Day: October 11, 2026 - The Santals Times

Solomone goćen khan, Isrạyel hopon jarwakate uniren hopon Rehabeamko metadea Ạpumaḱ ãṛãṛ do ạḍi hamal tahẽkana; am do ona baṛe rawalkataleme, khange ona am ṭhenle khaṭaoḱa. Rehabeam do pạhil apattet́ren sosolhako tahẽkan murubiko tuluće solhaket́te onkoko metadea, Teheń disom hoṛ reaḱ katham ańjomletako khan, jivet́ janamgele bataotama.

Onakate Rehabeam ać tulućko hara akan koṛa kuliket́kote onkoaḱ solha leka disom hoṛe roṛ ruạṛat́koa, Ińaḱ sić kạṭuṕ do ạpuńaḱ ḍanḍa khonge moṭawa, ạpuń reaḱ ãṛãṛ hamalge tahẽkana, menkhan ińaḱ do artet́ hamal hoyoḱa, ạpuń do cạmukteye sạjạiet́pe tahẽkana, menkhan iń do kidiń kaṭkomkotegeń sạjạipea. Onkae roṛ ruạṛat́kote disom hoṛ ạḍiko raṅgaoena, ar 10 khũṭrenko do Jeroboam raje lạgit́ko bachaokedea, eken Jihudạ ar Benjamin khũṭrenko Rehabeam ṭhenko tahẽ jamaṛena. Dạvid ńutumte. Samaria do 10 khũṭrenko reaḱ, metaḱme Isrạyel reaḱ raj naṅgraha hoyena, ar Jirusalem do 2 khũṭrenko reaḱ, metaḱme Jihudạ raj reaḱ raj-naṅgraha tahẽyena. (1 Raj.12, 1-24).

RAJ HẠṬIŃOḰ KANA