Mit́ṭen Dạrji Ar Hạti aḱ Golpo
Mit́ṭen nagrahare ạḍi mãyãyan ar mạhir monan dạrji tahẽkana. Jaoge dạrji do mit́ṭen hạti jome emaekan tahẽkana. Jomaḱ lạgit́ mit́din hạti dạrji ṭhene hećena. Un okte dạrji do eṭaḱ mit́ hoṛ sãoe ropoṛkan tahẽkana. Ado mit́ okte onkin do jhogṛaḱkin ehoṕena. Khange dạrji do ạḍi ãṭe raṅgaoena ar aćaḱ tire tahẽkan suite hạti sunḍe gutu joskedea.
Ackage gutu josente hạti do ạḍi kajak hasokedea. Ado mon ạṛiskate gaḍa aṛe seće calaoena ar onḍe khon losot́ daḱ ạgukate dạrji goṭa hoṛmoe chitạuadea.
Ona losot́ daḱte dạrji aḱ hoṛmo mạilạentaea. Ona sãote dạrji oṛaḱre tahẽkan thoṛa nawa kićrić kohõ mạilạ cabayena. Khange dạrji do aćaḱ bhule aṭkarkeda ar hạti ṭhen ikại khojkeda.