Bissokap Phuṭbol Khilạḍ-2026

Khilạḍ dhạrtire nit rạskạ reaḱ din.Nes pea disạmre bissocup phuṭbol khilạḍ oṅsoṅ hoyoḱ lạgidoḱ kana.Utạr Amerika reaḱ Markin Juktorastro, Mexico ar Canada reaḱ miljulte Darakan 11 June khon 19 July dhạbić Bissokap Phuṭbol Khilạḍ ehoboḱ kana. Noa khilạḍ do 16 goṭen nagrahakore hoyoḱ kana.

Niạ dhao reaḱ Bissokap khilạḍ do nãwã nagame sirjạu lạgidoḱ kana. Nagamre Pạhil dhao leka 32 goṭen dol bodolte 48 goṭen dolko seledoḱ kana. Ar match reaḱ soṅkha hõ 104 goṭen hoyoḱ kana.Bissokap re selet́akan disạm kodo ńutum tạlika ko sodorakada.

Khilạḍ do Darakan 11 June khon Mexico reaḱ Azteca stadium  re ehoboḱa. Markin Juktorastro reaḱ 11 goṭen, Mexico reaḱ 3 goṭen ar Canada reaḱ 2 goṭen ṭhạ̃ire khilạḍ hoyoḱa.Nahaḱ okte reaḱ ạri-cạli ar stadium ko saṕṛao akana khelowaṛ ar koṭi koṭi ńeńel hoṛ se bhoktoko ataṅ daram lạgit́.

39 din reaḱ tạṅgi tãṛãḱ 19 July mucạdoḱa, Metlife stadium reaḱ final khilạḍ hotete. Okoeaḱ bohoḱre sajaoḱa sona sirpạ? Ona ńel lạgit́ nit goṭa dhạrti tạṅgire menaea.