Kuṛhạ eset́  rabaṅ setaḱ cando ma bae ńeloḱ

Hoṛko sanam oyo kate seṅgel teko joroḱ,

Simraḱ okte cẽṛẽ koma ragako kicir micir

Ṭhạ̃iko sanam bạgi kate oḍokenako jigir,

Lạbni tạṛi khijur darere nit hõ aka menaḱ

Tiyogoḱa tinre ona lạgit́ sanam teṅgo tãṛãḱ.

Taṛi são caole ata ńui rema ekal ạḍi sebel

Culhạ berhae horho lạgit́ joto hoṛko berel

Aema hoṛ do gitić rege oyo kombol latar

Rabaṅ setaḱ beret́ hodoḱ ekal ạḍi mõhńjor.

Gogoe banae ḍomboḱ piṭhạ arhõ bạṭi dhupi

Hopon bạbu ghẽṭ katey calaḱ gại gupi.

Ḍoboḱ ḍoboḱ ḍoboḱ,

Lạṭuko do ḍoboḱ,

Johar johar johar,

Kạṭić ko do johar,

Manot manot manot,

Lạṭuko do manot,

Dulạṛ dulạṛ dulạṛ,

Kạṭić ko do dulạṛ.

Sebeć sebeć daḱre,

Mala potamkin ạtiń kana (2)

Jom jom ben potam,

Halaṅ halaṅ ben potam,

Jaega joṅben potam tilại dare.

Lukhibar hilo̠ḱ Kando̠n ar Ro̠ma do̠ baba sãote̠ Kako̠nhaṭkin calaoena. Unre̠ kako̠nhaṭre̠ do̠ mela hoyoḱkan tahẽna. Kando̠n Ar Ro̠ma tako do̠ Taliṭola re̠ko tahẽ̠na. Kando̠n ar Ro̠ma do̠ melare̠ Jililạḍu ar Jilạpikin hataokeda. Ar gateḱ lạgit́ Ro̠ṭe̠ sagaṛkin hataokeda.

Jilạpi, Jililạḍu ar Ro̠ṭe̠ sagaṛ hatao kate̠ Kando̠n ar Ro̠ma do̠ baba são oṛaḱkin ruạṛena. Oṛaḱre̠ he̠ć kate̠ Kando̠n ar Ro̠ma do̠ go̠go̠kin ho̠ho̠adea ar ạguakat́ jo̠maḱkin emadea.

Go̠go̠ do̠ Ro̠ma ar Kando̠n Jililạḍu ar Jilạpie e̠m hạṭińat́kina. Ro̠ma  ar Kando̠n Jililạḍu ar Jilạpi jo̠m kate̠ ạḍikin rạskạina. Ar gateko sãote̠ kulhire̠ Ro̠ṭe̠ sagaṛ o̠rbaṛaekin eho̠ṕena.

Kuṛcạ beṅgaṛ rasi utu,

Baṅ sebel kan,

Dela bạbu cẽṛẽ ṭuṭi,

Jotoko calaḱkan.

Bạń calaḱkan cẽṛẽ ṭuṭi,

Bạnuḱtińa iskul chuṭi,

Iskulteń calaḱa,

Ạkil ḍahar menaḱa.

Ona do̠ tahẽ̠kana setoṅ din, ạḍi ãṭ lo̠lo̠ paṛaoakana. Setoṅte̠ pukhri ar gạḍiạko jo̠to̠ ro̠ho̠ṛ cabao akana. Goḍa kohõ paṛaḱ utạrakana. Ho̠rten ho̠ṛko do̠ calaḱ teko laṅgaekhan baṛ̣e dare latarre̠ jirạḱ lạgit́ko duṛuṕena.

Duṛuṕ reaṛ kate̠ onko do̠ dare coṭ sećko ko̠yo̠ḱkeda ar mit́ ho̠ṛ do̠e me̠nkeda, “Niạ do̠ ce̠t́ lekan dare kana? Un maraṅ dare ar jo̠ ma kạṭić kạṭić, ar ho̠ṛaḱ jahan kạmirege baṅ lagaḱa.” Ona ańjo̠mte̠ dare do̠ ạḍi duke ạikạukeda. Mo̠n mo̠nte̠ye̠ me̠nkeda, “ińaḱ umulregeko jirạuena, ar ińaḱ geko oktaeda!”

Raṅgaote̠ uni do̠ mit́ṭe̠n jo̠ uni ho̠ṛaḱ bo̠ho̠ḱre̠ye̠ ńurkeda, ar uni ho̠ṛe metadea, ińaḱ jo̠ Tale baṅkhan Kanṭhaṛ jo̠ leka tahẽ̠lenkhan ce̠t́ hạl hoekoḱtama?

