HSC Biḍạu Reaḱ Jo Sodorena

2026 Serma reaḱ HSC ar ona man reaḱ biḍạu jo sodorena. Moṭ pas har 52.12 percent. GPA -5 ko ńamkeda 40 hajar 84 goṭen pạṭhuạ.

Sạnicar (31 October) setaḱ Sikha ar Prathomik ar Gonosikha Montri Anm Ehsanul Hoque Milon biḍạu jo sodor kạmi uḍhạukeda. 2025 serma pas har tahẽkana 58.83. Calaoen serma khon niạ dhao pas har 6.71 percent komena.

11 goṭen sikhnạt board reaḱ tabere HSC ar ona man reaḱ biḍạure 12 lakh 70 hajar 583 goṭen paṭhuạko selet́lena. Ar biḍạu center tahẽkana 2 hajar 697 goṭen. Biḍạureko selet́lena 9 hajar 439 goṭen sikhnạt ṭhãona.

HSC em akat́ pạṭhuạko do sikhnạt board reaḱ website www.educationboardresults.gov.bd  hotete ar sikhnạt ṭhãona reaḱ EIIN nombor tehõ biḍạu jo ko baḍae hatao daṛeaḱa. Inạ chaḍa hõ apan ạpin sikhnạt ṭhãonare sen kateć biḍạu jo ko baḍae hatao daṛeaḱa.

SMS hotete hõ biḍạu jo baḍae ńamoḱa, ona lạgit́ niṭ akan nombor se code 16222 re HSC board ńutum (Pạhil 3 akhor) Roll nombor ar biḍạu serma ol kateć sms kol lekhange message hotete jo baḍae ńamoḱa.