Lelha Parwa

Mit́ṭen birre Kũṛit́e tahẽkana. Onḍe do ạḍi utạr Parwa hõko basoḱkan tahẽkana. Onko Parwa ar Kũṛit́ talare benebạiri tahẽkana. Uni Kũṛit́ botorte Parwa do oṛaḱ khonaḱ bahre sećge bako onḍoṅ daṛeaḱkan tahẽkana, onate Kũṛit́ hõ bae ceka daṛeaḱkoa.

Uni Kũṛit́ do mit́ din mon monte nonkae phãndkeda ar Parwae metadea, jãhãn botorge bạnuḱa, ińaḱ katha ańjompe. Cedaḱ ạuṛiaḱ dope botorạń kana? Iń do aperen raj benaoińpe. Enḍekhan doń ńel baṛapea. Ape do ińren porjape hoyoḱa. Ape cetanre okoe hõ jãhãn jor julum bako calaoma, onako ńel jutge ińaḱ kạmi. Lelha Parwako do uni calak cạtur Kũṛit́ aḱ sebel kathate bulạuente raj ko benaokedea. Ar Kũṛit́ do raj hoyen tayom din hiloḱ mit́ṭen kateć Parwa goćkate jojome dhurạuena. Ado Parwa do ako bhitrireko galmarao kana, abo do lelha leka aboren bạiri aḱ sebel kathatebon bulạulena, nit ona reaḱ sạjạibon ńameda.

Sikhạuna:Bạiri aḱ sebel kathate tis hõ oho bon bulạuḱ ma.

Sadom Ar Gadhawaḱ Golpo

Mit́ṭen hoṛe tahẽkana. Uniren do mit́ṭen Sadom ar mit́ṭen Gadhae tahẽkana. Mit́ din uni hoṛ do aćren Sadom ar Gadha ante ḍaharte calaḱkan tahẽkana. Gadhawaḱ deare do maraṅ okoć barea bojha lade tahẽkana. Hamalte Gadha do bae idi daṛeaḱ kana. Ạḍi ãṭe sasetoḱ kana. Ado uni do Sadome metadea, E boeha, bạń daṛeaḱ kana, ma noa bojha do amaḱ deare lade me. Sadom do uniaḱ kathate baṅge rebenlena.

Thoṛa ghạṛić tayom Gadha do hamal bojha bae sahaolet́te horrege bhindạṛena are goć hapeyena. Un jokhen uni hoṛ do ona bojha Sadomaḱ deare ladekeda, sãote Gadhawaḱ goć hoṛmo hõe ladekeda. Niạ dhao hamalte Sadom do kikiạuate mạ̃hĩr aṛaṅte bakhẽṛe dhurạuena teheń iń gunạḱtege nonkan dosareń paṛao akana. Ente unre Gadhawaḱ bojha ḍohaoreń goṛowae khan, nonkan dosa do ohogeń ńelkea, nit ona hamal bojha sãote uniaḱ goć hoṛmo hõ idi hoyoḱkantińa.

Sikhạuna: Apnarte nonkan jãhãn kạṭić kạmire dạyik hatao hoyoḱa, enḍekhan onkan hamal se maraṅ dạyik khon thoṛgan rehõ rukhiạ bon ńam daṛeaḱa.

Ạdibạsi Pạṭhua Gidrạkoaḱ Ar Ạdibạsikoaḱ Jumi Jaega Jobor Dokhol Ar Koclon Birudre Manwa Tonol

“NCTB hotete ạdibạsi katha bạtil ar 15 January Dhaka re ạḍibạsi pạṭhuạ gidrạko ar ạdibạsikoaḱ jumi jaega jobor dokol ar koclon birudre manwa tonol do hoe purạuena. Chapainawabgonj jilạren ạdibạsi hoṛko do Sạnicar (18 January) hiloḱ bela 11 baja jokhen noa manwa tonol akhṛa ar Nobabgonj Sarkari College samaṅreko michilkeda.

Jila Adibasi Forum ren sabha mukhiạ Cornelius Murmu aḱ ạyurte manwa tonol akhṛare kathae roṛkeda, ‘Utarbongo Adibasi Forum ren central komiṭi ren sabha mukhiạ Hingu Murmu, ar sadharon sompadok Ad.Probhat Tudu. Inạ chaḍa hõ akhṛare kathae roṛkeda, Prodip Hembrom, Hindu-Bodho-Oiko porisod ren Sonjib Saha, Jila Puja Udjapon Porisod ren sadharon sompadok Dhanjoy Chattargy, ‘Adibasi Mukti Morcha ren sabha mukhiạ Bishwanath Mahato, Rajowar ren ạyurić Kutila Rajowar, Jatio Adibasi Porisod ren upodesta Bongopal Sardar, Kolhe jạtigosṭhiren ạyurić Rumali Hasda, Jatiyo Adibasi Forum ren Jubo sompadika Monika Soren. Manwa tonol akhṛare sawalia (bokta) ko roṛ sodorkeda, eṭaḱ jãhãn oprom tedo baṅa, eken ạdibạsi lekatege thamgạḍi akanle tahẽna. Onate NCTB selet́ jotowaḱre se joto jaegare jemon oprom do ạdibạsi tahẽn. Arhõko menkeda, Chapainawabgonj jila selet́ disom reaḱ utar nakha ren adibasi ko cetanre jumi jaega jobor dokhol arko koclon ocoḱ kana. Noako jumi jaega jobor dokhol ar ạdibạsi koclon do bond hoyoḱa. Baṅkhan arhõ maraṅ andolon se manwa tonol do hoyoḱa. Noako babotre sawalia ko do Sarkar kajak dạbi ko baḍae ocokedea.

