Meskoć
Mit́din mit́ṭen Joj ar Asamikin galmaraoḱ kana-
Joj: Am dom baḍaea eṛe katha roṛ lekhan cet́ hoyoḱa?
Asami: Hẽ sir, iń do norok reń calaḱa.
Joj: Ạḍi bhage! Ar sạri katha roṛ lekhan cet́ hoyoḱa?
Asami: Mamlareń hirạuḱa.
Jao serma bạrsạ jạput́ din ar inạ tayom daram dinkore dengue ruạ ḍher pasnaoḱa. Nebetar dinre dengue ruạ thoṛa judạ cinha ńeloḱ kana, oka do ḍher hoṛko bhitrire mit́ lekan digdhại sirjạu akat́. Noa okte sontor tahẽn jạruṛa. Disạ dohoe hoyoḱa, ruạ begorte dengue hõ hoe daṛeaḱa. Onate thoṛa thoṛa ruạ, hoṛmo haso se eṭaḱ cinhạko ńel lenkhan baṅ thirkoḱ hoyoḱa.
Gharońj ar apnar hõ rukhiạ reaḱ upại:
-Sikṛĩć geger khon gharońj ar apnar hõ sontor tahẽn hoyoḱa.
-Oṛaḱ aḍepase daḱ baṅ jarowa ocoaḱ hoyoḱa.
-Jãhãn cinhạ ńel lenkhan Sasthokendro calaḱ hoyoḱa.
-Hoṛmo reaḱ seba hatao lạgit́ jatio sastho seba helpline 16263 nomborte phone hoyoḱa.
Sontor ar aodha tahẽnge jotowaḱ khon rukhiạ daṛeabona. Nonkate apnar hõ sontor tahẽnme ar eṭḱko hõ sontor tahẽnre uskurko hoyoḱa.
Dengue ruạ reaḱ maraṅ cinhạ do kana, ackage ruạ ḍheroḱa (101-104 degree pharenhait), bohoḱ haso, mẽt́ haso, hoṛmo haso, beć beć aṭkaroḱa, hoṛmore araḱ dag se pusri leka ḍaha ḍoho rakaboḱa.
Diṅgu ruạ reaḱ cinhạ do bar hạṭińa. Pạhil cinhạ ar muskilaḱ cinhạko.
Pạhil cinhạko: Bohoḱ has oar mẽt́ haso, hoṛmo sir re haso (noa do mit́ leka Break Bone Fevar ko metaḱ kana) reṅgeć baṅ bujhạuḱa, hoṛmore laṅgage aṭkaroḱa, hoṛmore araḱ dag se pusri leka ḍaha ḍoho rakaboḱa.
Muskilaḱ cinhạko:
Ruạ thirkate mucạt́re noako cinhạ ńeloḱ khan bujhạu hoyoḱa bạṛić dosa seć calaḱ kana. Noa okte usạra ḍaktaraḱ solha hatao jạruṛa: lać haso, ghane ghane sahẽt́ hatao, ti-jaṅa reaṛoḱa.
ạḍi kajak laṅga aṭkaroḱ reaḱ upại:
Selain daḱ ńũi hoyoḱa, thoṛa ruạ se haso lạgit́ Paracetamol ńũi hoyoḱa. Aspirin se Ibuprofen lekan ran jom khon sạṅgińre tahẽn hoyoḱa. Noa do hoṛmore mãyãme ṭonṭa daṛeaḱa. Dengue ruạ biḍạu lạgit́ Rajshahi Medical College Haspatalse apnar aḍepase jãhãn Diagnostic center kore test hoyoḱa.
Okoeṭaḱ ipil phuṭbol khilạḍ dhạrti marsal akat́ tahẽn. Mit́ṭenge ńutum uni do joto hoṛren opromić Brazil ren Neymar.
Dhạrti kap phuṭbol 2026 reaḱ 16 round reko eneć ńapamena Brazil ar Norway. Ona enećre Brazil do 2-1 golte Norway ṭhenko hirạu ocoakana. Onate Brazil do ạḍi duk salaḱ bidạko hataokeda. Eneć mucạt́re Neymar doe menkeda, iń doń kurumuṭukeda, menkhan bạń daṛeada. Ińaḱ taṛam ḍahar do Metlife stadium khon ehoṕ akana ar nonḍe khonge mucạt́ena. Nit do jotowaḱge cabayena.
