Mit́ṭen Kuṛi Iń Dulạṛkedea-Gel bar Aḱ Porbo

Dulạṛiạ boeha,

Holanoḱ seṭerạdiń amaḱ ciṭhi ńutumte aema johar. Noa khon eṭaḱ jãhãnaḱte bạṛti ohoń rạskạlena. Sabas! Judi ṭhikiń bujhạu daṛeam kan khan iń menkea, nitoḱ do dulạṛre ṭhikem paṛao akana. Sisirjạuić iń gunmanao joharae kana je noa aṭkare em akawat́mea. Hẽge, khạṭiń baḍaea je pạtiạure amaḱ nãwã taṛamre Sisirjạuić do harephare bae kạmi hoda. Jãhãtis do sombhuri cet́abona mente ar tạṅgi ocobona mente ar abonaḱ pạtiạu biḍạu aṭkar lạgit́ hõ ḍher dine tạṅgi ocobona. Judi amaḱ koejoṅ unạḱ usạra ar unạḱ saphaye goṅket́ khan amaḱ nãwã jibon reaḱ laṛkhaṛaoḱ kan pạhil taṛam hatao tuluć udgạume motlob menaḱa. Menkhan uni do mit́ kạmi menaea jaoge am sorre menaea cahe am onam bujhạuet́ cahe baṅ. Asoḱạń amaḱ in borore oka dhak dhakem ạikạuet́ ona do tahẽakan tahẽntama.

Nit ma cuṭ cuṭ baḍae sanań kan ar mit́ dhao kuli ocowạńme. Nui kuṛi doe okoeṭaḱ kana? Celewaea? Dayakate lạiạńme oṛe oṛpat́ ceka lekate nui dut sãote dom cinhạpena. Cet́ uni hõe dulạṛet́mea? Noa oramaḱ uniren eṅgat apat sãotem galmaraokeda? Noa oramaḱ do iń purạukea? Ona lạgit́ binti sapṛao iń ehoba? Dayakate usạrate roṛ ruạṛ emạńme!

Noage,

Amren Dulạṛiạ

Gate