Tis coṅ ackage bon gujuḱ aboge babon baḍaea. Noa do eken sisirjạić babae baḍaetabona. Sạrige teheń sereń puthi reaṅ mit́ṭen sereń disạ dohṛa ocoet́bon kana,

Manwa jion do

dare umul leka paromoḱ kan

Babon baḍaea oka hiloḱ

Ackatege coṅ calaḱ  hoyoḱ…

Sạrige manwa jion do nonkakangea. Enḍekhan bạṛtikaete abo sanamkoaḱ jạruṛkana, gujuḱ lạgit́ jao ghuṛi saṕṛao akae tahẽn. Ente sapṛaoko tahẽnkan mit́ke mit́ hoṛ ạḍi alagatege sisirjạuić babawaḱ hoborreko sen daṛeaḱa. Gujuḱ lạgit́ sapṛao akae tahẽn reaḱ manetet́ do nonka kana,

Pạhilaḱ: jao ghuṛige kại metaḱme bạṛićaḱ kạmiko khonaḱ sạṅgińre tahẽn, sonotte jion jingi khemao.

Dosaraḱ: Reṅgeć nacar hoṛko goṛowako.

Kại khonaḱ sạṅgińre tahẽn lạgit́ cet́ cet́ upại menaḱ akada?

Noa lạgit́ Jisu Mạsiaḱ hukum batao, jotowaḱre babawaḱ sana se khojogoḱa manao ganao jaruṛ kana. Menkhan eken kại khonaḱ sạṅgińre tahẽnte serma jionte o̠ho̠bo bo̠lo̠ daṛekea. Onka leka daya-mãyãwaḱ ko hõ kạmi hoyoḱa. Jisui menakada, Okoe do  reṅgeć nacar hoṛko jomaḱe emaeko, tetaṅre daḱe emae, rogikoe jogao jotonet́ko kan, ho̠ro̠ḱ bandenaḱ bạnuḱkan hoṛkoe danako kan, dukoḱ kan hoṛko jiwi rareće emako kan, nonkankoge serma jionko hameṭjoṅa. Menkhan tinạḱ do nonkanaḱ baṅko kạmikan onko sanamko norok seṅgelreko khadle ocoḱa.

Ona iạte dulạṛiạ kiristan boeha ar miserako delabon sisirjạuić babawaḱ hukum bataorebo tahẽna. Ar uniye uduḱ akat́bo horre jaejug bhorrbon taṛam idia. Jemon babawaḱ hoborre abo mit́ke mit́ hoṛbo seṭer daṛeaḱ.  

Rajshahi reaḱ Godagari upạjilạ, Mohonpur union reaḱ Babudang manḍer re Hola (13 March) Sokolbar Tabitha Foundation aḱ goṛote Kohle Outreach Program seć khon Babudang manḍerre Udgạu Meeting baobot maejiukoaḱ jarwaḱ hoe purauena.

Noa meeting reaḱ gapalmarao bisoe do tahẽkana, 1.Kristan gharońj re mãejiuaḱ dạyik kạmi horako. 2.Ńũ bubulaḱ (nesha) reaḱ bebohar ar bạṛićaḱ ko. 3.Niropon hoṛmo ar gidrạ umerre baṅ baplaḱ reaḱ cehaona; 4. Jisu lạgit́ gidrạko hara rakabko. Noa udgạu metting re selet́ko tahẽkan Kohle Outreach Program ren kạmiạko, mn.Rev.Rajen Soren, mn. Subash Baskey, mãejiu porcarika mn.Basonti Mardi, mn. Rumali Hasda. Noa udgạu meettingre amdaj 30 gel cetan maejiuko selet́lena. Noa meteting  ạyurreye tahekana mn. Basonti Mardi.

Mit́ṭen bir-gajaṛre siṅgho̠ Rajaḱ ạn kạnun ekal ḍher idiḱkan tahẽkana. Eṭaḱ janwarko beste sãhẽt́ hõ baṅko daṛeaḱa. Ona iạte mit́ṭen Gadha do̠ bir-gajaṛ khonaḱ calaḱa mentey hudis ganḍonena. Bir-gajaṛ deakate aḍepase jahan sarjạmin sene senjoṅa. Nonkan bo̠to̠rre tahẽ baṅkate hoṛkoaḱ kạmikaḱge bogea. Kạmi ńutumte jomaḱko emlen khange hoyoḱa. Enḍekhan reṅgeć tetaṅte haronoḱ baṅ hoekoḱa honaṅ. Cet́keka hudis-bhabna ṭhik kạm kaj hõ onka lekage. Mit́ gaḍa ḍhip ḍhipte taṛam taṛamte ạdepase sene senjoṅkan tahẽkana. Gadha do Taṛam taṛamte ene aḍepase sarjạmin sene seṭerena. Khan ackagey tạṅkhiket́ma siṅgho̠ aḱ harta ńurhạ akana. Paseć jahan sikạriạ tạnićko ńurhạ akada.

