Gadha Ar Sosroć - The Santals Times

Mit́din setaḱ re mit́ṭen Gadha ghãse jojomkan tahẽkana. Jom okte uni do sạṅgiń re mit́ṭen dare khon sereń aṛaṅe ańjomkeda. Ona aṛaṅ do ạḍi mońj tahẽkana, onate Gadha do ar bae sambṛao daṛeada. Sereń reaḱ aṛaṅ aten atente Gadha do ona dare buṭại senena.

Ńelkedae, mit́ṭen sosroće sereńeda. Ado Gadha do sosroće metadea, E boeha nunạḱ mońj aṛaṅ se rạṛ do cekate ar okarem ńamkeda?

Khange sosroć doe roṛ ruạṛkeda, iń do dinạm setaḱre sisir daḱin joma. Inạ chaḍa ar cet́ge bạń joma. Sosroć aḱ kathate Gadha doe bulạuena ar uni hõ dosar hiloḱ khon ghãs jome bạgikeda ar sisir daḱ jome ehoṕena. Uni do eken setaḱ sisir daḱe jomet́kan tahẽkana.

Ghãs jome bạgiket́ khan bại bạite Gadha do ruạre jạbunena. Mucạt́re, bujhạu ńamkeda ghãs jome bạgiket́te teheń aćaḱ noa dosa. Sosroć lạgit́ setaḱ sisir daḱ bhạlạianaḱ kanrehõ, iń lạgit́ do baṅ bhạlạia.