar iń hõ sioḱ iń calaḱ kana. Teheń do̠ amge nãhãḱ daka hataṛtabonme; kạmi kho̠n he̠ćkate do̠ nãhãḱ ạḍi re̠ṅge̠ća, tinre̠ iń do̠ń dakaea? Onate am iń lại oṭoam kana, daka hataṛme, pe̠ pại nãhãḱ khadleme. Khange sạri onkaye batlao baṛa oṭoadete ać do̠ nahele so̠ḱket́te sioḱe calaoena. Ado khange sạri jhõ̠ṛẽ̠ do̠ se̠ṅge̠le̠ jolket́a, ar ṭukućre daḱe dulket́te culhạreye condaket́a;  bhagete sahane ṭhekaoet́teye jolaḱ kana; ado̠ daḱ basaṅenkhan do̠ ado̠ pạiye ńam baṛayet́a.

Ado̠ akoaḱ pạiye ńamket́a. Ado̠e me̠nket́a, Durre̠ aleaḱ pại ma mit́ goṭaṅge, ar se̠ye me̠n akawadińa, pe̠ pại nãhãḱ khadleme; mit́ṭaṅ eskar nãhãḱ iń khadlele khan do̠e ruhedińa.O̠ko̠e tora arhõ̠ barea pạiyiń ko̠e ạgukoa. Ado̠ khange onka onka hudis baṛakate atoren ho̠ṛ ṭhen khon barea pạiye koe ạguket́a; ado onako pe̠ne̠ pạiye khadlekat́a. Khange ado̠e jolaḱ kana are ghanṭayet́a.

Khange tikinket́a. Unre̠ aderket́kina. Ado khange oṛaḱ khon Jhõ̠ṛe̠ do̠e oḍoḱ go̠t́ena. Ado̠ dadat́tet́ do̠e kulikedea, Cele ya, Jhõ̠ṛẽ̠, dakaket́ tabonam? Ado̠ Jhõ̠ṛẽ̠ye me̠nket́a, Khadle akat́ań. Khange dadat́te̠t́e me̠nket́a, Acha, isinoḱa nãhãḱ. Am do̠ ma unkin ḍaṅgra busuṕ emakinme; ar hilim do̠e okayena? Ado̠e bạhu ṭhene calaoena; ado̠e kulibaṛayede kana: Cele, cet́ lekam ạikạuet́a? Okakore hasoyet́mea, laime; kạmi din ruạḱ do̠ ạḍi muskil iń ạikạuet́a; cekatebo kạmia? Iń hõ ạḍi muskil iń ạikạuet́a; nõ̠ḱõ̠e am hõ̠m ruạḱ kana, ar kạmi hoṛ bạnuḱkotabona- ma phạriạ ho̠doḱme. Ado bạhutte̠t́e me̠nket́a, Ma se̠, ti jaṅga pe̠ṭe̠r baṛakatińme, ạḍi laṅgań ạikạuet́ kana.

Khange ado̠ ti jaṅgakoe iskir baṛayede kana. Ado̠e me̠nket́a, Sunum ạguime, e̠ke̠naḱte do̠ ạḍim haso ocoyediń kana. Khage ado̠ uni Jhõ̠ṛẽ̠ do̠ daṅgra busuṕe emat́kinte oṛaḱte bo̠lo̠kate tiṅgiye tiṅgiaḱ kana se̠, cur mare tiṅgiaḱ kana. Ado̠ khange sunum ạgui lạgit́ dadat́te̠t́ do̠ oṛaḱteye bo̠lo̠ got́ena; ado̠e metae kana, Cele ya, isinket́am? Ado̠ uni do̠ cet́ hõ̠ bae ro̠ṛet́a. Khange uni do̠e me̠nket́a, De̠ se̠ń ghanṭa aṭkartama. Ado̠ khange sạri kạ̃ṛchu saṕkateye ghanṭaket́te̠ haḍ haḍe ạikạuket́a. Ado̠e metae kana, cet́ ya haḍ baḍaoḱ kana?

