Khijur Tạṛi - The Santals Times

Reaṛ rabaṅ seṭerena oyon kicrićante

Setaḱ tora kuṛhạ hijuḱ thar tharaote,

Kuṛikoaḱ daḱ joṭet́ ạḍi ritić ạikạuḱ

Thạri bạṭi gasao mańjao ạḍi mohńjor bikạuḱ.

Onatege lolo daḱte sanamaḱko kạmi

Sanamaḱge kạmi hoyoḱ sanamkoge jumit́,

Baṅdo mańjao baṅdo gasao baṅdo sapha sạphi

Jotoaḱge kạmi hoyoḱ joroḱ seṅgel sạkhi.

Setaḱ tora gachal koko calaḱ khiur dare

Akaledae hola ạyuṕ cheo kate lubni tạṛi,

Reaṛ rehõ ona ṭạṛi ńuńu ạḍi ekal sana,

Judim mesal ona soṅge caole ata cana.

Heṛem tạṛi ńuńu redo sanam koge kusi

Judim ńuia ạḍi jạsti hoyoḱ tama dusi,

Matao tạṛi ńu katege adom koma jare jare,

Ona tege santal atorem ńela KHIJUR DARE.