Iran Tuluć lạṛhại Thir Hape Renaḱ Okteko Ḍherkeda

Markin President Donald Trump do̠ Iran tuluć lạṛhại thir hape reaḱe gho̠so̠nakeda. Menkhan uni do̠e menkeda, ghera se oborodh do̠ calao idiḱa.

Budbar (22 April) social meḍia re̠ mit́ bibo̠ro̠nte Trump do̠e menkeda, Iran sorkar do̠ ạḍi kajake laṅgayena, one oka do̠ ać bae aso̠ḱkan tahẽkan.

Arhõe baḍae ocokeda, Pakistan ren Field Marshal Asim Munir ar Prodhan Montri Shahbaz Sharif aḱ nehõ̠rte Iran cetanre hamla thir hape reaḱ ardas hoe akana, jemon ona diso̠mren neta ar ạyurićko miljulte mit́ṭen prostabko ạgu daṛeaḱ.

Noa babotre Trump do̠e me̠nkeda, Amerika ren sipạhiko do̠ Iran reaḱ bondor kore oborodh ar sãote sapṛao tahẽn lạgit́ nehõ̠r ar hukumko emkeda. Iran se̠ć khon prostab jo̠ma ar ạuri galmarao goṭae dhạbić lạṛhại thir hape reaḱ okteko ḍher idḱa mente Markin president Donald Trump do̠e baḍae ocokeda.