Ado̠ ko̠ce̠kateye ńelket́ do̠, pe̠a pạiye khadle akat́. Khange ado̠e ruhet́ baṛayede kana, Cedaḱ noa pại do̠m khadle akat́a? Am do̠ ạḍi bạṛić lelha hoṛ kanam, mit́ hõ̠ bud do̠ bạnuḱtama. Ado̠ Jhõ̠ṛẽ̠ye menket́a, Amge co̠ṅ, dada, pe̠ pại khadleyem metadiń; onate̠ iń do̠ pe̠ pạigeń khadle akat́a, bạṛti tho̠ bańkhadle akat́a. Khange ado̠ dhur mare ruhet́ baṛakedea, ado̠e metae kana, Caole do̠ bam khadlea? Pại do̠ cedaḱem khadle akat́a? Ado̠e me̠n ruạṛket́a , amge co̠ṅ dada , pe̠ pại khadleyem metadiń, caole khadle tho̠ bam metadińa ; nnate iń do̠ pạigeń khadleket́a. Ado̠ khange pại do̠ kin oarkat́a, ado̠ caole kin khadleket́a, ado̠e metadea, ma, nitoḱ do̠ tiṅgiam; ado̠e tiṅgiat́a. Khange ado̠ isinena, ado̠ dadat́te̠t́geye ạ̃ṛićket́teye loket́a, ado̠ ko̠ jo̠m baṛaket́a.

\

Ko̠ro̠na re̠aḱ dosar dhapte̠ Disom re̠aḱ Utạr nakha phe̠ḍ jilạ ko re̠ ko̠ro̠na rog ạḍi ḍher akante̠ kạmiạ re̠ṅgeć nacar hoṛko̠ jio̠n re̠ ạdi mũskil okte̠ do̠ heć paraoakana.noa mũskil okte̠ kạmiạ reṅgeć nacar hoṛko phe̠ḍre̠ teṅgoakan ROTARY CLUB OF DHAKA kaouran bajar.

Teheń 1/06/2021 tikin 11 baja okte̠ Godagaṛi Upạjilạ Babuḍaṅg nawa ṭola re̠n kolhe ko̠ talare̠ pe̠ ge̠l (30) kạmiạ gharoṅj re̠n horko̠ jomaḱ Ar ona soṅge soṅge ge̠l (10) goṭen gharoṅj talare̠ mit́ṭen (1) kate̠ mẽrom em hoyna. Arhõ goṛo ko̠ ńam keda ge̠l (10) kg cauli, mit́ (1) kg dạl, mit́ṭen (1) sunum botol ar mõre̠ (5) goṭen mask. Amnura Rotary Comminity Cor ar Tabitha Foundation aḱ utjogte̠ ar Rotary Club Of Dhaka kaouran bajar ar ona selet́ Rotary Club Of Padma Rajshahi, noa r̠eaḱ gopoṛte̠  jo̠m do em hoy akana.

Noa em goṛo akhṛa re̠ Maraṅ sobha mukhiạ Amnura rotary community  cor upadesṭa ar Tabitha  foundation re̠n cạcạlạuić Stephen Soren, arhõ hạjire̠ tahẽkana Amnura  re̠n sabha mukhiạ  Prodip Hembrom. RCC sobha mukhiạ do noa akhṛare̠  jarwa akan sanamko̠ rotary club re̠aḱ kạmi babod rei lạiat́koa, ar ko̠ro̠na okte̠ sasthobidhi manao lạgit́e sontorket́koa. Noa goṭa akhṛare̠ joto lekan goro gopoṛore̠ tahẽkana National Agency  For Green Revolution (NAGR).

Amnura Rotary Comminity Cor 2019 se̠rma kho̠n chapai nawabgoṅj, Rajshahi ar Naogan jilạ re̠ jilạ re̠ Amnura Rotary Cor be̠nao kate̠ noa talate̠ ona ṭoṭha ko̠ re̠ kạuḍi ar siknạt lahanti lạgit́e kạmida.Calaoen se̠rma 2020 kho̠nge̠ ko̠ro̠na mãhãmạri okte̠ pe̠ ge̠l mõṛe (35) goṭe̠n gharoṅj  re̠n hoṛko̠ pe̠ (3) cando jomaḱ em goṛo ar Collage re̠ paṛhaoḱkan  15 reṅgeć gidṛako talare̠ paṛhaoḱ jinis hisạbte̠ Smart phone ar barea Laptop em hoy akana.

