DULẠṚ GATE

Dulạṛiạ dulạṛ gate

Menaetińa ińren

Eken hoṛmo jaoge tahẽn

Monma uni ṭhen.

Jaoge gate ńele lạgit́

Ancanoḱtiń mon

Uihạriạń jaoge uni

Ar uniaḱ mon.

Aṅga tora kạmi lạgit́

Tinre hare phare

Dulạṛińaḱ jạruṛ menaḱ

Disạyạń unre.

Buru jharna daḱ jemon

Jaoge seteńoḱ kan

Gateń lạgit́ dulạṛ onka

Jaoge bhumbukoḱ kan.

Kunạmi ńindạ cando leka

Dulạṛ gate tiń

Jug hạbić dulạṛle rehõ

Dulạṛ baṅge cabaḱtiń.

Rilạ mala serma ipil

Lại ạńako ńindạ okte

Uihạret́ae dulạṛiạtam

Loraoenae koyoḱ horte.

Bagwan baha leka ińren

Gate jeṅget́ jeṅget́

Ńapamoḱ reń koyoḱ hapekae

Baṅ ripidoḱ mẽt́.

Alom hiṛińińạ gate

Dulạṛ meạń jaejug

Jiạṛ dohokam iń lạgit́ge

Amaḱ dulạṛ bhumbuk.