Mit́ṭeć huḍiń Cẽṛẽ uḍạu uḍạute thoṛa cetan seće uḍạu rakaṕenre reaṛte bo̠ro̠pena ar phaka maṭhre ńurhạyena. Onḍege mit́ṭeć Ḍaṅgra do ghãse ạtińkan tahẽkana.  Uni Ḍaṅgra do aćkage Cẽṛẽ cetanre ić got́keda. Ona gurićte Cẽṛẽ doe poṭomen rehõ lolote aćaḱ hoṛmo reaḱ bo̠ro̠p do golao cabayentaea.

Thoṛa ghạṛić tayom Cẽṛẽ doe pharnaoente gurić bhitrire duṛuṕkatege cero beroe ehoṕena. Un okte onkate Pusi parom calaḱkan tahẽkana. Uni do Cẽrẽ aḱ cero bero ańjomte gurić khon Cẽṛẽ or oḍoḱkedea. Ado oḍoḱ torage lakoṕ lakoṕe jomkedea.  

Sikhạuna-1: Jãhãe aḱ bạṛić kạmi je jao oktege am birudre kạmia nonka do baṅ hõ hoe daṛeaḱa. Menkhan onako modre adom do amaḱ bhạlạiye ạguia.

Sikhạuna-2: Muskil dosa khon jãhãeye rukhiạlem rehõ amren gate do bae hoe daṛeaḱa. Unige paseć amren maraṅ bạiri hoyoḱ.

Sikhạuna-3: Tinre maraṅ muskilrem paṛaoḱ, unre moca do bond dohoege bogea.

Sokol hiloḱ (9 February-2024) do Bochagonj, Dinajpur reaḱ Mohespur Ạdibạsi Iskul maṭhre Santali Seren Po̠ro̠b (Santal Music Festival) akhṛa do̠ bo̠ndo̠bo̠s akana. Noa akhṛa do̠e bo̠ndo̠bo̠s akada Santal Musicians Association Of Bangladesh (SMAB). Ar Media Partner lekate jopoṛaoe tahẽnkana The Santals Times.

Niạ dhao noa Santali Sereń Po̠ro̠b akhṛare Baṅgladisom reaḱ ado̠m ado̠m ṭoṭha khon namḍak sereń shilpi se gaenaha ko ar sereń do̠lko ko seledo̠ḱ kana. Seledo̠ḱ ko mo̠dre Shilpi Nirmol Murmu (Mon katha multimedia), sereń do̠l- Rilạmala, Taras, Aṭkar, Sarjom Baha, Kukmu, Atma, BirBaha, Aṛaṅ, Sãhẽt́, Hul, Ebhen, Juạn Jharna, ar Seṅgel dol.

Santali Sereń Po̠ro̠b hotete nawa nawa sereń shilpi-gaenaha, mạndạṛiạ, banam raja, tạriạ guru, giṭarisṭ ar onakoren laṛcaṛićko rakaṕ hạjuk ma samaṅ so̠do̠rre. Santali Sereń durạṅ rạṛ raha jo̠ bahaḱma. Dhạrti ṭuṇḍạṅre Santali jạt pạrsi, ạricạli, rạskạ reaḱ jaegako do maraṅ ṭhãore manote hameṭ ma. Noa Santali Sereń Po̠ro̠b napaete jemon hoe purạuḱ noa as ar keṭeć pạtiạu tahẽyena Santali Sereń Po̠ro̠b (Santali Music Festival) lạgit́.