Amnura Tabitha kindergarten skul re̠n mit́ sae bar (132) goṭe̠n gidrạko 6 cando mit lagamte̠ pusṭi jomaḱko̠ ńam ke̠da. Arhõ ko̠ro̠na okte̠ kạuḍi sećte lahanti lạgit́ ber ge̠l (20) gharoṅj re̠n horko̠ 10 goṭe̠n geḍe, 20 gharoṅj re̠n hoṛko̠ 10 goṭe̠n sim hopon ar 10 goṭe̠n gharoṅj re̠nko̠ ṭarki sim ar ona se̠le̠t́ 10 goṭe̠n gharoṅj re̠n hoṛko̠ merom ko̠ ematkoa  ona soṅge̠ soṅge̠ ko̠ro̠na sontor tahẽn lạgit́ kạmiko̠ calao idiḱkana.

Boṅgobundhu She̠kh Mujib Medical Bissobiddaloi re̠n upacarjo Sarfuddin Ahomed do̠e baḍae oco akana, bebohar akat́ mask  begor saphate̠ bar bar horoḱle khan HENDE RODOT́ se (BLACK FUNGUS) ńam re̠aḱ bo̠to̠r menaḱa. Black Fangas se̠ Mucarmaycosis bisoi niye sanamko̠ soceton lạgit́e menke̠da.

Sunibar mit́ṭen Besorkari  Television  re̠ emlen gapalmarao re̠ BSMMU upacharjo no̠a katha lại jạhirke̠da. Uni do̠e menke̠da, Bharot sãote̠ Baṅgladisom aṛeko̠ reaḱ jilạ soṅkha pe̠ ge̠l mõṛe (35) . no̠ko̠ modre̠ chapainawabgonj, Jossor, Satkhira, Poncogor selet́ arhõ thoṛa jilạ re̠n hoṛko̠ lạgit́ Bharot ạḍi so̠r ńoḱge̠te̠ ạḍi bạṛtiko̠ calaḱ hijuḱkana. No̠ko̠ hoṛge̠ bạṛti Mutant Verient ńam re̠aḱ bo̠to̠r menaḱa. Bharot re̠aḱ  no̠a  verient  Mit́ hoṛ kho̠n bar ge̠l (1-20), ar bar ge̠l kho̠n po̠n sãe(20-400)  manwako̠ akranto ko̠a. No̠a okte̠re̠ ko̠ro̠na virus le̠kan bo̠to̠ranaḱ rog cabae lạgit́  border aṛe re̠aḱ jilạko̠ re̠ kajaḱ lockdown hoyoḱ jạruṛa, je̠mon borḍer aṛe jilạko̠ re̠n hoṛko̠  so̠r jilạko̠ re̠ se̠ Dhaka so̠ho̠r ar eṭaḱ so̠ho̠r re̠ hõ bako̠ se̠n daṛeaḱ ar mit́ jilạ re̠n hoṛ eṭaḱ jilạ jemon baṅko̠ bo̠lo̠ daṛeaḱ.

BSMSU upacarjo do̠e me̠nke̠da, Bharot phe̠ḍ jilạko̠ kho̠n jahaege̠ko̠ hijuḱ  onko̠ do̠ Quarentaine re̠ do̠ho̠ ko̠ le̠k kana. Ente̠ borḍer aṛe jilạ re̠ bạrti ko̠ro̠na rog ńamet́koa, o̠nate̠ cikit́sa bebosthako̠ se̠le̠t kajaḱ lockdown e̠m jạruṛ ar Bharot kho̠n tinạḱ Baṅgladisom ko̠ hijuḱkana sanamko̠ Quarentaine re̠ do̠ho̠ chaḍa etaḱ jahan upạiko̠ do̠ bạnuḱan.

Oddhapok Sarfuddin Ahomed lai ke̠da, Ne̠be̠tar bharot re̠ no̠a Fungus rog ńel ńam akana.  No̠a Fangas do̠  Baski  jomaḱ, Baski jo̠, ae̠ma din kho̠n Frez re̠ do̠ho̠ akat́ jomaḱko̠, Be sapha mask, oxygen ar ICU ar Hiomedefire kho̠n hoy daṛeaḱa. Okoe do̠ Diabetis rog re̠i jạbunakan , okoe do ko̠ro̠na rog te̠ ae̠ma din kho̠ne jaṛao akan, Cancer ńam akade rogi, ạḍi kajaḱ Brod- spektrum Entibiotik beohar, bhaṛti hoṛmo maejiu, Pusṭi ovab te̠ hõ noa rog ńam re̠aḱ bo̠to̠r menaḱa.