Gel Murhuć Jom Hoṛko Bogeyen Reaṅ

Jisu mit́ din Jirusaleteye calaḱkan tahẽkanre, 10 goṭeć murhuć jom hoṛko daramkedea. Onko do sạńgińre teṅgokateko raḱadea, E Jisu purkhạ, dayawaleme! Uniye metat́koa, Do, senkate naekeko ṭhen udugoḱpe! Khange calaḱ calaḱtegeko saphayena. Onko modre mit́ hoṛe bogeyen ńelket́te ạḍi garte Isor sabasi sabasiateye ruạṛena, ar Jisuaḱ jaṅga ṭhen taberenteye gun manao joharadea, ar uni do mit́ṭeć Samariạ hoṛe tahẽkana.

Khange Jisui menket́a, Gel ke gel do bako saphalena? Onko are do okare? Nui eṭaḱ jạtren hoṛ chaḍa okoe hõ bako ńamlena Isor man emae lạgit́? Adoe metadea, Ma beret́kate calaḱme, amaḱ pạtiạuge bańcao akat́mea.

Sikhạuna Golpo

Mit́ṭen Mahasoe hoṛe tahẽkana. Ar uniren mit́ṭen huḍiń kuṛi gidrại tahẽkantaea. Mit́din uni mahasoe hoṛ do biḍạu reaḱ khatae ńeńel kan tahẽkana. Khan ackage aćren gidrại hećena are metae kana, E baba, am são oko cokoń gateḱa. Ado ona jokhen mahasoe aḱ bohoḱre mit́ṭen cintạ hećadea. Onate mit́ṭen naksae oṛeć kuṭrạkeda are emadete metadea, do senoḱme ar noa naksa joṛaome. Judim daṛeaḱ enḍekhan am sãoiń gateḱa.Thoṛa ghaṛić tayom gidrạ do ona naksae joṛao ạgukeda ar ona ńelte ać baba metaḱme mahasoe do ạḍi ãṭe hahaṛayena. Ente nunạḱ maraṅ muskilaḱ kạmi do cekate nui huḍiń gidrại kạmikeda.Adoe kulikedea, E biṭi, noa naksa do okoeye joṛaokeda? Uni gidrại roṛ ruạṛkeda, ińge noa naksań joṛaokeda. Ado arhõe kulikedea, cekatem joṛaokeda? Adoe menkeda, naksa tayomre mit́ṭen cartoon doń ãkaoledea. Tinre nui cartoon iń joṛakedea, unre naksa hõ joṛaoena.

Cecet́aḱ:Jãhãn kạmire jitạuḱ lạgit́ aema hor do menaḱa. Eken kurumuṭure tahẽn hoyoḱa ar onka leka kạmie hoyoḱa.

Kananren Maejiu Reaḱ

Jisu Tur ar Sidon ṭoṭhakoteye calaḱkan tahẽkanre mit́ṭaṅ Kananren maejiu hećkateye raḱadea, E Probhu Dạvidren Hopon, dayawạńme, ińren hoponera do bạṛićge bhut capaṛ akadea. Menkhan Jisu do mit́ katha hõ bae roṛ ruạṛadea. Ado uniren celako metadea, Bidạkaeme baṛe, ente abon tayom tayomteye hoho ạguet́a. Jisui roṛ ruạṛat́koa, Israyel budạren at́ bhiḍiko ṭhen begor okoe ṭhen hõ bạń kol akana. Uni maejiu do hećente sewawadeteye metadea, E Probhu, goṛoạńme, duṛuṕ ṭenḍar akan Johane isạrawadea, jemon Jisui kuliye. Jisui roṛ ruạṛket́a, Uni kanae okoe lạgit́ piṭhạ kecaḱ topokateń emae. Khange piṭhạ kecaḱ Judạ Iskariot emkateye metadea, cet́em cekae lạgit́ hako pakoge onka godme. Celako do bako bujlaḱa cet́ mente onae metadea; menkhan Judạ do oḍok sen got́ente naekeko ṭhene calaoena. Ar ńindạge tahẽkana.