2010 sermare Neymar do Brazil aḱ jạrsite horoḱ cikhnạlena. Neymar do 80 goṭen gol ar 4 goṭen heṭrik kate Brazil ren ạḍi namḍak khelowaṛ kanae. Uni do 2013 sermare FIFA Confederation kap ar Olympic sona sirpại jitạu akana.
Arhõ Philisṭiko tuluć Isrạyel hoponko reaḱ lạṛhại hoyena. Philisṭiko modre Goliat ńutuman mit́ṭaṅ maraṅ okoć birbão hoṛ do 40 siń palṭon ḍera khon sen lahakate Isrạyel hopone henostayet́ko tahẽkana, onko modre okoe hõ uni tuluć lạṛhại dil baṅ tahẽkantakote. Khange Dạvid palṭon ḍerate hećkate onae baḍae ńamket́te uni tuluć lạṛhạiye khaṛayena. Menkhan Sạul do tạkićkedeteye metadea, Am do bạbu, eken chonḍro hoṛ, ar uni do koṛa khon lạṛhại hitạu hoṛ. Dạvide roṛ ruạṛadea, Mit́din ạpuńren bhiḍi meromkoń gupire, mit́ṭaṅ dhạcrikul ar mit́ṭaṅ bana hećkate mit́ṭeć bhiḍi hoponkin ạtkiredekan tahẽkana; menkhan iń do ńir senkate goćket́kinte bhiḍi hopon iń bańcaokedea. Dhạcri kul ar bana khone bańcaokidiń Probhu, uni do nui Philisṭi hoṛ khon hõe bańcaoińa. Sạule metadea, Ma bạbu, calaḱme, ar Probhuge am tuluće tahena.
Khange Dạvid aćaḱ ṭheṅga ar ginḍuạr ar soḍoḱ khon 5 goṭeć dhiriante Goliat ṭhene sen sorena. Uni doe hoho daramae kana, Baṅ doń seta kante ya, onate ṭheṅgawantem hijuḱ kana? Dạvide roṛ ruạṛadea, Am do tarwaṛe ar borlomante iń upạrtem hijuḱ kana; menkhan iń do phạdkoren Probhu ńutumte am upạrteń calaḱ kana. Khange ginḍuạrre dhiri sajaokate uni birbão hoṛ cạndiregeye capat́ bit́ got́kadea, ar ńir senkate uni Philisṭi hoṛ reaḱ tarwaṛe boćkate bohoḱe bhuṅgrạuket́taea. Onkate Dạvid do goṭa disom palṭon ren maraṅ sordare hoyena, ar tayomte Sạul do hoponerate goṅadea. Ar Sạulren hopon Jonathon do aćaḱ jivi leka Dạvide dulạṛede tahẽkana.(1 Sạmuel 17.)
Lionel Messi aḱ golte Bissokap reaḱ nagamre nawa rekorḍ hoyena. 3-2 golte Argentina ko jitạuena. Bissokap phuṭbol khilạḍre pạhil khelwaṛ lekate bargel-e gol keda Messi. Pea match re goal sãote sãote knockout rehõ Cape Varde birude golkeda. Bissokap reaḱ nagamre nit dhạbićte Messi leka okoege bako gol daṛeakada.
Bargel (20) gol kate Messi do joto khon p̣ạhilre menaea. Eken inạ do baṅ pạhil phuṭbol khelwaṛ lekate mit́ dhaote irạl (8) goṭen match re gol keda. Nonkate Bissokap reaḱ nagamre jaejug lạgit́ Messi aḱ ńutum ol caṛhaoentaea. Hoe daṛeaḱa jãhãtis paseć Messi lekan arhõ jãhãe hećkate onkoaḱ ńutum ol caṛhaoḱa. Menkhan nit do eken Messi aḱ ńutum ol tahẽyena.
Esel kuṛi sasaṅ sạṛi
Bandere ma alak jạ̃ṛi,
Ńeloḱ rema serma rạni
Jhalkaoedae sorog puri.
Juạn kuṛi bapla umer
Seṭeren taea juri duạr,
Pạhil ńapam juri sãote
Ato gãota somaj sãota.