Black Fungus do̠ Raino- Orbital- Ceribital dho̠ro̠n do̠ mũ seć kho̠n bo̠lo̠ kate̠t́ mẽt́ ar bohoḱ hataṅ re̠ bo̠lo̠ darẹaḱa.. noa kho̠n bancao ńam lạgit́ ạḍi sabdhante̠ tahẽn jạruṛa. Oddhapok Sarfuddin ahomed do̠e reṛ ke̠da, ‘Black Fungus Se Mucormycosis  ńamet́ko̠ rogiko̠ moṅj cikit́sa ńam lạgit́ BSMMU Cokhu Biggan bibhag, Comionity Ofthalmolgy bibhag, Mũ lutur nạnḍri bibhag , Vairology bibhag , (ICU) bibhag selety  thoṛa Medical Board goṭhon hoy akana. Okoe̠ Bisesoggo no̠a Fangas rog re̠aḱ cikit́sa se̠ba emako̠ uni do̠ sanam hoṛko̠ je̠mon jaha le̠kan gujob se̠ bhul kho̠bo̠r bako̠ luturaḱ nonkanaḱ uskur kathae ematkoa.

Note̠ sunibar upacharjo acaḱ kạmi ṭhại re̠ BSMMU Deen ko̠ são  sobha re̠i jarwaena. Uni do̠ bạṛtikaete̠ ko̠ro̠na ńamet́ko̠ rogi soṅge̠ soṅge̠ Non Covit rogi se̠ okoe do̠ baṅ ńam akade, cikit́sa se̠ba jạruṛ, nonkanko̠ hõ cikit́sa se̠ba hatao kạgit́ ạḍi kajaḱe udgạuket́koa.

EID tayo̠m kho̠naḱge disom reaḱ jo̠to̠ jilạ ko̠ re̠ ko̠ro̠na rog ḍher calaḱkana. Nit hạbićte̠ rog námakan 40 percent kho̠n hõ bạṛti hoyakante̠ chapainawabgonj re̠ mit́ hapta lockdown emhoyakana. Ar hõ pe̠ (3) jilạ do̠ tạṅkhi re̠ me̠naḱa. O̠nako̠ jilạ re̠ hõ rog ḍherlen khan lockdown lạgit́ cintạ bhabna menaḱa. Ona jilạ do̠ Rajshahi, Khulna ar Satkhira. Sastho odhidoptor re̠n maraṅ aḱyurić oddhapok Dr. Abul Basar Mohamod Khursid Alom doe̠ lai jạhirakada, noa poristhiti ńe̠l oromkate̠ Satkhira, Rajshahi ar Kulna re̠ lockdown hoe̠ daṛeaḱa.

Sarkar no̠a re̠aḱ goṭawaḱ katha nitoḱ hõ bae emakatkoa. Dr.Abdul Basar do̠e menke̠da, Chapainawabgonj jokho̠nge̠ ko̠ro̠na ḍher se̠ bạṛtiyena unre̠ge lockdown ko̠ emke̠da. O̠nd̠e do̠ amdaj 40 kho̠n 50 percent rog ḍheren tayom lockdown em hoyakana. No̠a aḍepase jilạko̠ rẹ̠ hõ rog ạsḍi ãṭ ḍher calaḱkana, jemon- Satkhira, Kusṭhia, Rajshahi ar Khulna jilạ. Inḍian Verient ńamakan nonkan ko̠ 8 hor menaḱkoa chapainawabgonj re̠n, odhhapok khursid Alom do̠e   me̠nakada.noko̠ jo̠to̠ hoṛaḱ ge̠ Varot daṛan reaḱ record do̠ menaḱa.

Nit́ hạbić sanamko napae menaḱkoa. Menkhan rog arhõ ḍher idilen khan lockdown hoy daṛeaḱa. Noa pe̠a jilạ ko̠ modre̠ Rajshahire̠ dinạmge̠ ko̠ro̠na rogi bạṛtiko̠ ńamoḱkana. Lukhibar rogiko̠ ńamakana 52.5 percent. Sokolbar tarasiṅ okte̠re̠ Rajshahi bibhag sastho doptor re̠aḱ mit́ protibedon re̠ baḍae oco akana, Lukhibar Rajshahi jilạ re̠ 114 ko̠ro̠na rogiko̠ ńamakana. Rajshahi medical collage (Ramek) ar Ramek haspatal, PCR Lab jilạ re̠n bar sae gel eyae (217) hoṛaḱ nạmuna ńel hoylena. Calaoen pe̠ (3) din reaḱ nạmuna porikha kate̠ ńe̠lena, calaoen moṅgolbar Rajshahi jilạ re̠ ko̠ro̠na rogiko̠ ńamakana 21.7 percent. Ar o̠na do̠ budhbar bar (2) doboṛ ḍherena (42) percent. O̠na kho̠n hõ lukhibar do̠ ge̠l (10) percent kho̠n ḍherkate̠ 52.5 percent re̠ paṛaoena.

