Day: October 6, 2026 - The Santals Times

Rasṭropoti Mirza Fakhrul Islam Alamgir do disạmren sanam ạdibạsi hoṛkoaḱ lahanti, hok ạidạri nisṭạ lạgit́ mit́te kạmi reaḱe hohokeda.

Sombar (5 October) tikin bela okte Boṅgobhobon re ạdibạsi jatiotabadi dolren kendrio komiṭiren sabha mukhiạ Mrigen Hagidak aḱ ạyurte 52 goṭen protinidhiko sãote ńapamoḱre noa kathae roṛkeda.

Rasṭropoti doe menkeda, buru ṭoṭha ar bilạn ṭạnḍiren ạdibạsi hoṛaḱ muskilaḱko cabae lạgit́ sarkare kạmi kana. Menkhan apnaraḱ ạidạri ar lahanti lạgit́ ạdibạsi hoṛ arhõ uskur ar udjogi hoyoḱ jạruṛa ar sanamko miljulte tahẽn ar goṛo gopoṛo bạṛti hoyoḱa.

Ona sãote ạdibạsi hoṛkoaḱ muskilaḱ ar sambhabna baḍae kate prokolpo ar kạmihorako hatao reaḱ kathakoe roṛ sodorkeda. Arhõe menkeda ape mit́ jaṅgape laha lekhan iń hõ bar jaṅgań lahaḱa.

Ạdibạsi hoṛkoaḱ jumiko reaḱ muskil babote menkeda, apnaraḱ ạidạri rukhiạ lạgit́ sanamko sontor ar midoḱ jạruṛa. Sthanio Prosason sãote jopoṛao dohokate muskilaḱko cabae reaḱ kurumuṭui hoyoḱa.

Bạṛikaete Rasṭropoti do ạdibạsi gidrạ-juạnkoaḱ sikhnạt hameṭ reaḱ ạt opsor cetanre jore emkeda.

Tumạl: Jamuna TV

Sanam Ạdibạsi Hoṛkoaḱ Lahanti ar Ạidạri Nisṭạ Tahẽn Jạruṛa: Rasṭropoti