Day: October 17, 2026 - The Santals Times

Mit́din mit́ṭen bạḍaian sikṛĩć kule metadea, “joto hoṛ amko botoram rehõ iń do tisge bạń botorama. Amaḱ ḍaṭa ar rama ạḍi lasera enrehõ am do iń são lạṛhạite bam daṛeaḱa. Am khon in doń daṛeangea. Khange kule raṅgaoena are menkeda, ṭhikgea ma tobelaṅ biḍạu legaea okoe tinạḱlaṅ daṛeana.

Onka menkate sikṛĩć do aćaḱ daṛe uduḱ lạgit́ kulaḱ mũre aṕ got́ena. Mũre sikṛĩće aṕen bujhạu ńamkate kul do aćaḱ jaṅgate sabe reaḱe kurumuṭukeda. Menkhan uni baṅ saṕkate aćaḱ mũge raboṛena.

Ado kulaḱ mũ khon mãyãm joro ehoṕena. Kul são lạṛhạite jitạuente sikṛĩć do ạḍi ãṭ gorob are rạskạyena. Rạskate enejoḱe dhurạuena. Eneć enećte bindi ganaḱre jhạliyena, bae disạleda. Jhạlire jhạliyen torage bindi doe jomkedea.

Mitṭen Kul Ar Sikṛĩć