Bibhag sastho doptoraḱ  protibedon re̠ baḍae oco akana, calaoen 24 gho̠nṭa Rajshahi bibhag re̠aḱ 8 jilạ re̠ 276 hoṛaḱ hoṛmore̠ ko̠ro̠na ńamakana. Noko̠ mo̠dre̠ Rajshahi re̠n 114 hoṛ, chapainawabgonj re̠n 39 hoṛ, Naouga re̠n 26, Nator re̠n 44, Joypurhat re̠n 18 hoṛ, Buguṛạ re̠n 17 hoṛ, sirajgońj 7 ar Pabna re̠n 11 manwako̠. Rajshahi re̠ ko̠ro̠na rog te̠ harkhe̠t ar saset kate̠t́ 10 hoṛ ko̠ goćena.Haspatal cạcaclauić  Dr. Sayfhul Ferdos lại ke̠da  lukhibar kho̠n sokolbar tarasiṅ hạbić 24 gho̠nṭa re̠ haspatal reaḱ ko̠ro̠na ward ar ko̠ro̠na ICU re̠ge̠ ko̠ goćakana.

Uni doe̠ baḍae oco akana , calaoen 24 gho̠nṭre̠ gel (10) hoṛko̠ goćakan onko modre̠ mõṛe (5) hoṛaḱ ge̠ ko̠ro̠na positive ńamakantakoa. Porikha lahare̠ge̠ cikit́sa okterege̠ onko̠ ko̠ goćakana. Noko do̠ chapainawabgonj re̠n mõṛe (5) hoṛ. Rajshahi re̠n pe̠ (3) hoṛ, Nator re̠n mit (1) hoṛ ar kusṭia re̠n mit (1) hoṛ. Rajshahi jilạ prosasok Abdul Jolil doe̠ me̠nke̠da ko̠ro̠na khạtir aema galmarao calaḱkana. Menkhan lockdown nitoḱ do̠ baṅ emakana. EID por kho̠naḱge̠ arhõ ko̠ro̠na ḍher akana.

EID karo̠naḱte̠ sarkaraḱ ạnko̠ baṅ manao kate̠ bajar ar oṛaḱ calaḱ gho̠ṭna por rog são gujuḱ soṅkha bạṛti akana. Varot diso̠m kho̠n hećakan ae̠ma hoṛaḱ hoṛmore̠ hõ ko̠ro̠na positive ńamakana. No̠te mãhãmạri ko̠ro̠na viruste̠ disomre̠ calaoen 24 gho̠nṭa re  arhõ pe̠ ge̠l mit (31) hoṛko̠ goćena. Moṭ 12 hajar 511 hoṛ do̠ ko̠ goć jarwaena. Nãwãte̠ arhõ 24 gho̠nṭa re̠ 1 hajar 358 hoṛaḱ hoṛmore̠ ko̠ro̠na positive ńamena. nit́ hạbićte̠ diso̠mre̠ ko̠ro̠na ńamakat́ko̠ hoṛaḱ soṅkha hoyoḱkana 7 kạruṛ 96 hajar 343.  Sokolbar (28) may ạyuṕ be̠la kho̠bor baḍae oco hoy akana. O̠na kate̠ hõ 24 gho̠nṭa re̠ ko̠ sustho akan 1 hajar 64 hoṛ. Moṭre̠ 7 kạruṛ 36 hajar 211 manwa ko̠ sustho akana. No̠a din mo̠ṭre̠ ko̠ro̠na porikha hoy kana 14 hajar 606 manwako . Ar noa lahare̠ lukhibar (27) may disomre̠ ko̠ro̠na khạtir  bar ge̠l bar(22) manwako goćena, ar  rog ńamakana 1 hajar 292  manwakoaḱ hoṛmore̠.