Rajshahi jilạ, Tanor upạjilạ reaḱ 2 no.Badhair union reaḱ Ramdev Asroyon Prokolpo-2 Sarkari Primary School maṭhre din bhor kuṛikoaḱ phuṭboll khilạḍ haparao hoe purạuena. Noa khilạḍ haparao do Jumarpara Golden Club aḱ bondoboste Sokolbar (02 August) hoyena. Sokol hilok din bhor kuṛikoaḱ khilạḍ haparaore irạl (8) goṭen ạdibạsi do̠l ren kuṛiko selet́lena.

Noa do̠l kodo hoyoḱ kana-

1. Dhamdhum Ruposi Bangla Akdados Phutbol do̠l
2. Jhinaikhor Mohila Phuṭboll Akados do̠l
3. Jhaljhalia Toruni Akados Phuṭboll do̠l
4. Guccho Gram A.F.C Phuṭboll do̠l
5. Sitpur Akados Phuṭboll do̠l
6. Amotpur D.C phuṭboll do̠l
7. Sopnopolli Akados Phuṭboll do̠l 
8. Tanor Oikojot Abar Asibo Fire Phuṭboll do̠l.

Mucạt́ dhạbić 8 goṭen do̠l modre bar do̠l kin ṭikạu tahẽyena. Noa do̠l do Dhamdhum Ruposi Bangla Akdados Phutbol do̠l ar Tanor Oikojot Abar Asibo Fire Phuṭboll do̠l.

Mucạt́ khilạḍ metaḱme final khilạḍ re Dhamdhum Ruposi Bangla Akados Phuṭboll dol do tribekar re Tanor Oikojot Abar Asibo Fire do̠l ko bhagaokate 03-01 pharak go̠lte ko jitạuena.

Puthia nagraha reaḱ mit́ṭen Footboll club metaḱme Puthia Footboll Academy. Noa Academy ren mit́ṭen kheloḍiạ Sumon Soren Modhu. Nui do Baṅgladesh becetan-19 dol seć khonaḱ enejoḱ lạgit́ Sri Lanka calaḱ lạgit́ mońj mit́ṭen ạte ńamkeda. Nonkage jemon santal kuṛi-koṛa kheloḍiạko mońj ạt ńamkateć ko laha daṛeaḱ. Noa as tahẽn kana. Cedaḱ je, noa khorbor do sanam santal jạti gosṭhiko lạgit́ rạska ar gorob reaḱ bisoe kana.   

Nunạḱ mońj ạt́em ńamket́ ńutumte Santals Times seć khon aema aema johar ar sarhaole emam kana. Ma nonkage laha calaḱme ar jemon am hotete sanam santal kheloḍiạ kuṛi-koṛa ko monre udạgạu ar kurumuṭu heć akoma.