Toyo am do̠ ạḍi ãṭem siyanage,

Ńindạ jokhen sim ge̠ḍe̠.

Ạtkir katem jo̠mko,

Bhiḍi ho̠po̠n me̠ro̠m ho̠po̠n,

Go̠go̠ katem ạtkir koa.

Bhugạḱre eskar bolokate,

Raṭpaṭem jo̠mkoa.

Calaoen 4 December ‘2025 Ispahani Prothom Alo tesar mãhã Phuṭbol kheloḍ Ḍhaka reaḱ Eyayaḱ mãhã reaḱ mucạt́ kheloḍre North South do oka lekate hõ baṅko teṅgo ṭarhao daṛeada Gono Bissibiddaloe samaṅre. Gono Bissibiddaloe reaḱ Adha gol do heć akana Mohameḍam dolren Forward Raphael Ṭuḍuaḱ jaṅga khonaḱ. Somaj biggan Bibhagren Pạṭhuạ Raphael Ṭuḍu do heṭrik kate noa kheloḍren mach sirạ kheloḍiại hoeyena. Dol reaḱ dosar ar mucạt́ barea gol hõ nuiaḱ ge tahẽkana.

Ar noa reaḱ siropa do Bangladisạm Jạtiạri dolren mare ạyurić Asraphuddin Ahmed cunnu khone ńamana.

Noa kheloḍ dol hotete Gono Bissobiddaloe re phuṭbol reaḱ daṛe proman akana. Noa ren ̣her kheloḍiạ do championship lig reko kheloḍoḱa, Ṭuḍu, Shariph noko chaḍa hõ lig ren maraṅ maraṅ kheloḍiạ golkipar Samim hossain, (Ḍhaka Ispahani) Diephanḍar Siphat sahariar (Rohomotgonj) Diphenḍar Akas Ali (Bosundhora kings) noko sanamge Phuṭbolren bhage bhage rasiạ kanako, ar sanamkoge nit noareko kheloḍoḱ kana.

Noa kheloḍ ren sirạ kheloḍiạ Raphael Tuḍuaḱ ạḍi keṭeć ekraṛ tahẽkana calaoen serma Rajshahi Bissobiddaloe ṭhen hạr ocolen oktere ar un khonge ekraṛ leda je, khạṭige noa kheloḍ reye championoḱa mente.

Akoreko bhorsa akan dhorom kanako mente, ar arko doko nihạ̃t cabayet́ko tahẽkan adom hoṛ do noa phen kathae metat́koa, Bar hoṛ koejoṅ lạgit́ mundil tekin calaoena; mit́ hoṛ do phạrisi ar dosarić do mạsul-ijạdar. Uni phạrisi do teṅgoyente nonkae koejoṅ kan tahẽkana, E Isor, gun manao joharam kạnạń, ar ar hoṛko leka, luluṭko, bedhoromko, laṭghaṭko, se bar choṭ iń upạset́a, ar jãhãnaḱkoge hoyoḱ kantiń ona sanamaḱkoge gel reaḱ mit́ hạṭińiń emet́a.

Menkhan uni mạsul-ijạdar do pharakre teṅgo akan serma seć beṅget́ rakab hõ bae dillaḱa, eken koṛamre ceṭaḱ ceṭaḱ ateye menket́a E Isor, dayawạńme iń kạiyić do. Metape kạnạń nui baṅkate unige dhorom oco akan aćaḱ oṛaḱte ãṛgo calaoena; ente aćte usuloḱ mit́ ke mit́ hoṛ doe copot́ ocoḱa; menkhan aćte copodoḱić doe usul ocoḱa. (Luk 18, 9-14.)

Reaṛ rabaṅ seṭerena oyon kicrićante

Setaḱ tora kuṛhạ hijuḱ thar tharaote,

Kuṛikoaḱ daḱ joṭet́ ạḍi ritić ạikạuḱ

Thạri bạṭi gasao mańjao ạḍi mohńjor bikạuḱ.

Onatege lolo daḱte sanamaḱko kạmi

Sanamaḱge kạmi hoyoḱ sanamkoge jumit́,

Baṅdo mańjao baṅdo gasao baṅdo sapha sạphi

Jotoaḱge kạmi hoyoḱ joroḱ seṅgel sạkhi.

Setaḱ tora gachal koko calaḱ khiur dare

Akaledae hola ạyuṕ cheo kate lubni tạṛi,

Reaṛ rehõ ona ṭạṛi ńuńu ạḍi ekal sana,

Judim mesal ona soṅge caole ata cana.

Heṛem tạṛi ńuńu redo sanam koge kusi

Judim ńuia ạḍi jạsti hoyoḱ tama dusi,

Matao tạṛi ńu katege adom koma jare jare,

Ona tege santal atorem ńela KHIJUR DARE.