Seta ar Gadha - The Santals Times

Mit́ ho̠ṛ ren ạḍi mońj seta ar gadhakin tahẽkana. Seta do̠ jao ghuṛige uni ho̠ṛaḱ jaṅga pheḍrey ạcur baṛaea. Kisạ̃r do̠ uni seta ạḍi kajaḱe dulạrede kan tahẽkana. Ar opsor kin ńam lekhan mit́tekin khiloḍa. Kisạ̃r do̠ bahre seće calao lenkhan ar ruạr oktere uni seta bakhra jomaḱkoe ạgu toraea.

Gadha do̠ noa ko ńelte seta ạḍi ãṭe hiṅsạwae kan tahẽkana. Mit́din gadha do̠ uni seta leka kisạ̃r aḱ jaṅga ṭhene ạcur baṛae kan tahẽkana. Gadhawaḱ maraṅ okoć ho̠ṛmo̠ante kisạ̃r samaṅrey ạcur baṛae kan ńelte kisạ̃r do̠ ạḍi kajaḱe raṅgaoena. Kisạ̃r do̠ raṅgaote gadhae thạiạ kedea are laga oṅḍok kedea. Ar cakor- bakore hukumat́koa, ‘ ma uni gadha do̠ piṭạuepe ar khunṭrire tolkaepe.’

Sikhạuna: Jo̠to̠ ho̠ṛ jo̠to̠ jaegare bako jojaoḱa.