Darakan 16 October HSC Biḍạu Reaḱ Jo Sodoroḱa

Nes bochor reaḱ HSC biḍạu jo do darakan Lukhibar (16 October) setaḱ 10:00 baja okte sodoroḱa. Sombar (13 October) Bangladesh Anto:Sikha borad komiṭi ren sabha mukhiạ ar Dhaka sikhnạt board ren Chairman Professor Dr.Khondakar Ehsanul Kabir aḱ suhiat́ mit́ ḍharwạḱ hotete lại lahayena.

Ḍhạrwạḱre menakana, Madhomik ar Ucho madhomik sikhnạt board Dhaka, Rajshahi, Comilla, Jessore, Chotogram, Barisal, Sylhet, Mymansing, Bangladesh madrasa board ar Bangladesh Karigori sikhnạt board reaḱ HSC ar ona man reaḱ biḍạu jo darakan Lukhibar (16 October) setaḱ 10:00 baja okte disom reaḱ sikhnạt board reaḱ website, ar jopoṛao akan joto sikhnạt centre se sikhnạt ṭhaõna ar sms –hotete sodoroḱa.

HSC em akat́ pạṭhuạko do sikhnạt board reaḱ website www.educationboardresults.gov.bd hotete ar sikhnạt ṭhãona reaḱ EIIN nombor tehõ ạḍi algate biḍạu jo ko baḍae daṛeaḱa. Inạ chaḍa akoaḱ apan ạpin sikhnạt ṭhãonare sen kateć hõ biḍạu jo ko baḍae hatao daṛeaḱa. SMS hotete hõ biḍạu jo ńamoḱa, ona lạgit́ niṭ akan nombor se code 16222 re ol kateć sms kol lekhange message hotete jo baḍae ńamoḱa.