Solomone goćen khan, Isrạyel hopon jarwakate uniren hopon Rehabeamko metadea Ạpumaḱ ãṛãṛ do ạḍi hamal tahẽkana; am do ona baṛe rawalkataleme, khange ona am ṭhenle khaṭaoḱa. Rehabeam do pạhil apattet́ren sosolhako tahẽkan murubiko tuluće solhaket́te onkoko metadea, Teheń disom hoṛ reaḱ katham ańjomletako khan, jivet́ janamgele bataotama.

Onakate Rehabeam ać tulućko hara akan koṛa kuliket́kote onkoaḱ solha leka disom hoṛe roṛ ruạṛat́koa, Ińaḱ sić kạṭuṕ do ạpuńaḱ ḍanḍa khonge moṭawa, ạpuń reaḱ ãṛãṛ hamalge tahẽkana, menkhan ińaḱ do artet́ hamal hoyoḱa, ạpuń do cạmukteye sạjạiet́pe tahẽkana, menkhan iń do kidiń kaṭkomkotegeń sạjạipea. Onkae roṛ ruạṛat́kote disom hoṛ ạḍiko raṅgaoena, ar 10 khũṭrenko do Jeroboam raje lạgit́ko bachaokedea, eken Jihudạ ar Benjamin khũṭrenko Rehabeam ṭhenko tahẽ jamaṛena. Dạvid ńutumte. Samaria do 10 khũṭrenko reaḱ, metaḱme Isrạyel reaḱ raj naṅgraha hoyena, ar Jirusalem do 2 khũṭrenko reaḱ, metaḱme Jihudạ raj reaḱ raj-naṅgraha tahẽyena. (1 Raj.12, 1-24).

Mit́din mit́ṭen karbạri sadomre dećkate mit́ nagraha khon eṭaḱ nagrahate calaḱkan tahẽkana. Calaḱ horre ḍạku tire paṛaoena.

Ado ḍạkui metadea, “am ṭhen tinạḱ menaḱ jotowaḱ emạńme.”

Karbạri doe menkeda, “ṭhikgea, iń ṭhen tinạḱ menaḱ sanamaḱiń emama menkhan ińaḱ mit́ṭen katha ańjom hoyoḱtama.”

Khange ḍạku do ona katha baḍae sanakedea. Iń sãote dạṛtem daṛeaḱ khan enḍekhan jotowaḱiń emama Karbạri do ḍạku noa kathae metadea.

Ona kathate ḍạku doe rạjiyena. Are menkeda, dela enḍekhanlaṅ ehoṕlege.

“Noa menkate karbạri do sadomre dećente ạḍi sạṅgińre ḍạkui dạṛ bạgiadea. Nunạḱ sạṅgińe dạṛkeda je ḍạku do ar bae saṕ daṛeadea. Nonkate karbạri do ḍạku ti khone rukhiạyena.

Goṭa disạmre nit dhạbićte bar karoṛ gidrạ ham-rubella ṭikạko ńamkeda mente Sastho Protimontri Dr.Mohammad Abdul Muhit doe baḍae ocokeda. Uni doe menkeda mit́ṭen gidrạ hõ jemon noa ṭikạ khon aloko bad paṛaoḱ, ona lạgit́te darakan mit́ candore arhõ 35 lakh gidrạ ṭikạ emako reaḱ goṭa hoyena.

Budhbar (7 October) ham-rubella ṭikạ emoḱ kạmihora babot hoyen bạisire noa kathae menkeda.

Sastho Protimontri doe menkeda, sanam gidrạ rukhiạko aboaḱ maraṅ dạyik ar pạhil kạmi kana. Bar karoṛ gidrạ ṭikạko ńam purạuket́ rehõ sarkar do bae thir hapelena. Arhõ ṭikạ emako reaḱ kạmihorae hataokeda jemon mit́ṭen gidrạ hõ ṭikạ khon aloko bad paṛaoḱ. Ona iạte  niạ dhao reaḱ kạmihora do ‘Mop-up Campaign’ lekate hatao hoyena.

Noa kạmihora talate sor sạṅgiń ṭoṭhare tahẽnkan gidrạ, leḍha, khoṛako okoe do laha reaḱ ṭikạ bako ńamakat́ onkanko sendra ńamko hoyoḱa ar oṛaḱ oṛaḱ noa seba kạmi seṭer reaḱ kurumuṭui hoyoḱa.

Ṭikạ emoḱ kạmihorare jopoṛao akan ar goṛo emoḱkanko sarhao emkate menkeda, jotokoaḱ goṛo gopoṛo baṅ tahẽlen khan noa kạmihora do ohoge purạukoḱa. Bạṛtikaete Juktorastro sarkar, Gavi ar UNICEF goṛoko emoḱ kana. Ona sãote hoṛmo jotonren kạmiạko, City Corporation ar jopoṛao akan jotoge ạḍi haron kate sendra ńamkate ṭikạ tabere gidrạko ạguiet́koa.

