SSC Biḍạu Reaḱ Form Purun Tạrik Jạhirena

Dhaka sikhnạt board reaḱ tabere 2027 serma reaḱ Secondary School Certificate (SSC) biḍạu reaḱ online re form purun ar fee jomae reaḱ okto jạhirena. Sạnicar (17 October) board reaḱ mit́ ḍhạrwạḱ hotete noa khobor ko baḍae ocokeda.

Ḍhạrwạḱre menakana, darakan cando reaḱ 16 November khon ehoṕ kate 23 November dhạbić bilom fee chaḍa online re form ko purun daṛeaḱa. Ar bilom fee selet́ 24 November khon 29 November dhạbić online hotete form purun kạmi calao idiḱa. Bilom fee do 100 ṭaka nenḍa akana ar ona do 30 November bhitrite pạṭhuạko emoḱ hoyoḱtakoa. Pạṭhuạkoaḱ jạruṛoḱ khoborko reaḱ tạlikạ darakan 15 November board reaḱ website re sodoroḱa.

Ḍhạrwạḱ lekate, Biggan bibhạgre moṭ 2 hajar 435 ṭaka, Manobik ar Business/Commerce bibhạgre paṛhaoḱ kan pạṭhuạkoaḱ do 2 hajar 315 ṭaka nenḍa akana.

Board mukhiạ doe baḍae ocokeda, uduḱ akan fee bahre jãhãn bạṛti fee baṅ hataoḱa ar bạṛti fee hatao reaḱ khobor baḍaelen khan jopoṛao akan ṭhãonako birudre ạn lekate bebostha hataoḱa.