Rajshahi Tanore re NAGR-Peace Building Project Do “Dhạrti Suluk Mãhã” Ko Manaokeda

Calaoen Sombar (22 September) Rajshahi Tanore upạjilạ reaḱ Dorgadanga bajar Shaheen Academy School maṭhre ‘Dhạrti Suluḱ Mãhã-2026’ ko manaokeda. Menonite Central Committee (MCC) aḱ kạuḍi goṛo ar NAGR (National Agency for Green Revolution) aḱ bondoboste suluḱ mãhãko manaokeda.

NAGR ren maraṅ mukhiạ Mn.Stephen Soren aḱ ạyurte manot peṛa lekate seṭere tahẽkana Tanore upạjilạ ren nirbahi officer Naima Khan. Mukhiạ gapalmaraoić lekate seṭere tahẽkana Rajshahi Bissobiddaloy ren Folkore and Social Studies ren Professor Dr. Amirul Islam, bises peṛa lekate seṭerko tahẽkana, MCC ren Country Representative Greg Venderbilt, Suluk ren Co-Ordinatior Bilong Ruga MCCB, PMER Co-Ordinator-Orun Sencuri MCCB, Sikhnạt Co-Ordinator Phoebe Chiring Marak ar MCCB ren Esdai.

Inạ chaḍa hõ bidesi peṛako modre seṭerko tahẽkana Indonesia ren GSLR protinidhi Jesika, ar Ethiopia ren GSLR Gemechu ar Mthbisi.

Aḍepase peṛako modre seṭerko tahẽkana. 1 no kolma union porisod ren panel Chairman Md. Ziaur Rahman, Dorgadanga High School ren mukhiạ Md. Monirul Kabir, Condonkotha High School ren mukhiạ Md.Anowar Hossain, Dorgadanga High School ren Assi:Mahasoe Md.Ziaur Rahman, Dorgadanga bajar committee ren sabha mukhiạ Md.Shamsudin, Shaheen Academy ren ạyurić Nazim Uddin selet́ lekman hoṛko.

Akhṛare manotanko menkeda, suluk do kạṭić katha kana, menkhan noa reaḱ mane do ạḍi gạhirgea. Nij nij jaega khon sanamkoge suluk jạruṛa. Nit dhạrti sećbon koyoḱ lekhan ạḍi bhiṛ se besto ar gạhir dhạrtibon ńel ńama. Onate aboaḱ nij bodol talate suluk galmarao bon ehoṕ daṛeaḱa.

Akhṛare Amnura Lutheran Mission Haspatal ren Medical dol do sạdhin kạmi hisạb lekate sadharon hoṛkoaḱ mãyãm biḍạu reaḱ sebako emkeda. Mucạt́re juạnkoaḱ eneć sereń, rạskạ ar ạri cạliko talate suluk mãhã manao akhṛa cabayena.