Teheń Maṭhreko Pheḍoḱ Kana Argentina

Ạḍi jobor rạskạ khobor. Cedaḱje Teheń Moṅgolbar (22 November) Bissokap reaḱ enećreko pheḍoḱ kana Lionel Messi ar aćren celako. Niạ dhao Bissokap enećre Argentina do Saudi Arabia birudhreko eneć ńapamoḱa. Ar eken mit́ ghạṛi tayom khonaḱge teheńaḱ khilạḍ haparao do ehoṕ lạgidoḱ kana. Dhinạn ber 4:00 baja khonaḱge noa khilạḍ haparao bon ńel ńama. Ona lạgit́te eneć néńelko ma tạṅgi tãṛãḱre tahẽntabonpe.

Teheń oka ko disomren dolko eneć ńapama, ona reaḱ tạlikạ:

Argentina-Saudi Arabia

Dhinạn ber 4:00 baja khonaḱ.

Denmark-Tunisia

Ńindạ 7:00 baja khonaḱ ehoboḱa.

Mexico-Poland

Ńindạ 10:00 baja khon.

Iran birudh reko jitạuena iṅgleṇḍ

Bissokap Ṭurnameṇṭ reak̕ dosar khilạḍ rege Gol reak̕ ḍubạ dak̕ ńelena. Iran birudhre 6-2 golte jitạu katet̕ bisso̠kap lạṛhạiko eto̠ho̠p̕keda iṅgleṇḍ . Joṛa gole emakada Bukao Saka . Juḍ beliṅham, jek grilish, rahim isṭarliṅ, mạrkus rashphorḍ takoak̕ golte ḍubạdak̕re ko ạtu calaoena iran.

Jirạu laharege 3 golko ho̠jo̠m utạrkeda iran . 35 miniṭre Beliṅham pạhil gol do̠e sạrdileda. Ona tayo̠m isṭarliṅg , Saka jirạu(biroti) laharege 3-0 golte iṅgleṇḍko laha idiket̕koa .

Iṅgleṇḍ ar Iran e̠ne̠c̕ aema kakhante khilạḍ laha kho̠n ge kho̠bo̠r kago̠jre tahẽ̠kana . Iṅgleṇḍ ren phuṭbolarko ONE LOVE armbeṇḍ ho̠ro̠k̕ lekhange sạsti reak̕ jhuki tahẽ̠kantakoa. Note , iran disạmre maejiu laṛanao lạgit̕ jahan sombat sandesko emok̕kana se baṅ , onte hõ̠ ho̠ṛkoak̕ ko̠yo̠k̕ tạṅgi tahẽ̠kana .

Hijab baṅ bandek̕ reak̕ doste disạmren Mowlobadiko ṭhen jivi calaoen taea Mahsa Aminiak̕ . Noa niạte disạm re goṇḍogol calak̕kana. Note , jo̠nto̠r reak̕ bhejal kakhante do̠rso̠kko niṭ akat̕ okte laharege maydanre ko bo̠lo̠ena .

Noṅkan saṅge ghoṭona khilạḍre iran do̠ bisso̠mo̠ńco̠ re lajaoreko paṛaoena turui gol jomkatet̕ . Pạhil bhag rege iran ren golkipar Ali Reja Beiranbhand do̠ bo̠ho̠k̕ reye bajao ocoente maydane bạgiada isṭrecar te . Ac̕ren saotenic̕ Mojid Hoseini sao teye tạkic̕ daramente bo̠ho̠k̕ reye bajao ocoena .

Jirạu tayo̠mge arhõ̠ mit̕ṭen gol katet̕ Bukao Saka jitạu reak̕ pharake bạṛti oṭokada. Iṅgleṇḍ ren Mạrkus Rashphorḍ ar Jek grilish arhõ̠ barea gol katet̕ bebodhankin ḍherkeda . Nunạk̕ ḍher gol ho̠jo̠mre hõ̠ gol reak̕ pharake komaoakada Iran ren Mehedi Taremi . Khilạḍ reak̕ 65 miniṭ re jhakas mit̕ṭen gole ạdạileda. Ona tayo̠m penalṭi kho̠n arhõ̠ mit̕ṭen . Nasenak̕ jạrsi o̠r sap̕ khạtir iṅgleṇḍ birudhre penalṭi reak̕ hursele o̠ro̠ṅkeda Rephari . Ona penalṭi khon dosar gole ạdạikeda Mehedi Taremi.

Mucạt̕ sec̕ iran ren mesi ńutuman Sordar Ajmown arhõ̠ mit̕ṭen gole ńam daṛekea. Menkhan ạḍi taogar gole bańcao ocokeda iṅgleṇḍ ren golkipar Jorḍan Pikphorḍ . Iṅgleṇḍ do̠ 6-2 golte jitạute ạḍi rạskạko do̠n kocoṛkeda .

Sombat halaṅ tumạl: Somoy Tv news

Torjoma: Ńele Rasa

Cedak̕ Jạtiyạ sereń bako sereńleda iran phuṭbo̠larko

Hijabbirudhi laṛanaote seṅgelakana iran disạm. Niạdhao disạmren laṛanaoko sec̕ so̠mo̠rtho̠n emkatet̕ bisso̠kapre khilạḍ pheḍtora ge protibadko baḍae ocokeda iran ren phuṭbo̠larko. Som hilạk̕ (21 nobhembo̠r) Kholipha antorjatik isṭeḍiam maydanre iṅgleṇḍ birudhre khilạḍ pheḍkatet̕ jạtiyạ sereńre luṭi bako laṛaoleda Ali Reja – Jahanbo̠khs tako. Bisso̠kap lekan haparaore khilạḍok̕ do̠ ạḍi maraṅ go̠ro̠b reak̕ kathakana. Jạtiyạ sereń calak̕ okte rạṛ milạu, abegre paṛaok̕ reak̕ beparko do̠ ńel baṛak̕ gea. To̠be phuṭbo̠lpuri niạ dhaoko ńelkeda judạ lekanak̕ bepar. Bisso̠kap khilạḍ phe̠ḍ katet̕ iran phuṭbo̠larko jạtiyạ sereń ma bako sereńlet̕ , bo̠ro̠ṅ sereń calak̕ okte thir hapegeko teṅgo thir tahẽ̠yena. Noa drissho̠ do̠ samajik miḍiare ho̠ydak̕ leka pasnao go̠t̕ena. Tobe khilạḍ eho̠bo̠k̕ lahare ge iran ren do̠lnetae lạileda, disạmre sorkarbirudhi laṛanaore somorthon lạgit̕te oṅko jạtiyạ sereń bako sereńa, ona do̠ purạ do̠lgeko goṭa do̠ho̠akada. Bar cando lahare pulisak̕ hajo̠tre Mahsa Amini ńutuman mit̕ maejiuak̕ gujuk̕ tayo̠m kho̠n ge ṭalmaṭal cabaoakana iran disạm. Islam ripalik reak̕ kicric̕ niyo̠m-niti baṅ manao reak̕ nạliste tehran kho̠n giripdar reak̕ pe maha tayo̠m gei go̠c̕ena 22 serma umạran Mahsa Amini. Ona tayo̠m khon ge hijabbirudhi protibadte ṭalmaṭal utạrakana Iran. Ona laṛanaore so̠mo̠rtho̠n katet̕ soṅgoko baḍae ocokeda phuṭbo̠larko. Ona bego̠rre hõ̠ isṭeḍiam gelariren aema do̠rsho̠kkoak̕ protibad ńel tiạk̕ena