JISU DOREÃO REAḰ HOEYE THIR OCOKET́A

Mit́din ạyuṕ ber jokheć Jisu do Genesaret́ doreão lạukạteye heć paromoḱ kan tahẽkanre, maraṅ okoć birbão hoyena. Lạukạ do ḍheokote jạput́ esedoḱ lekage. Menkhan Jisu doe jạpit́ akat́ tahẽkana. Khange uniren celako uni ṭhen sen sorkate beret́kedeteko metadea, E Probhu, rukhiạime, benḍaoḱ kanabon! Uni doe metat́koa, Cedaḱ ḍurukiạ kanape, E nase pạtiạuko! Khange beret́kate hoe ar daḱe dhomkaoket́a, ado thir utạrena. Ona ńelket́te onko do hahaṛayenteko menket́a, Nui doe cet́ lekan hoṛ kante hoe hõ ar doreão hõ doreãoe bataoet́taea! (Math 8, 23-27.)