Dạuṛa cetan juri jota
Jog mạńjhiaḱ sonot loṭa,
Ul sakamte chiṭkạu jạṛi
Bande kate sasaṅ sạṛi.
Sasaṅ gedo utui soṛom
jel utu karahire doṛom,
Sasaṅ gedo sanam okte
Nãwã aroe hoṛmo mone.
Sasaṅ roṅma sạgun cinhạ
Sasaṅ cẽṛẽ peṛa piạ,
Sunum sasaṅ ojoḱ orońj
̕Ehoṕedae nãwã gharoń.
Budhbar ạyuṕ 8 baja Sẽṅgẽl Band reaṅ youtube channel re ‘Art Express’ hotete Santali band Seṅgel renaḱ music video ‘Buru Cetan’ sodorena. Santalkoaḱ jạtiạri sereń “Baṅgladisom mońj disom” sereń oloḱ ar joṛaoić Rev.Jona Murmu aḱ sirjạuaḱ “Buru cetan cetante hoete laṛaoḱkan, hoete laṛaoḱkan hipiṛ hipiṛ, aṅjompe ho tirio saḍekan, Hoete laṛaoḱkan hipiṛ hipiṛ”. Uni doe menkeda, pusṭạute bạṅ disạeda okte do 70 serma reaḱ. Mit́ dhao office kạmi khạtirte Bandorbon jilạ reaḱ Faruqpaṛa ṭoṭhateń calaolena. Gạḍi khon pheḍen torageń ńelkeda, ạdepase ạḍi utạr buru ar ona burure dare nãṛĩ hoete lewer kodoroḱ kana. Hoete tirio reaḱ lithur aṛaṅ monre disạ hijuḱa.Onako guni bhạbit katege noa sereń doń sapṛao keda. Bangladisom betar são sãote aema okte akhṛakore noa sereń porcar akan rehõ nawa piṛhirenko ṭhen sodor lạgit́ “Seṅgel band’ nãwãteko record keda. Iń do ạḍi manotiń bujhạueda je onko do ińaḱ sereń nawateko sodorkeda.
Band ren ko menet́ kana Baṅgladisom reaḱ utạr-pạchim nakhare andaj 33 goṭen khon ḍher jạtren hoṛko basoḱ kana. Onko modre menaḱkoa Santal, Orao, Munda, Kolhe ar Mahle jạtren hoṛko. Onkoaḱ do apnar lakcar, ạri cạli menaḱtakoa. Jãhã do Baṅgladisom rạskạ ạri cạlite eṭaḱ eṭaḱ ṭhạ̃ire idi seṭer akat́. Inạ chaḍa hõ Sylhet jilạre ca kạmiạko lekate jug jug khon noko jạtren hoṛko ńeloḱ kana. Itihãs ńel lekhan, 54 serma reaḱ sadharon bachnaore MLA lekate bachaoena Santal Jibon Murmu, ona do paseć ḍher hoṛge babon baḍaea. Noako sanamaḱ bisoe tojbij katet́ sereń vedio benao lạgit́ Sylhet ṭoṭhako bachaokeda.Sylhet ṭoṭhare basoḱkan ạdivạsi hoṛkoaḱ jion cạrit ar kam-kaj sodor reaḱle kurumuṭu akada. Sãote bir buru, gaḍa, soḍoḱ, ca bagan selet́ Baṅgladisom reaḱ nanan parkan citạr sãote hoṛkoaḱ sae serma reaḱ oka sompok menaḱtako onage noa vedio hotete sodorakana.
