Niạko dinre hạṭiạ bajarre joto lekan jinis-pạtiko reaḱ dam ạḍige ḍher akana. Metaḱme Horoḱ bandenaḱ  khon ehoṕkate sạbji se ututeaḱ ar din hiloḱ jạruṛoḱ kan jotowaḱ jinis.Onka leka Utu sunum (soabin) reaḱ dam hõ liṭer re 12 ṭaka ḍherente 190 ṭaka kateć paṛaoena. Eken ona eskar do baṅa cini reaḱ dam hõ 13 ṭaka ḍherente kegi re 108 ṭaka kateć paṛaoena. Ar teheń khonaḱge hạṭiạre noakin jinis reaḱ dam do ḍherena.

Nonkage bại bạite jotowaḱ jinisko reaḱ dam ḍher calaḱkante reṅgeć nacar hoṛkoaḱ jion ar gharońjre muskil do heć paṛao akana. Bạṛtikate reṅgeć nacar hoṛko ạḍi obhab ar ṭontạ talate dinko khemao hoyoḱkantakoa. Ente  jạruṛ jinisko ohoko kirin kulạu daṛeaḱ kana. Sạrige jotowaḱ reaḱ dam nonkage ḍher idilen khan eken reṅgeć nacar hoṛko do banȧ joto hoṛge ạḍi haron dosare paṛaoḱ hoyoḱtabona.

Secondary School Certificate (SSC) biḍạu reaḱ jo̠ do̠ darakan 28-30 November bhitrite so̠do̠ro̠ḱa mente Madhomik ar Uchomadhomik Sikhnạt board ren Chairman Topon Kumar Sarkar-e lại so̠do̠r akada.

Baḍaeabon je, SSC biḍạu do̠ jao sermage March cando hoe baṛaḱa Menkhan Niạ dhao do̠ korona virus ar jãhãn karonaḱtege okte nạpitre baṅkate ạḍi bilomtege hoe purạuena. Metaḱme nes reaḱ biḍạu do 15 September ehoṕlena. Ar ona biḍạure bergel (20) lakh bargel mit́ (21) hajar irạl sae turui gel irạl (868) goṭen pạṭhuạko bidạureko selet́lena. Ado ona bidạu reaḱ jo̠ do̠ 28-30 November bhitrite so̠do̠ro̠ḱ lạgidoḱ kana.