Geram Pujạ Porob Ko Manaokeda Kolhe Jạtigosṭhiko

Chapainawabgonj jilạ reaḱ Filtipara iskul maṭhre Kolhe jạtigosṭhiko Geram pujạ ko manaokeda. Rajshahi Bibhagio Khudro Nrigosthi Cultural Academy ar NAGR songstha reaḱ bondoboste akhṛare maraṅ peṛa lekate seṭere tahẽkana Songskriti Bisoyok Montronaloy ren Jugmo Socib Dr. Munira Sultana.

Chapainawabgonj Sodor upajila ren Nirbahi Officer Tasmina Khatun aḱ ạḱyurte akhṛare bises peṛa lekate seṭere tahẽkkana Dainik Sonar Desh khobor sakam ren sompadok ar Rajshahi Bibhagio Khudro Cultural Academy Nirbahi komiṭi ren sodosso Akbarul Hasan Millat, Academy ren gobesona Officer Benjamin Tudu, Professor ar nirbahi komiṭi ren sodosso Sunil Kumar Majhi, NAGR ren ạyurić Stephen Soren, Academy nirbahi komiṭi ren soddoso Susen Kumar Shemduar, Subodh Chondro Mahato ar Chapainawabgonj reaḱ Utarbongo Adivasi Forum rem sabha mukhiạ Hingu Murmu.

Noa Geram pujạ akhṛa ạyurre tahẽkana Rajshahi Bibhagio Khudro Nirigosthi Cultural Academy ren songit prosikhok Manuel Soren. Ahṛare ạdepase ṭoṭharen Kolhe jạtiren mạjhi haṛam, maejiu ạyurko ar sadharon hoṛko seṭerko tahẽkana. Pạhilte Kolhe jạtigosṭhi koaḱ ạri-cạli, niạm/culture rạkhi jogao joton cetanre galmarao hoyena. Inạkate Geram pujạ porob akhṛa do ehoṕena. Ona sãote Kolhe jạtigosṭhikoaḱ nit hạli reak dosa se obostan, ạri-cạli, niạm/culture ar porob ko babotre hõ roṛ rakaṕena. Ona sãote Kolheko talare sikhnạt reaḱ dosa babotre hõ manotan peṛako ṭhen lại sodorena.

Maraṅ peṛa doe menkeda, jãhãe jạtigosṭhi tayomre tahẽkateć disom reaḱ lahati do ohoge hoe daṛeaḱa. Ona iạte Sarkar do joto juạn-juạniko jemon bekar baṅ tahẽkateć kạmire lagao akanko tahẽn ona lạgit́ aema lekan training reaḱ bebostha hatao akada. Arhõe menkeda, 18 umer lahare baṅ baplaḱ ar 20 umer lahare gidrạ baṅ hatao ko reaḱ. Kuṛi koṛa joto gidrạko pạhilte oloḱ paṛhao cet́ ocoko reaḱe nehõrat́koa. Arhõe metat́koa, din darakana unre jotoko kạmikate jom hoyoḱa. Onate Kuṛi gidrạko do hamal bojha baṅ hudiskate oloḱ paṛhao cet́ ocokote hoṛ lekan hoṛ benaoko hoyoḱa. Disomre nit 18 karoṛ cetan hoṛ menaḱkoa. Ona iạte gidrạko kom hatao se jonosoṅkha niyontron reaḱ kathae menakada. Uni doe menkeda, Songskriti montronaloy do Khudro Nrigosṭhi aḱ culture, niạm, ạri-cạli rạkhi jogaore kạmi kana.

Akhṛare peṛakoaḱ roṛ talare Kolhe jạtiren kuṛi koṛa koaḱ eneć sereń hoyena. Mucạtre eneć sereń re selet́ akan dolko talare siropa do em hạṭińena. Ona sãote Kolhe koaḱ sãota se samajik songothon rạkhi jogao lạgit́ 7 goṭen hoṛko ante mit́ṭen Adhok komiṭi do bandhaoena.