Noa ńelte Gadha ạḍitet́e kusiyena. Adoe hudiskeda nõḱõe sisirjạuic iń sene beṅget́ akat́a. Nit noa bir-gajaṛ khonaḱ ar celege baṅko laga daṛekeńa ar birren Raj lekań tahẽna. Ado̠ aḍepase sarjạmin re asrae hatao do̠e hiṛińket́a. Enḍekhan siṅgho̠ aḱ harta ho̠ṛmo̠rey hurạṛana ar janwarkoren Raj mente bhạbit́e ehoṕena. Uni ńelte birren eṭaḱ jib-janwarko ạḍitet́ bo̠to̠r caṛhaoat́koa. Ar uni Gadha ạḍitet́e kusiḱ kana. Sạrige birren Raj mentey ńumogo̠ḱ kan tahẽkana.

Tinre rạskạte khulạsate jahanaḱ memene goṭakeda, unre ekal Gadha lekagey raḱket́a. Ado̠ un jokhen ona aṛete mit́ṭen Toyo paromoḱ kan tahẽkana. Khan uni Toyo hõ dhomkaokedea. Menkhan Toyo bin bo̠to̠rte landawate metadea, E gate amaḱ aṛaṅtege oromket́mea. Baṅkhan sạrigeń dạṛ pharakkea.

Sikhạuna: Ho̠ro̠ḱ-bandenaḱ jãhãeaḱ khạṭi se aso̠l oprom do̠ baṅ kana.

Meskoć

Mit́ṭen pạṭhuạ gidrạ kelasre paṛhaoḱ bae daṛeaḱkante ekal ạnḍoṅ se ḍhẽsket́a.

Mahasoe: Hola okaṭaḱ paṛhaoiń emawat́me, cedaḱ bam paṛhao akana?

Gidrạ: Mahasoe, paṛhaoḱ duṛuṕen torage bijli bạti (current) hõe dạṛket́a.

Mahasoe: Ado̠ goṭa ńindạ bhor current do cet́ baṅ hećlena! Se hećlengea?

Gidrạ: He̠ćlengea Mahasoe, adha ghonṭa bhitrire he̠ćlena.

Mahasoe: Enḍekhan un jokhen cedaḱ bam paṛhaolena?

Gidrạ: E Mahasoe, paseć bijli bạti arhõe dạṛ ona bo̠to̠rte paṛhaoḱ ma bacoṅ duṛuṕlen!

Secondary School Certificate (SSC) form purun okto do ḍherena. Nawa ḍhạrwạḱ lekate, Sombar (09 May) khonaḱ 16 May dhạbić pạṭhuạ gidrạ form ko purun daṛeaḱa mente baḍae ńamena.

Aṭhwar hiloḱ (08 May) ńindạ Dhaka sikhnạt board khonaḱ mit́ ḍhạrwạk talate lại sodorena. Ar noa ḍhạrwạḱ rey suhi akat́a board ren bidạu ńel jut metaḱme ḍanṭaoić Professor S M Amirul Islam.

Ḍhạrwạḱre arhõ menena, form purun do teheń (09 May) khonaḱ 16 May dhạbić calao idiḱa. Ar onka leka Online hotete 17 May bhitrite fee emoḱ hoyoḱa.

Teheń (8 May) Robibar mit́ṭen bises mãhã kana, metaḱme gogo mãhã. Jao serma May cando reaḱ dosar Robibar do gogo mãhã mente manao hujuḱ kana. Gogo mãhã reaḱ jostet́ do noa kangea je, gogo manao-ganaoe. Ente Gogo doe toa dare kana. Gogo hotete abo noa dhạrti puribo ńel ńam akada. Ona iạte abo sanamkoaḱ jạruṛ kana jao ghuṛige gogo são man-manot salaḱ roṛ hoyoḱtabona. Gogo dulạṛ do sạrige ạḍi sorosgea. Onka leka gogo hoho hõ ạḍi heṛemgea.

Noa dhạrtire gogo lekan okoege bạnuḱkoa. Menkhan gogo dulạṛ reaṅ jãhãn bises din reaḱ hõ jạruṛ bạnuḱanaṅ. Enrehõ teheńaḱ noa niṭ akan dinre gidrạko aema lekate akoren gogoko kusi ar rạskạ ocoko kurumuṭuia.Gogo se toa dare ạḍi haron ar duk talate abo mimit́ ko kạṭić khonaḱko hara buruket́bona. Ạḍi jogao ar jotonate, heo hoborate ko hara akat́bona. Onako gogoaḱ duk alobo hiṛińma. Gogo dulạṛre mimit́ko jamaṛ akaebo tahẽnma.

