HISI CẼ̠ṚẼ̠ TUKẠ

Cĩ…cĩ…cĩcĩ…cĩ…cĩ !

Hisi cẽ̠ṛẽ̠ aṛaṅ,

Baṅ do̠e raḱet́!

Baṅ do̠e sereńet́!!

Noṅkagem ańjo̠me maṛaṅ.

Cĩ…ćĩ…cĩcĩ…cĩ…cĩ !

Ce̠t́ co̠e ńum halaṅ?

Tukạtae dine̠ rate̠y gutu galaṅ,

Cĩ…cĩ…cĩcĩ…cĩ…cĩ !

Tinạḱ ạjgut,

Tinạḱ hahaṛa;

Mabon ńe̠lma thoṛa!

Cĩ…cĩ…cĩcĩ…cĩ…cĩ !

Baṅ do̠ daḱ bo̠lo̠ḱ,

Uḍạuatey uḍạu bo̠lo̠ḱ!

Ạḍi mõ̠ńj, ạḍi napae ńe̠loḱ.

Cĩ…cĩ…cĩcĩ…cĩ…cĩ !

Benaojo̠ṅae tukạ,

Co̠ṭ laphaṅ ḍo̠gre;

Baco̠m bạṛić daṛeatae tukạ,

Hane̠ hilạu hipiṛ bho̠gre!