Mit́ṭen Kuṛi Iń Dulạṛkedea-Ponaḱ Porbo

Unạḱ soṛa montem olakawadiń ńutumte arhõń sarhaoet́mea. Noa do mit́ṭeć cinhạń bujhạueda je ińre amaḱ biswạs menaḱtama mente. Baebelre ạḍi hahaṛa tulạna menaḱa, nonka: “Moron leka daṛeanaḱ kana dulạṛ do” (Sereńko reaḱ Sereń 8:6). Dulạṛ ar moron banarre noa do sadharon gun kante laha khon ohom laga baṛa daṛelea. Ṭhik ona iạtege noakin banarge cakhae jemon temon khemota reaḱ do baṅ kana. Hudisedam gujuḱ cet́ leka aṭkaroḱem legakea losot́ sik jạpidte? Dulạṛ cet́ leka aṭkaroḱ ona do koṛa-kuṛi jopoṭedoḱte biḍạu aṭkar cet́cet́ge bam aṭkar dheja. Oka obosthare dulạṛ cakha aṭkaroḱ ona obostha do ạḍi jadawa ar ạḍitet́ judạgea. Ar mit́ṭeć eṭagaḱ nạmuna hataome : Monekore mit́ṭeć parasuṭem biḍạu lạgit́, ado sạṛim se usul dare coṭ khon don lạgit́em lomosoroḱa. Menkhan pegel se pongel phuṭ usul do parasuṭ jhijoḱ lạgit́ ma kichui baṅ kan; kajetege am do hoṭoḱge ńur cowagoḱtama. Tobe ạḍi aema hajar phuṭ usul uḍạuḱ jahaj khon dodon jạruṛtama tobe aneć parasuṭ do jhijoḱte nae napaeteye pheḍmea jãhãnaḱ loksan baṅ paṛaoama. Dulạṛ selet́ hõ ṭhik onka kangea. “Bapla reaḱ cuṛonto” aṭkar lega baṛae do bam daṛeaḱa. Tobeanaeć ona reaḱ momoṅgonaḱ hõ raṛa oṭagoḱa. Tobeanaeć amaḱ herel-maejiu oṅso (sex organs), do motlobtet́ leka kạmi daṛeaḱa.

Baplakate herel-maejiu kạmi do ekal judạ obosthare hoyoḱa. Jãhãn hạṛmạ̃ṛ bạnuḱa, tebaḱ ocoḱ botor bạnuḱa, chapaḍao se bodnam giḍi dapoṛeń reaḱ botor bạnuḱa, ona sompokte hoṛmore oka saboḱ ona reaḱ botor hõ bạnuḱa. Bickom ona uprạ̃tre apan ạpinaḱ mone ontor jhij lạgit́, bapaḍaeoḱ ar hewaḱ lạgit́ tesnek somoe ńamoḱa ar onkate dulạṛ selet́ mit́ bar kạṭić kạṭić muskilaḱko ar haṛyagaṛya oka pạhil pạhil ạikạuḱ onako hõ cabaḱa. Ṭhik ma ṭhikgem meneda je baplaḱ lạgit́em sapṛaoḱ kana. Menkhan niạ takre oka sanam khon bạṛti jạruṛ ona do amaḱ hoṛmo reaḱ herel-oṅso selet́ do baṅ kana. Oka jạruṛkan ona do manobaigyanik se mon-mon reaḱ sapahoṕ kana – eṭaḱ kathate khan iń mena bar hoṛaḱ mon-midoḱ. Baplaḱ jibonre jãhãnaḱ muskilaḱ menaḱ khan, ona jãhãn jạruṛ do baṅ kana je hoṛmo reaḱ herel oṅsorege dos menaḱa. Noako ma bapla lahare ḍakṭori jãctege sodor daṛeaḱa ar jut daṛekoḱa. Hape nahaḱ, asol maraṅ karon do negeń menket́ leka manobaigyanik se mon selet́teaḱ sapahoṕ selet́ apabạṛiạḱ kana.