Gogo lạgit́ din niạ etohoṕ reaḱ itihas:

Ạḍi sedae re Greek disom  re niạ gogo lạgit́ din do pạhil mano̠t ehoṕlena. Ona disom re jao fạlgun cando reaḱ mit́ din do ako ren Boṅga koren eṅat Riaokoe do Kronas ren oṛaḱ hoṛe tahekan uni lạgit́ niạ din ko manotet́ kantahena. Menkhan joto hoṛko mit́ são niạ gogo lạgit́ din manot reaḱ hudis do bohoḱ re heć ạdi tahena America ren sãota kạmi gogoṛoić Julia Wards. America reaḱ Ohaiya reaḱ talare mit́ Webstarjoṅson tahelena; niạ aḍe paseren mit́ hoṛ Ann maryrivs Javi suniaḱ goṭa jionge katao akada orphan se ṭuạr gidra ko talare. Mary Ann Rivs Jarvis goć tayo̠m aćren hopon era  Anna Jarvis do ać gogo lạgit́ jahanaḱ cekaye menet́ tahena; Okoe gogo hoṛaḱ bhạlại lạgit́ mit́ jaega kho̠n ar mit́ jaegai daṛawakat́ uni lạgit́ mit́ manot emae reaṅe hudis keda, Ann Mary ren hopon era diso̠m ren jo̠to̠ gogoko lạgit́ mit́ manot em reaṅ porcare calao idiket́a. Aćaḱ niạ kurumuṭute eae 07 serma tayo̠m America ren sokar gogo lạgit́ mit́ din manot sarkar khone ghosona keda.

Thoṛa bon khondroṅ joṅ lekhan 1905 serma Ann Mary Jarvis as join reaḱ taṛam do ehoṕena; ać gogoaḱ gujuḱ tayom hopon erat disomren ko joto gogo ko disạ ko lạgit́ sarkar ṭhen mit́ din chuṭiye koe keda Anna Jarvis aḱ niạ kathare aema  American  congress mit́ mot ko hetaoada. Ar niạ reaḱ ge aema lasaṛhet́ te 1908 serma May cando reaḱ 10 tạrik pạhilre Virginia, Florida, Wokalhama ar Pensilvia re Gogo lạgit́ mit́ din ko manao keda. 1910 serma khon America reaḱ joto ṭoṭha re niạ din sorakar chuṭiye emkeda. Onko do May cando reaḱ 10 tạrik sanam America ren sorkar chuṭiye emkeda. American congress 1913 serma reaṅ may 10 tạrik do sarkar ać aḱ dosom reaḱ gota ṭoṭha re pasnao keda je gogo lạgit din kana mente teheń.

Enạ tayom May cando  reaḱ pạhil robbar ko goṭakeda niạ din. America ńelńel te ona ạḍepase reaḱ disomko ho niạ din manot ko ehoṕena. Menkhan thoṛa disom kore do niạ din reaṅ her pher ńelena; jemon Norway re do may cando reaḱ dosar robbarko manota gogo lạgit́ din do. Argentina re do may cando reaḱ dosar robbar, Dạkhin Africa re do may cando reaḱ pạhil robbar, France ar Sweden re do May cando reaḱ mucạt́ robibar. Japan, Bangladesh re gogo lạgit́ din ko manota May cando reaḱ dosar robbar.

_{Mit́ atore mit́ṭen soros hoṛe tahẽkana uniaḱ ńutum do ‘Sona’. Uni do ạḍi rạskạ ar jhũk monan hoṛe tahẽkana, ar uni do ạḍi bes kathako, cạl-colon ar roṛ landa sanam lekanakkote ạḍi aema gunkote pereć akan hoṛ doe tahẽkana. Ado paseć uni do adom hoṛ lagit do cet́ hõ baṅ kanae, ar mit bar hoṛko do paseć bako kusiwaya. Abo sanam ko dobon baḍaea je, Dhạrtiren ạḍi manotan hoṛ doko men akada; “am do jãhãtinạḱ mońj hoṛ kanem ar mońj dom kamiet́kan joto hoṛ do mońj bako metama”. Ado uni ‘Sona’ ińaḱ mẽt́ redo uni do ạḍi bhạgạn ar bes hoṛ kanae cedaḱ se uni do okoeaḱ duk hõ bae ńel sahao daṛeaḱa, aćaḱ mẽt́ko mẽt́ daḱte lohotok rehó jiwirago tae rehõ ać dulaṛan hoṛko doe dulaṛkoa. Ar unkoaḱ bhage, rạskạ lạgit́ do jotoe sahaoa. Ado uni do aṛisoḱ rehõ duke ńam rehõe dukukte bae mena ińdoń laṅgaena, ińdo bạń daṛeaḱ kana.}

