Godagarire Ãoṛa Gãoṛẽte Santal Maejiu Gurena

Rajshahi jilạ reaḱ Godagari upạjilạre ãoṛa gãoṛẽte (Accident) Bibiron Hembrom (47) ńutuman santal maejiu gurena. Noa ghoṭnate arhõ bar hoṛkin akham akana. Sombar (10/04/23) amdaj cando hạsur 6:00 baja jokhen Lolitnogor-Kakonhat ḍahar reaḱ Sundorpur Juktipara atore noa ghoṭna ghoṭao akana.

Bibiron Hembrom (47) do Sundorpur atoren Jotin Soren ren oṛaḱ hoṛ kanae. Baḍae ńam akana, Bibiron Hembrom do ḍahare paromoḱ kan tahẽkana. Un jokhen ona ḍaharte Kakonhat calaḱkan mit́ṭen honḍar gạḍite tạkićena. Khange uni maejiu do tạkićen soṅge soṅgete onḍege gurena.