Day: November 20, 2022 - The Santals Times

Sạnicar (19 November) tikin ber 12:00 baja okte Rajsahi reaḱ Godagari Upạjila, Mohonpur Union reaḱ Babudang atore Kolhe jạtigosthiko Nạ̃wạ̃i Porob ko manaokeda. Noa Nạ̃wạ̃i Porob akhṛa do Kolhe koaḱ Khebel Kheca eneć talateko ehoṕkeda. Noa akhṛare aḍepase ṭoṭha ar Sikhnạt ṭhaõna khon heć seṭerakan legcar (sanskritik) dolko selet́lena. Ar noko selet́akan dolko talare eneć sereń haparao do hoyena. Ona akhṛare atoren mạńjhi haṛam Katrik Tudu aḱ ạkyurte manotan peṛa lekate selet́e tahẽkana Mohonpur Upojila porisod ren Chairman Khairul Islam.

Inạ chaḍakate hõ selet́ko tahẽkana SIL International Bangladesh Associate ren maraṅ mukhiạ Pintu Albert Piritch, National Agency For Green Revolution (NAGR) ren Program Officer Prodip Hembrom, Jatiyo Adivasi Porisod Naogaon jila ren Adviser Joynul Abedin, Chapainawabgonj ren Prothom alo ren khoboriạ Anwar Hosen, Banudang Alor Pathsala ren Maraṅ mahasoe Ali Uzzaman Nur, SIL ren Rajshahi Area Manager Nikolas Murmu, ar ona sãote selet́e tahẽkana Kolhe jạtigosṭhikoren mukhiạ Ramdas Hasda, Rumali Hasda, Uzzal Hasda. Ar noa akhṛare ạḱyurre tahẽkana SIL Area Supervisor Iarael Hasda.

Nạ̃wạ̃i Porob ńutumte akhṛare eneć sereń haparao, galmarao sabha do hoyena. Noa akhṛa do Samar Institiute Of Linguistic (SIL) International Bangladesh bondobos se goṭa lekate Babudang Alor pathsala maedanre hoe purạuena.

Kolhe jạtiko modre Akhṛare Rumali Hasda do nonkae roṛ sodorkeda, Ale Kolhe jạtkoaḱ ḍherkaetege jumi –jaega do bạnuḱtalea. Khas jumirele girobasoḱ kana. Prosason ṭhenle calaoakana. Menkhan jumi reaḱ nit dhạbit́te jãhãn bebostha se mimaṅgsa bale ńamakada. Oka pukhri aṛerele basoḱkan ona hõ eṭaḱ hoṛko cas-abadoḱ kana. Ona hõ baṅle ńameda. Noa disomre Rohinga ko ṭhạ̃iko ńameda, menkhan ale do ona tahẽn ṭhạ̃i khonaḱ hõle laga ocoḱkana. Enḍekhan oka sećle calaḱa.Boma ko giḍilere hõ oka sećge calaḱ reaḱ jãhãn jaega banuḱtalea. Baṅgladisomren hoṛ kanale, noa disomregele tahẽna.

Inạ chaḍa manotanko menkeda, jemon ạdivạsiko akoaḱ legcar ar paltur ko rạkhi jogao. Ạidạri hameṭre mit́te tahẽn Ar sãotare jagwar se aodhan babotreko cehaoket́koa. Enḍekhan ạdivạsiko akoaḱ ạidạri hameṭreko jitkạr daṛeaḱa. Akhṛa mucạt́re 2023 sermaren gelbar (12) goṭen SSC pạthuạko sikhnạt goṛoko emat́koa ar gharońjre lahanti se kạuḍi sõcjoṅ lạgit́te barea maejiu do silại mesin ar ona sãote eyae gel (70) goṭen pạṭhuạko talare sikhạt goṛo metaḱme khata, kolom ko em hạṭińat́ko. Ona chaḍa hõ Noa akhṛa re legcar do̠lko okoe eneć sereń haparao reko selet́len, ona ńutumte jitạu akanko puruskar ko em hạṭińat́koa.

Nạ̃wạ̃i Porob Ko Manaokeda Kolhe Jạtigosṭhiko