Utạrboṅgo Adivasi Forum aḱ bo̠ndo̠bo̠ste Chapainawabgonjre (9 August) ạdivạsi mãhã ko manaokeda. Ạdivạsi Mãhã ńutumte galmarao sabha, michil, rạskạjoṅ akhṛa selet́ aema lekan kạmihora talate noa mãhã ko manaokeda. Ona jo̠khenge ạdivạsi hisạbte akoaḱ ạri cạli, hok aidạri (sangbadhanik sikriti) babot selet́ turui (6) goṭen katha se dạbi ko lại sodorkeda.

So̠do̠r, Nachol ar Gomostapur upạjilạ reaḱ mimit́ atoren ạdivạsi ko Chapainawabgonj reaḱ Fire Service moṛ re ko heć samṭaoena. Inạkate onḍe kho̠naḱge mit́te hoho ko ehoṕket́te (rally) ona so̠ho̠r ạḍepase ạcurkate Nawabgonj Sarkari College ṭhenko mucạt́keda. Inạkate thoṛa ghạṛi eneć sereń baṛakate galmarao ko ehoṕkeda.

 Khan Utạrboṅgo Adivasi Forum aḱ chapa so̠do̠r ‘Madol’ puthi-e uchạnkeda Nawabgonj College ren Professor Shankor Kumar Kundu.Utar Bongo Adivasi Forum, Chapainawabgonj jilạ ren sabha mukhiạ Cornelius Murmu aḱ ạyurte akhṛare katha ko roṛket́ manotako, Nawabgonj Sarkari College re professor Mn.Shankar Kumar Kundu, Shibgonj Adina College Sorkari Fazlul Hoqe College ren bharapon professor (Odokho) Mn.Mazharul Islam,Forum ren central Mn.Hingu Murmu, Adivasi ren ạyurić Mn.Jotin Hembrom, Kutila Rajowar, Subash Kerketa selet́ arhõ eṭaḱko.Noa akhṛare turui goṭen dạbi se khojoḱaḱ cetanre kathae roṛkeda Bangladesh Communist party ren Chapainawabgonj jilạ bibhạg ren sạbik Sayedul Islam, Jilạ jaskoren sạdại sompadok Moniruzzaman Monir,Jilạ pujạ udjapon porisod ren Dablu Kumar Ghose, Adv.Yasmin Sultana.

Noa akhṛa sawaliạ ko do roṛ saḍekeda je, sạrige Baṅgladisomre ạdivạsi ko ạḍi leka ko koclon ocoḱ kana. Akoaḱ hok ạidạri baṅko ńameda. Jumi jaega kho̠nko eḱṛe ocoḱ kana. Nonkanaḱ muskil do ạdivạsi ko talare menaḱa.Onate hok ạidạri ńam babotre dạbiko dohokeda.

 Noa sabha se akhṛare turui goṭen dạbi lại saḍekeda Prodip Hembrom. Ona do̠ nonka kana:

1. Ạdivạsi mente baṅ lekhaḱ lạgit́te okaṭaḱ lại sạde akan ona hukum se sarkari ạn lekate rakaṕ.
2. Ạdivạsi hisạbte sangbadhanik sikriti metaḱme hok ạidạri
3. .Soman ilạkaren ạdivạsi lạgit́ judạ Commission bandhao lagaḱa.
4. Soman ilạkaren Ạdivạsi ko seć khon soṅsod re dohoko hoyoḱa.
5. Minority Commission bandhao hoyoḱa.
6. Utạrboṅgo ren Ạdivạsikoaḱ jion jingi lahantire okulạnaḱ ko jạtiya budget (National Budget) ḍher ṭakae do̠ho̠e lag̕aka.

Moṅgolbar (9 August) Chapainawabgonj jilạ reaḱ Amnura Mission re The Santals Times reaḱ dosar serma dinisạ mãhã ńutumte mit́ akhṛa hoe purạuena. Ńel ńelte mit́ serma paromente hola din do̠ The Santals Times bar sermae purạukeda. Noa din do̠ ạḍi mońj ar jomokte manao hoyena. Santals Times reaḱ dosar serma dinisạ ńutumte pạhilre rally hoeyena. Inạkate  galmarao, cake get́ ar mucạt́re rạskạ eneć sereń reaḱ akhṛa hoeyena. Noa akhṛare amdaj irạl ge̠l (80) cetan hoṛko selet́lena.