_{Ado aćhõ mońj bae tahẽnrehõ uskor katha doe emakoa, ma lahaḱpe, in do menańa. Joto kạmipe alope botoroka, dhạrti do ạḍi dukaḱ kana, alope theroḱa, Ado ona ańjomte mon re ạḍi rạskạń bujhạua, adoń cintạḱa disomre nithõ nonkan mońj hoṛ menaḱkoa, okoe do ać lạgit́ do baṅ, aćaḱ mẽt́ daḱ ać lạgit́ do baṅ aćren dulạṛiạ hoṛko lạgit́ doe joroeda.}

_{Isor baba uni do ạḍi ãṭe goṛo are bhoraema jug cetan jug. Oka lạgit́ mon hudis goṭa kateće lahaḱ kan jemon ona ṭhạ̃ire seṭerte hõye seṭerok;}

• _{Thir-reaḱ jo do Koejoṅ kana}
• _{Koejoṅ-reaḱ jo do pạtiạu kana}
• _{Pạtiạu reaḱ jo do dulạṛ kana}
• _{Dulạṛ reaḱ jo do goṛo kana}
• _{Goṛo reaḱ jo do Jiwi jomaḱ}

_{Noa hopon olaḱ Taram Ḍahar khon abo sanamko lạgit́ cecetaḱ do noage je; delabon bhage kamire jemon bon tahẽn ar dhạrtiren manwako lạgit́ bhageaḱ bon kạmia.} 

_{Abo do jãhãtis bon ganḍona je, Abo bhạlại lạgit́ jãhãnaḱbon korao akada?}

_{Jãhãe hoṛ goṛoae lạgit́ ti bon tiạr akada se baṅ.}

_{Ekenbo roṛa hạni bae bhagea nui bae bhagea nui bae mońja!}

_{Okoe do bako mońj onko ko boge ko lạgit́ cet́ thoṛagan bon kurumuṭu akada?}

_{Abo do tis hõ noa baṅbon hudisoḱa! Hudislen khan gãota do ar hõ ạḍi mońj ar lahantikoḱa.}

                                                                                                                                                                    _-S.M

Noa do daḱ reaḱ eneć kana. Mõṛẽ serma khon cetan ar gel serma khon latar umer ren gidrạko, koṛa kuṛi jotoge noa enećreko selet́ daṛeaḱa. Tinạḱge gidrạko do ḍherko tahena unạḱge eneć do jomkaoḱa.

ENEĆ:-Umoḱ oktere gidrạko mit́ ṭhen daḱ reko tudrạu koḱa, ado apan ạpin kạṭuṕte daḱko ṭheba. Jãhãege, gạṛại hakoko phed leka, onko modre jãhãege chob marteye saḍe ocoe uni doye rajayena, onka onkate sanamko raja cabaḱa.

Ar okoe gidrạ mucạt́ hạbić tehõ bae saḍe oco daṛeaḱa uni doye kombṛoyenge. Ado rajawakan gidrạ kodo “Hillu hillu hillu” hohowate cahe unum kate, cahe paera kate am ińko dạṛa.

Kombṛowakan gidrạ do onko joṭet́ lạgit́e khudạu baṛakoa. Jãhãegeye joṭet́ daṛeae uni geye kombṛoḱa. Ado kombṛo khone rajayen gidrạ pạri, “Hillu hillu hillu” hohowateye dạṛa. Eneć do nonkage calao idiḱa, gidrạ ạuriko ạṛisoḱ hạbić.

Okayenam baba sirjon mạlik

Dhạrtire ko̠ro̠na virus hećakana,

Dayawalem baba mãyãwalem

Korona khon baba de bańcaolem.

Ko̠ro̠na virus halaṅme, samṭaome

Dorẽore giḍime,

Danaleme baba nawa dhạrti.

Daraekan 19 June, 2022 kho̠n e̠ho̠bok̕a ne̠s reak̕ Secondary School Certificate (SSC) biḍạu ar mucạdok̕a 6 July, 2022. Ona iạte biḍạu reaṅ somoysuci so̠do̠rkeda Anto:Sikha board.  Hola Budhbar Dhaka sikhnạt board ren bidạu ńel jujutić Professor S M Amirul Islam aḱ suhiat́ somoysuci so̠do̠rena.

Jao hiloḱge 10 baja khon biḍạu ehoṕa ar 12 baja do̠ mucạdoḱa.