Noa sereń acting rekin tahẽkana Baṅgladisom santal koṛa Agustin Murmu ar Sikha Clara Tudu. Inạ chaḍa hõ enećreko tahẽkana Sylhet ṭoṭharen adivạsi gaenahako. Band official reaḱ Youtube channel re sereń upload akana. Agustin Murmu doe menkeda, Mit́ṭen mońj kạmire jopoṛao khạtirte pạhilre Seṅgel band aema aema sarhaoiń emae kana. Ạḍi rạskạń aṭkareda onko sãote eyae sermań kạmi daṛeat́te ạḍi rạskạń aṭkareda. Noa laha arhõ Seṅgel band re barea sereń reaḱ acting hoelenrehõ niạ dhao reaḱ do thoṛa judạ machagea. Noa vedio re disom dulạṛ reaḱ mit́ṭen golpo sodorakana. Ale gaenahako jotowaḱ emoḱ reaḱle kurumuṭu akada. Bạṛtikaete Sylhet ṭoṭha reaḱ poribes ar aḍepase ạdivạsi hoṛkoaḱ jion jingi, ạri cạli,lakcar sereń hotete sodorakana. Inạ chaḍa hõ noa ṭoṭharen hoṛkoaḱ beohar ńelteń mạluṅena. Ạdivạsi Santal Somaj Kollan Porisod, Moulvibajar ren sabha mukhiạ Dulal Hasda doe menkeda, Seṅgel band vedio benao lạgit́ ale ṭoṭhako bachaoket́te ạḍi rạskạle aṭkareda. Alekoren gidrạ vedio reko selet́akana ar aekoaḱ oṛaḱ duạrko reaḱ́ citạr hõ vedio re phuṭạu rakaṕ akana. Raskạle ạikạueda sereńre aleaḱ ṭoṭhako ńelte. Onate sanam sećte goṛo emako reaḱle kurumuṭukeda. Noa sereńreko enećakana Baṅgladisomren namḍak eneć dol “Rahla Rimil” ar vedio graphy re tahẽkana “Art Express”. Saj sapaṕ horoḱ bandere goṛoe emkeda “Sanam Heritage”. Sereń reaḱ music video re kạmi akada, Gram Bikash Kendro, Trisul Somaj Kollan Songstha, MH Agro ar Santali Canvas. Sereń music prodaction re tahẽkana SHOFAR STUDIO. Inạ chaḍa hõ joto sećte goṛo gopoṛoko emkeda Sylhet ṭoṭharen ạdivạsi ạyuriạko.
Nit Seṅgel band reko kạmi kana, Rinku Emmanuel Mardy-Vocal, Kamel Mardy-Dotara ar tirio, Shimul Mardy-tumdaḱ ar Ḍhol (eṭaḱ eṭaḱ ruruaḱ), Elias Murmu-Dramps ar John Hembrom Giter. Inạ chaḍa hõ band são jopoṛao menaea-Shamol Hembrom-tirio re, Himson Kisku-Vocal ar Giter, Kanchon Soren-Keyboard ar Deliance Sukmol Hasda-Rahaṛ ar Ṭamak sãote eṭaḱ eṭaḱ ruruaḱko.
Tumdaḱ ṭamak ar ḍhol reaḱ aṛaṅ ańjomlen khange mit́ dol santal kuṛi ti pẽpṛe oroṅ ar ti thayo kateko enejoḱkan mẽt́re bhasaḱa.Nonkanaḱ poribes khonge janamakana Santali sereń band “Sengel”. Baṅgladisomren juạn juạni, umerte laha akan hoṛaḱ mone sirsirạua. Rahaṛ ar Ḍhol reaḱ saḍete nonkage onkoaḱ aṛaṅre Santali sereń sodoroḱma.
Nes bochor 2026 reaḱ HSC (Higher Secondary School Certificate) biḍạu do gapa Lukhibar ( 2 July) khon ehoboḱa. Biḍạu do setaḱ 10:00 baja khon ehoṕkate 1:00 baja mucạdoḱa. Onate bidạu emoḱ kodo 30 miniṭ lahare bidạu center te seṭeroḱ hoyoḱtakoa. Biḍạu do baṅgla pạhil sakamte ehoboḱa.
Nes bochor HSC ar ona man reaḱ biḍạure moṭre 12 lakh 70 hajar 583 goṭen pạṭhuạko seledoḱ kana. Oka do calaoen bochor khon 19 hajar 472 goṭen pạṭhuạko ḍher akana. Noa modre 9 goṭen sadharon board re pạṭhuạkoaḱ soṅkha 10 lakh 69 hajar 714 goṭen. Madrasa ar Karigori sikhnạt board reko seledoḱa arhõ 2 lakh 896 goṭen pạṭhuạ. Goṭa disomre 2 hajar 997 goṭen center re bidạu hoyoḱa.
Gapa khon ehoboḱkan biḍạu do 8 August dhạbić calao idiḱa. Ar 15 August bhitrite practical biḍạu hõ hoe purạuḱa.