Jãhãtis lạṭu band dol baḱnamem ańjom akat́koa, etohoṕre cet́ leka sasaṕko reaḱ rạṛko milạu pạhil? Etohoṕre do pạhil rạṛteaḱ pẽpṛẽt́ saḍeḱa inạkate behlako at tirioko juria. Onka baṅkate judi bakya (cornet) ar ḍram oka kũsiạ tạpis saḍeḱa, etohoṕlen khan tobe ạḱyurić do pẽpṛẽt́, behla ar tirio saḍe do ekalte ohoe ańjom daṛelea. Bapla hõ noa band dol leka kangea. Mon ontor reaḱ milạuḱ hõ norom jutạ saḍ ear tạ̃t saḍe leka; ona tayom do tạpis saḍeḱ bakya (cornet) ar ḍram tạpis bajna sik herel-maejiu soroḱ do. Baplaḱem sapṛaoḱre etohoṕre noa norom jutạ saḍe, mon ontor reaḱ milạuḱge cet́joṅ jạruṛtama. Noage tho pạhil porthom training do. Menkhan am tho noa do bam onkayeda jokhon jãhãe man tãhã kuṛi ṭhenem soroḱ kana. Nonkate ma amaḱ mon ontorgem kạṭhuạ ocoyet́. Ḍram saḍe do tirio saḍeye loṭom leka am hõ apnartege aṭkar daṛem goć ocoyeda. Asolre do tobe cet́ reaḱem botoroḱa amaḱ herel-oṅso baṅ benao rakaboḱ do baṅ, menkhan dulạṛ baṅ-benao-rakaboḱge. Baplaḱ lạgit́em sapṛaoḱ kana begor dulạṛteaḱ herel-maejiu reaḱ jopoṭedoḱ dharate, tobeń mena asolre do bapla reaḱ eken mit́ bar kistitet́ bahre bahretem noḱol kana. Am do noa herel-maejiu jopoṭedoḱ kạmi do misin reaḱ kạmi lekam bujhạueda, janwar dhara reaḱ leka, cedaḱ je amaḱ mon tho baṅ tarkoḱ kana. Ona jothat aṭkaroḱ, metaḱme, “Iń” reaḱ phuṭạuḱ “am lạgit́”, ona dom pạsuṛoḱ kana ar hoyoḱ lạgidoḱ amren bạhu am khone asjoṅkan bhage sạ̃hĩtte purạpuri khon apnarem akoṭoḱ kana.

Cet́ jãhãtis monere rakaṕ boteć akawat́mea je bapla lahare noa bạṛić kạmirem copaolen khan amre nonkan sanae hoe ocoea je hạni nhại são onkam kạituk, judạ judạ rokom reaḱem cakhae one okakote laharege amaḱ darakan bapla do mũhinre paṛaokoḱ? Ạḍi bạṛić hewa sudhạ hoekoḱtama one oka do tayomte bạgige ohom bạgi daṛele. Amaḱ ona kạmi-daṛere ạḍi muskil aḱkoṭaḱ, je leka sanatet́ge ṭhanḍa cabaḱ, hoe daṛekoḱa ar amaḱ bapla jibon hạ̃s rạskạ do mạṭire milạukoḱa. Pasṭor hũyãte jãhãtis iń do bapla akan hoṛ muskilre paṛao akanko solhawako lạgit́iń diloi ocoḱa, onkan takre onkoaḱ muskilaḱ reaḱ gonḍa do ekalte bapla laha koṛa ar kuṛi apan ạpin cet́ lekan jibonkin biḱtạu kan tahẽkan onḍe hạbićiń pańja tioḱeda. Uni koṛa okoe ḍạṅguạ bidạlre apnar sambṛaoḱ bae cet́an, baplakate hõ ona do baṅgeye cet́ daṛeaḱa; onatem ńel daṛeaḱ kana je amaḱ mamla hõ bapla tuluć joṛaogea. Mit́ lekate do am do amren darakan bạhu cet́ com eṛan ocoyea nãhãḱ, cahe nitoḱ uniye okoeṭaḱ kan ạurim baḍayere hõ, menkhan khạṭige aben bana hoṛaḱ hạ̃s rạskạ do khatrarem paṛao ocoyeda.

Dulạṛiạ gate, komte kom mit́ṭeć dom bujhạua, Iń do amaḱ rạskạ bhaṅgaotam do bạń menjoṅ kana, bickom am rukhiạme sanań kana jemon noa jibon reaḱ sanam khon soros utạraḱ hạ̃s rạskạ lahare alom kharap giḍikaḱ. Judi naraṅgi bahatet́gem sit́le khan ona reaḱ jo do ohotet́gem cakha ạikạulea. Onate do alom bujhạua je jãhãnaḱiń recćet́mea mente, menkhan khạtirjomań emam kana je mon purun noa reaḱ́ kuṛại dom ńama hapen.

Acha iń hõ amaḱ Aphrika disom reaḱ kạhtuk reaḱ jobab iń emama: “Mit́ṭen kisạ̃ṛ juṭujoḱa mentem lega ạisạnkat́ tãhãma artet́gem ḍiṅgrạ dapoṛen.”