Khange Jisu piṭhạ halaṅkate gun manao joharkateye kecaḱket́a, ar celakoe emat́koteye menket́a, Ne, ataṅkate jompe, noa do ape lạgit́ emogoḱkan ińaḱ hoṛmo,Nonkaepe iń disạń lạgit́. Onka leka kedoḱ tayom bạṭi hõ halaṅkate gun manao joharkateye emat́koa, metat́koae, Ne ataṅkate noa reaḱ ńũipe sanamko. Noa bạṭi do nãwã leg ińaḱ mãyãmte, one ape lạgit́ joroḱkan kại ikạ lạgit́. Nonkaepe tin dhao onape ńũi iń disạń lạgit́.

Onakate Jisui metat́koa, Arhõ ạḍi lạiape reaḱ menaḱtińa; menkhan nitoḱ do ona bape sahao daṛeaḱa. Menkhan Kaḱthaić, uni Sonot Jiu, one uni iń ńutumte Ạpuńe kole, uni do sanamaḱkoe cet́apea, ar okakoń lại akawat́peaḱ jotoe disạ ocopea.

Mit́ṭen Mạli Ar Ponḍ Kõḱ Aḱ Golpo

Mit́ atore mạli haṛame tahẽkana. Uni haṛam do aćaḱ jion reaḱ goṭa jingige dare rohoe ar jotonte khemao akada. Ako ato modre joto khon soros utạr bagwan do tahẽkantaea. Bagwan reaḱ mimit́ goṭen dare do aćren sadher gidrạ leka tahẽkana. Uniaḱ bagwanre mit́ṭen ponḍ kõḱ doe basoḱkan tahẽkana. Din hiloḱ kõḱ do onako darere aboḱa ar dare sakam koren aema lekan tejo koe jomkoa. Nonkate ona dare do mońjge tahẽnkan tahẽkana. Uni mạli haṛam do kõḱ ạḍi ãṭe dulạṛede kan tahẽkana ar jomaḱ hõe dohoae kan tahẽkana. Uni kõḱ do mạli haṛame ńel lekhange uni beṛhaete uḍạu baṛae kan tahẽkana. Unkin talare mońj sompok do tahẽkantạkina.

Mit́din setaḱ jokhen mạli do bagwanre kạmikan tahẽkana. Khange ńelkeda, aćaḱ mit́ṭen ul dare gonḍare okoe jạnićko la akada. Adoe hudiskeda, jạnić jãhãn biji se tejo ko nonka akada. Ado ạḍi ãṭe bhabnayena.

Ona oktere kõḱ do aćaḱ phạ̃ḱṛạ̃ḱ koṭa koṭate bhugạḱ ṭhene hećente duṛuṕena. Mạli tạṅkhikeda, kõḱ do arhõ ona bhugạḱ lạṭui reaḱe kurumuṭuieda. Ona ńelte mạli doe edreyena. Adoe hudiskeda, kõḱ paseć ona dare doe bạṛićeda. Edrete mạli do ṭheṅga saṕkateć kõḱ sećge ńir hećena.

Kõḱ do botorte uḍạuena ar dare ḍạrre duṛuṕena, menkhan thoṛa ghạṛić tayom arhõ pheḍena ar ona bhugạḱ sećrege duṛuṕena. Niạ dhao hõ mạli do bae sahao daṛeada. Uni do ṭheṅgate kõḱ aḱ phạ̃ḱṛạ̃ḱe dalkeda. Kõḱ do enrehõ udạu reaḱe kurumuṭuket́ rehõ bae daṛeat́te otre ńurhoyena.

Khange uni kõḱ ńelte mạli doe ṭhakena. Adoe hudiskeda, tinạḱ maraṅ bạṛiće kạmikeda. Kõḱ do inạḱtege mãyãmte jodbodaoena. Mạli do bhugạḱ sećge koyoḱ hapekeda, khange onḍe ona bhugạḱre mit́ṭen biń duṛuṕ akane ńel ńamkedea. One okoe khạtir ać hõ muskilre paṛao daṛeat́ke. Kõḱ do uni bińge lagaye kurumuṭuiet́ tahẽkana. Mạli do mit́ dalte bińe dal goćkedea ar kõḱ do inạtege goćena. Ado mạli do uni kõḱ saṕkatećge bhabnate duṛuṕ hapeyena are kastaoena.

Meskoć

Meskoć

Cosma horoḱ kate Engrạji akhor paṛhaoḱ reaḱ-

Mit́ṭen rogi mẽt́ Ḍaktar ṭhene heć akana-

Rogi: E Ḍaktar bạbu, Cosma hataokate A-B-C-B akhor doń paṛhao daṛeaḱa se baṅa?

Ḍaktar: Alom bhabnaḱa, Khạtigem paṛhao daṛeaḱa.

Rogi: Niạ dhaoiń ńela, acha okoetạḱe metạń kana hãḱ Engrạji bạń daṛeaḱa mente.