Noa akhṛare Manotan ko santal pạrsi , lakcar rạkhi jogaore ạḍi mońj ar daman daman kathako lại saḍe akada. Metaḱme santali ạri-cạli saṕ doho cetanre selet́ akan hoṛko udgạuket́koa. Ar inạ chaḍa hõ apnar pạrsi metaḱme santal pạrsite golpo, onoṛhẽ oloḱ babotreko udgạuket́koa. Jemon nãhãḱ jugren oloḱ paṛhaoḱ kan gidrạko apnar pạrsite ol arko paṛhao daṛeaḱ. Sạrige selet́ akan hoṛko akhṛa talate santali babotre besko aṭkar daṛeada.

Ente baḍaeabon Santals Times do̠ ho̠ṛ hoponaḱ ạricạli,lakcar-paltur rạkhi jogao lạgit́ge  kurumuṭu kana. As menaḱa noa Santals Times bại bạite arhõ hara buruḱa. Sanam manotanko noa as ar bhorsako dohokeda.

Santals Times reaḱ dosar serma dinisạ mãhã akhṛare Manotan peṛa hisạbte selet́ko tahẽkana NAGR ren maraṅ mukhiạ Mn.Stephen Soren, Mn.Markus Murmu,Mn.Soban Kisku, Mn.Hingu Murmu, Mn.Sontosh Tudu, Mn. Subash Baskey, Mn.Subash Hasda. Noa goṭa akhṛae ạyurkeda Prodip Hembrom.

Arhõ selet́ko tahẽkana Emmanuel Mardi, Sumitra Murmu ar Promila Hasda. Khạtige eneć sereń durạṅte akhṛa do̠ andoṛ cabalena. Ạḍi napaete noa akhṛa hoe purạuena.

Teheń do̠ Moṅgolbar (9 August) mit́ṭen bises din kana. Jao serma reaḱ 9 August do Ạdivạsi Mãhã mente manaoḱ kana. 1994 serma reaḱ jatisoṅgho goṭawaḱ lekate, 1995 serma khon 9 August do noa ạdivạsi mãhã mente goṭa dhạrtiren amdaj 30 karoṛ ạdivạsi ko manao ạgueda. Baṅgladisom do̠ 2004 serma khon noa ạdivạsi mãhã ko manaoeda. 

Teheń Baṅgladisom reaḱ mimit́ ṭoṭha se jaegare noa dinko manaoeda adivạsi ko. Baṅgladisom reaḱ utạr-pạchim nakha Rajshahi ar Rangpur bibhạg reaḱ jilạ Chapainawabgonj, Rajshahi, Pabna, Naogaon, Nator, Sirajgonj, Joypurhat,Dinajpur, Thakurgaon, Gaibandha, Bogura eman jilạre Santal, Sing (Gonju), Orao, Mundari,Bedea mahatto, Rajowar, kormokar, Teli Turi, Kol, Paharia, Mahali nonkan aema jạtiko basoḱ kana. Ar Parbotto Chottogram (Rangamati, Bandorban, Khagrachori) Chakma, Marma, Tripura, Lusai, Bom, Mro, Khumi, Khiyang, Pankhoa ar chak jạti-gostiko basoḱ kana.

Onkage Baṅgladisomre menaḱko mimit́ jạti-gosthiaḱ mimit́ lekan pạrsi menaḱa. Metaḱme baṅgla chaḍa hõ 40 goṭen pạrsi do̠ menaḱa. Ạdivạsi Mãhã manao reaḱ motlob do̠ ạdivạsi hoṛkoaḱ mạnmi ạidạri, nijaḱ ạricạli rạkhi jogao se poribes lahanti, sikhnạt se jãhãn eṭketõṛẽ ko khon rukhiạ lạgit́ antorjatik se International lekate goṛo-gopoṛo ńam lạgit́te noa din se mãhã do manao hoyoḱ kana. Cedaḱje, nij pạrsi nij ạricạli jogao joton re abowaḱge maraṅ dạyik kana.

