Mit́ṭen Gadha Ar Toyo

Mit́ṭen cas bạṛi tahẽkana. Onare mit́ṭen gadhae tahẽkana. Mit́din mạlik do aćren gadha bạihạṛ khetko khone ạtiń ạguia mente aṛaḱkedea. Ado ạtiń sen kateć mit́ṭen toyo sãoe gateyena. Khange uni toyo do gadhae metadea, dela hana sạṅgiń sećlaṅ calaḱa onḍe do ạḍi utạr jomaḱ menaḱa.

Onka menkate onkin do taṛamkin lagaoena. Ado taṛam taṛamte mit́ okte gadha do aćren gate toyoe metaekana “ạḍi ãṭ sereń sanaedińa.” Ado toyo phasar phusur luturre bahkẽṛadea, “am dom paglagea se cet́? Sereńte khet mạlik beret́em menjoṅ kana!”

Menkhan gadha do toyowaḱ oka kathage bae hetaoada. Aćaḱ kusi sana lekage sereńe dhurạuena. Uniaḱ sereńte toyo do onḍe khon lahare botorte dạṛ pharakkeda. Khange sereń ańjomte khet mạlike beret́ena ar raṅgaote gadha kajake dalkedea.

Sikhạuna: Joto okte apnar sana leka baṅ kạmige bogea.