Gel Murhuć Jom Hoṛko Bogeyen Reaṅ

Jisu mit́ din Jirusaleteye calaḱkan tahẽkanre, 10 goṭeć murhuć jom hoṛko daramkedea. Onko do sạńgińre teṅgokateko raḱadea, E Jisu purkhạ, dayawaleme! Uniye metat́koa, Do, senkate naekeko ṭhen udugoḱpe! Khange calaḱ calaḱtegeko saphayena. Onko modre mit́ hoṛe bogeyen ńelket́te ạḍi garte Isor sabasi sabasiateye ruạṛena, ar Jisuaḱ jaṅga ṭhen taberenteye gun manao joharadea, ar uni do mit́ṭeć Samariạ hoṛe tahẽkana.

Khange Jisui menket́a, Gel ke gel do bako saphalena? Onko are do okare? Nui eṭaḱ jạtren hoṛ chaḍa okoe hõ bako ńamlena Isor man emae lạgit́? Adoe metadea, Ma beret́kate calaḱme, amaḱ pạtiạuge bańcao akat́mea.