Ko̠ro̠na Reaḱ Tesar Ar Ponaḱ Doge Emo̠ḱ Bo̠ndena

Ko̠ro̠na ṭikạ reaḱ mạjut cabaen khạtir tesar ar ponaḱ doge emo̠ḱ ko bo̠ndkeda sastho odhidaptor. Nawa ṭikạ ạuri hijuḱ dhạbić noa kạmihora do̠ bo̠nd tahẽna.

Moṅgol hiloḱ (28 February) ńindạ ṭikạ bibhag ren program manager Dr.Abdullah Al Murad noa khobore lại lahakeda. Enre hõ ṭikạ centre kore ṭikạ menaḱte pạhil ar dosar doge emo̠ḱ kạmihora do̠ calao idiḱa. Enḍekhan Sinopharm selet́ eṭaḱ ṭikạ ko emo̠ḱa. Ṭikạ ghạṭti purun lạgit́te tesar ar ponaḱ doge ạgui reaḱ kurumuṭu calaḱ kana. Noa ko ńamoḱte arhõ 6 hapta gan okto jạruṛoḱa. Sastho Odhidaptor reaḱ khobor lekate, ko̠ro̠na virus birudre teṅgo daram lạgit́te sarkar do̠ 2021 serma reaḱ February cando ṭikạ emo̠ḱ kạmihora ehoṕ akada. Nit dhạbićte goṭa disomre pạhil doge ṭikạ ko ńam akat́ hoṛkoaḱ soṅkha 15 karoṛ 5 lakh 95 hajar.

Inạ turui cando badre dosar doge emo̠ḱ ehoṕena. Onka leka nit́ dhạbićte 13 karoṛ 69 lakh 99 hajar 942 goṭen hoṛ dosar doge ṭikạ ko hatao akada. Inạkate 2021 serma reaḱ December cando re tesar doge emo̠ḱ hõ ehoṕlena. Ar noa ko ńam akada 6 karoṛ 73 lakh 37 hajar hoṛko. Ar dosar doge ko ńam akat́ 51% hoṛ nitoḱ hõ tesar doge ṭikạ baṅko ńam akada. Calaoen serma reaḱ December cando ponaḱ doge emo̠ḱ ehoṕlena. Ar noa doge hatao akat́ hoṛkoaḱ soṅkha do̠ 17 hajar.



Rel Gạḍire dejoḱ ṭikiṭ get́ lagaoḱa Jạtiạri Oporum (NID)

Teheń khonaḱge nawa niạm se ạn lekate rel gạḍi reaḱ ṭikiṭ get́ hoyoḱa. Onate NID card jạṛuṛoḱ kana. Inạ selet́ arhõ thoṛa cukti se sorto hõ purun hoyoḱa. Bangladesh railway noa khobore baḍae ocokeda. Noa karonaḱte menet́ kana je, NID card ńel tạṅkhi katećge noa aḍepase se disomre calaoḱkan gạḍi ṭikiṭ, ṭikiṭ ńel jut reaḱ bebostha (point of sales) mesin reaḱ bonodol ar online hotete get́ akat́ ṭikiṭ online re ruạṛkaḱ reaḱ bebostha ehoboḱ kana. Ṭikiṭ get́ lạgit́te eyae goṭen ạn se hokum do batao hoyoḱa. Jemon do ṭikiṭ ạuri pạthạuṛi baṅ ạkhrińoḱ, bin kạuḍite gạḍire dejoḱ ko bạṛti mạsul emoḱ hoyoḱtakoa nonkan motlob katećge noa ạn do ehoboḱ kana. Cet́ cet́ ạn se hokum batao hoyoḱa:
1. 12-18 umeran kodo akoren gogo-babawaḱ ńutum ar NID card te ńutum ol caṛhao kateć se janam certificate apload talate ṭikiṭ ko get́ daṛeaḱa.
2. Bahre disomren metaḱme Bidesi ko do passport nombor emoḱ ar passport chubi apload talate ṭikiṭ ko get́ daṛeaḱa.
3. Pusṭạute NID/passport/janam certificate begor ńel jut te okoe hoṛ hõ ṭikiṭ ohoe get́ daṛekea.
4. Gạdire dejoḱkan hoṛ do aćaḱ NID se janam certificate reaḱ photocopy se passport/chubi soṅgete dohoe hoyoḱa.
5. Ṭikiṭ cetanre chapa akan hoṛaḱ oprom NID card são baṅ milạulenre uni hoṛ do bin kạuḍite deć akan mente lekhaḱa ar emakan ạn lekate bebostha hataoḱa.
6. Gạḍire dejoḱko  16 February cand 2023 tạrik kho̠n apnai oporom  NID, Janam nibondhon nomber ar Passport nomber hotete  Baṅgladesh Railway System re ńutum oc caṛhao kate rel gạḍi reaḱ ṭicketko get́ dareaḱ kana.
7.  Diso̠m reaḱ bibhagio naṅgraha korenaḱ station kore ńutum olcaṛhao se registration lạgit́ mit́ gopoṛo ṭhại ńamoḱa.


Primary Reaḱ Briti Biḍạu Bondena

Moṅgolbar (28 February) Prathomik ar Gonosikha montronaloy khon briti biḍạu reaḱ jo sodor akana. Ar noa briti biḍạure irạlgel bar (82) hajar, pe sae irạl gel pe (383) goṭen pạṭhuạ gidrạ briti biḍạureko bachao akana. Menkhan jo sodor torage ńuhum jokhen DPE khon briti biḍạu bond reaḱko goṭa akada. DPE aḱ khobor lekate baḍae ńamoḱ kana DG office khon kol akan E-mail re jo sodor baron ge tahẽkana. Upạjilạ sikha ạpiser ko hotete joto iskulren headmaster ko baḍae ocoko reaḱ katha men akana.

Moṅgolbar (28 February) mit́ dupuṛuṕ re Prathomik ar Gonosikha protimontri Md.Zakir Hossen 2022 serma reaḱ briti biḍạu reaḱ jo sodor akada. Ona sodor lekate niạ dhao laser hataṅ ko modre (talent pool) te bachao akan 33 hajar ar sadharon grade te 49 hajar 383 goṭen pạṭhuạ briti ko ńam akada.