Calaḱkan September Candore Rajshahi Ar Chapainawabgonj re Dengue Ruạ Arhõ Ḍherakana

Eṭaḱ jilạko khon noa banar jilạre dengue ruạ ḍher pasnaoḱ kana. September cando pạhil 10 din reaḱ hisạb lekate, Chapainawabgonj jilạ haspatalre dengue ruạre jạbunakan hoṛaḱ soṅkha 1 hajar 16 goṭen paṛaoakana. August cando eken noa jilạre 643 goṭen dengue rugiko ńamakana, oka do Rajshahi bibhạg reaḱ 8 jilạko modre joto khon ḍher.

Aḍepase hoṛaḱ obhijog, jãhãtãhã mạilạ baṅ sapha karonte Aedes sikṛĩć ḍherko hoponoḱ kana.

Rajshahi nagrahare eken bar candote Aedes sikṛĩć arhõko ḍherena. Rajshahi Medical College Haspatalre rugikoaḱ ạḍi bhiṛ. Dinạm din dengue rugiko bhurtiḱ kana. September cando reaḱ talamala khon nit dhạbićte 82 goṭen rugi bhurti menaḱkoa.

Rajshahi City Corporation do sapha sạphi ar Aedes sikṛĩć maraoko lạgit́, ona sãote hoṛko sontor se aodhanko lạgit́ bises kạmihorae hataokeda.

Oṛaḱ aḍepase ṭayar, ḍab cokaḱ se daḱ baṅ jaroa ocoaḱ hoyoḱa. Siń ar ńindạ jạpit́ okte mosari beohar hoyoḱa. Hoṛmore ruạ ńeloḱ khan usạra daktaraḱ solha hatao hoyoḱa ar mãyãm biḍạu hoyoḱa.