Sikhạuna Golpo - The Santals Times

Mit́ṭen haṛam hoṛe tahẽkana. Uni haṛam ren mit́ṭen hopone tahẽkana. Mit́din uni hopontet́ do ać baba jom lạgit́ resṭorenṭ teye idikeda. Jom jokheć uni hoṛ do ạḍi dhao ona jomaḱ aćaḱ kićrićre hạrić keda. Enrehõ uni hopontet́ do hapege tahẽkana. Jom tayom uni do ać baba ti ạrupe idikedea. Ado ać babawaḱ kicriće ạruṕ saphakeda, mẽt́hãko aṕ hutum kedea, ar cosma hurạṛadete bahre seće ạgukedea.

Menkhan onḍe duṛuṕ tahẽkan eṭaḱ hoṛko do uniren baba bạṛić nońjorteko ńelekan tahẽkana. Ado joto hor unkin tanmanko ńelet́kinạ. Uni haṛam ren hopon do bill em katet́ tinre bahrekin oḍokoḱ lạgit́ inạ oktere onḍe jojom kan tahẽkan eṭaḱ mit́ṭen haṛam hoṛ do uni hopontet́e metadea, Nonḍe do cet́ hõ bam bạgi oṭoakada?

Khange uni haṛam ren hopon doe roṛ ruạṛkeda, baṅ, cet́ hõ bạń bạgi akada. Haṛam doe menkeda, Am do sanam koṛa hopon lạgit́ mit́ṭen sikhnạt ar joto baba ko lạgit́ mit́ṭen asem doho oṭokeda. Aema okte abo do umerte laha akan aboren go-baba bahre idi babon rebena ar bon ruhet́koa, am do ṭhikte bam calao daṛeaḱ kana, ṭhikte bam jom daṛeaḱ kana, oṛaḱrege tahẽnme. Menkhanem hiṛińkeda, tinre huḍiń bon tahẽkan, go-baba heo hobor katet́ ko idiyet́ bon tahẽkana, tite ko jom ocoyet́ bon tahẽkana ar jomaḱ hạrić lenre bako ruhet́ akat́ bona, bickom ko dulạṛ akat́ bona.

Enḍekhan go-baba umerteko lahalen re cedaḱ hamal bojha ko hoyoḱa? Go-baba seba-jotonko hoyoḱa, dulạṛko hoyoḱa, ente mit́din joto hoṛge bon haṛam buḍhiḱa.