Boeha reaḱ dulạṛ johar selet́

gatetam

Mit́ṭen Koṛa Gidrạ

Mit́ṭen koṛa gidrại tahẽkana. Uni do gidrạ umere tahẽkanrege eṅgat́tet́ doe goć bạgi akadea. Ona iạte ać kạki ṭhenge tahẽkana. Engat́tet́ bạnuite uni gidrạ do okoege thoṛa hõ bako egerea. Kạkitet́ do ạḍi ãṭe dulạredekan tahẽkana. Mit́din uni gidrạ do Iskul khon mit́ gateaḱ kolome kombṛo ạguket́te ać kạki uduḱadea, menkhan kạkitet́ do jãhãn eger se mit́bar katha baṅ bakhẽṛkate boroṅe sarhaokedea. Onkage arhõ mit́din uni gidrạ do aćren gate aḱ oṛaḱ khon aṅroṕ kombṛo ạgukate kạkitaeye emadea, kạkitet́ do ona ńutumte arhõ bạṛtiye sarhaokedea.

Nonkage ńel ńelte koṛa gidrạ doe hara buru metaḱme juạnena. Harayen khane arhõ bạṛić hor sećge taṛamkeda, kạṭić-lạṭu joto lekan jinis kombṛo dhurạuena. Ado mit́din kombṛo jokhene saṕ ńamena. Ado uniạḱ bicạr do adalot re hoyen khan jiwi ṭonṭa se gujuḱ reaḱko hukumkeda. Ado idi lahareko kulikedea, amaḱ jãhãn sana menaḱtama? Menaḱkhanem lại sodor daṛeaḱa. Note kạkitet́ hõ uniaḱ gujuḱ sạjại ańjomte bogete moca bet́kate hũk hũke raḱeda. Ado calaḱ lahare uni koṛa doe menkeda, hẽ menaḱtińa, thoṛa iń kạki sãoiń ropoṛa. Ona menket́ torage ać kạki ṭhene senena ar luture gerketaete metadea, kạki am karontege teheń ińaḱ nonkan dosa. Pạhil khonge bạṛićaḱ khonem or ruạṛliń khan nonkan gujuḱ dosare ohoń paṛaokoḱa.

Sikhạuna: Hok-behok se bhage-bạṛić kạmi babotre gidrạko do kạṭić khonge sikhnạt se cecet́aḱ emako hoyoḱa.

JISU AR SAMARIẠREN MAEJIU

Jisu Samariạ disom talateye calaḱkan tahẽkanre, dãṛã laṅgayente Sukhạr naṅgraha bahrere menaḱ mit́ kũi ḍhipreye duṛuṕena. Ona takre mit́ṭaṅ maejiu naṅgraha khon daḱ loe hećena. Jisui metadea, Den, ńũi lạgit́ emańme. Uniye roṛ ruạṛadea, Am jihudi hoṛ cekate iń Samariạren mit́ṭen maejiu daḱem koyeń kana? Ente Jihudiko Samariạrenko tuluć bako duṛuṕ teṅgona. Jisui metadea, Amem baḍaele khan, Isor reaḱ dan ar okoe kanae am koeyet́menić, enḍekhan am unigem koekea ar uni do jivet́ daḱe emkema, Uni maejiue roṛ ruạṛadea, Loloteaḱ hõ bạnuḱtama, ar kũi do khạndrigea.

Jisui metadea, Do senkate amren jãwãe hoho ạguyem. Uniye roṛ ruạṛadea, jãwãe bạnugićtińa. Jisui metadea, Ṭhikgem menket́a! Ente 5 goṭen jãwãeko tahẽkantama, ar nit do okoe menaetam amren jãwãe doe baṅ kana. Uni maejiue roṛ ruạṛadea, E Baba, ńelet́ạń, am do mit́ṭaṅ nạbi kanam mente. Isor okare sewawae ṭhik hoyoḱa? Ale dole menet́a Gerisim bururege ṭhik, menkhan ape dope menet́a, Jirusalemrege ṭhik. Jisui roṛ ruạṛadea, Pạtiạuatińme go, okte hijuḱ kana one unre Baba do noa burure hõ baṅ ar Jirusalemre hõ bape sewawaea. Isor do Jiuge ar uni seḱwako do jiute ar sạriaḱte seḱwage cạhiye. Uni maejiu doe roṛ ruạṛadea, Mạsiye hećlenre jotowaḱkoe jạhirabona. Jisui metadea, Iń kangeạń uni do. Khange uni maejiu do kanḍa bạgi oṭoat́te naṅgrahateye calaoena, ar hoṛkoe metat́koa, Dela ńelepe mit́ṭen hoṛ, okoye lạiadiń joto okakoń ceka akat́, baṅ do unige Mạsi kanae? Ado naṅgraharen hoṛ Jisu ṭhenko oḍok calaoena, ar uni do onko ṭhen 2 sińe tahẽyena.