Tumạl: Jugantor

Rasṭropoti Mirza Fakhrul Islam Alamgir do disạmren sanam ạdibạsi hoṛkoaḱ lahanti, hok ạidạri nisṭạ lạgit́ mit́te kạmi reaḱe hohokeda.

Sombar (5 October) tikin bela okte Boṅgobhobon re ạdibạsi jatiotabadi dolren kendrio komiṭiren sabha mukhiạ Mrigen Hagidak aḱ ạyurte 52 goṭen protinidhiko sãote ńapamoḱre noa kathae roṛkeda.

Rasṭropoti doe menkeda, buru ṭoṭha ar bilạn ṭạnḍiren ạdibạsi hoṛaḱ muskilaḱko cabae lạgit́ sarkare kạmi kana. Menkhan apnaraḱ ạidạri ar lahanti lạgit́ ạdibạsi hoṛ arhõ uskur ar udjogi hoyoḱ jạruṛa ar sanamko miljulte tahẽn ar goṛo gopoṛo bạṛti hoyoḱa.

Ona sãote ạdibạsi hoṛkoaḱ muskilaḱ ar sambhabna baḍae kate prokolpo ar kạmihorako hatao reaḱ kathakoe roṛ sodorkeda. Arhõe menkeda ape mit́ jaṅgape laha lekhan iń hõ bar jaṅgań lahaḱa.

Ạdibạsi hoṛkoaḱ jumiko reaḱ muskil babote menkeda, apnaraḱ ạidạri rukhiạ lạgit́ sanamko sontor ar midoḱ jạruṛa. Sthanio Prosason sãote jopoṛao dohokate muskilaḱko cabae reaḱ kurumuṭui hoyoḱa.

Bạṛikaete Rasṭropoti do ạdibạsi gidrạ-juạnkoaḱ sikhnạt hameṭ reaḱ ạt opsor cetanre jore emkeda.

Tumạl: Jamuna TV

Bangladesh Porisonkhan Bureau (BBS) renaḱ bises sarkari lekha jokha kạmihora ehoṕena. Baṅgladisomren ạdibạsi hoṛkoaḱ jion jingi, sikhnạt, hoṛmo hạṭiń, kạuḍi dosa ar reṅgeć nacar citạr baḍaejoṅ bakhra pạhil October khon goṭa disạmre sarkari lekha jokha kạmihora ehoṕ akana.

Ạdibạsikoaḱ reṅgeć dosa lekha jokha 2025 prokolpo reaḱ tabere ato ṭolare totho jogaṛ kạmi do 25 October 2026 dhạbić calao idiḱa. BBS khon baḍae ńamakana je noa lekha jokha talate disạmren menaḱko 50 gel ạdibạsi hoṛkoaḱ jion jingi dosa reaḱ totho tumạl hoyoḱa. Niạ lahare August mãhãre ato ṭolakore purạ lekha jokha do khaṭo macha kukli talate noa kạmi do purạu akana. Noa kạmihora reaḱ rehet́tet́ do hoyoḱ kana Baṅgladisạmre tahẽnkan ạdibạsiko lạgit́ pạhil dhao leka mit́ṭen begar ar purạu digital database benao.

Porikolpona Montronaloe ar BBS ren maraṅ kạmiạkoaḱ khobor lekate noa lekha jokha talate nase lokho tumạl hoyoḱa.

1. Ạdibạsi hoṛkoaḱ reṅgeć nacar dosa, hoṛmo pusṭi, jom ńũ, sikhnạt ar kạmi ṭhãonako reaḱ sạriaḱ citạr saṕ rakaṕ
2. Lab ńam hoṛko bachao lạgit́ mit́ṭen Proxy Mins Taste (PMT) score benao rakaṕ.
3. Jurip khon ńamoḱ totho cetanre bhorkate sarkar jemon hoṛkoaḱ jion jingi lahanti lạgit́ aema kạmihora ar sewa kạmiko sạri reṅgeć hoṛko em daṛeako.

Nebetar aema ạkilan hoṛ ar gobesok koaḱ oṅsoṅre noako katha rakaṕ hećakana je, Baṅgladisạmre SDG hameṭjoṅ lạgit́ ạdibạsikoaḱ sạri ar niphuṭ totho reaḱ ṭonṭa tahẽkana.

2022 serma reaḱ lekha jokha lekate disạmre ạdibạsi hoṛkoaḱ soṅkha amdaj 16 lakh 50 hajarko menrehõ ạdibạsi sãotakoaḱ dạbi do noa soṅkha arhõ ḍheroḱa.

Niạ dhao reaḱ lekha jokha lekate noa digdhạ cabaḱa. Ar daraekan dinre sarkari ạn ạri benaore hoṛkoaḱ jopoṛao arhõ bạṛti idiḱa mente as ńamoḱ kana. Onate disạmren sanam ạdibạsi hoṛko ṭhen nehõr tahẽn kana niạ lekha jokha kạmihorare selet́kate sạriaḱ totho bon em, ar noa lekha jokha kạmihora jo baṛe hoyoḱma.