Baḍaeabon je, calaoen Sạnicar (6 August) do̠ Disomre Jo̠to̠ lekan juluḱaḱ sunum reaḱ dam ḍher akana. Ar ona dam ḍheren khạtir nit bajar ghaṭre jo̠to̠ jinis ko reaḱ dam hõ ḍherena. Araḱ sakam sạbji, je̠l-hako, bele, mae-mo̠so̠la emanteaḱ jo̠to̠aḱ reaḱ damge ḍherena. Eken inạ do̠ baṅ hoṛ dejoḱ gạḍi ko reaḱ bhaṛa hõ ḍher akana. Ado̠m ado̠m Gạḍi ko re bạṛti bạṛti bhaṛa ko khoj kana. Bar din reaḱ pharaḱte jo̠to̠waḱ damge nonka ḍher cabayena.

Noa khạtir reṅgeć oreć kiriń jo̠met́kan hoṛko muskilreko paṛao akana. Menkhan bajar são jopoṛao menaḱko sarkari songstha ren aema lekan apiser ko noa babotre bhorsa ko em akana je̠, ạḍi usạrage noa ko dam babotre todarot hoyoḱa. Ar okako jinisko dam ḍheroḱkan ona ko̠mti reaḱ kurumuṭui hoyoḱa.

Dinajpur reaḱ Nawabgonj upạjilạ re khetre kạmikan okte mit́ṭen santal casa ce̠ṭe̠r ńutei goćena. Teheń Sạnicar (06 August) setaḱ 10 baja jo̠khen upạjilạ reaḱ Gopalgonj union reaḱ Khatkhatia Krihnapur atore noa ghoṭna ghoṭao akana mente Nawabgonj thanaren OC Ferdous Wahid do̠e baḍae ocokeda.

Pe̠ gel irạl (38) serma umerren uni santal casawaḱ ńutum do̠ Robin Soren. Uui do̠ ona atoren Baburam Soren ren koṛa kanae. OC Ferdous Wahid do̠e baḍae ocoakada je̠, Robin Soren do̠ oṛaḱ reaḱ khetge lo̠so̠t́et́ tahẽkana. Onate ṭilar te si kan tahẽkana.

Menkhan ackage daḱ hećente huḍur bijlilkeda. Khange Robin Soren ṭhenge ce̠ṭe̠r ńurente soṅge soṅgete onḍege goćena. Inạ tayom aḍepase hoṛko uniaḱ mạ̃ṛĩ udhạrkate oṛaḱteko idikeda.

Tumạl: bdnews24.com

Baṅgladisomre jo̠to̠ lekan juluaḱ sunum reaḱ dam ḍherena. Baṅgladisom sarkar do Sokolbar ńindạ jo̠to̠ sunum reaḱ dam nonkae ḍherkeda. Metaḱme Ḍigel ar Kerosene reaḱ dam liṭer re 34 ṭaka ḍherente 114 ṭaka, ar  Peṭrol hõ onkage liter re 44 ṭaka ḍherente 130 ṭaka kateć paṛaoena. Ar Octane reaḱ dam hõ liṭer re 46 ṭaka ḍherente paṛaoena 135 ṭaka liṭer.

Jo̠to̠ lekan juluaḱ sunum dam ḍherente bus, Launch ar truck ko reaḱ bhaṛa hõ ḍheroḱa. Jo̠to̠ lekan gạḍi ar honḍar gạḍi caḱlaokoaḱ khoroc hõ ḍheroḱa. Baḍaebon je, nit bajar ghaṭre amdaj jo̠to̠ jinis ko reaḱ dam ạḍige ḍhera. Arhõ nonkage jo̠to̠waḱ ḍherlen khan sanam hoṛko ạḍi muskilreko paṛaoḱa.

Cedaḱje, Jalani Protimontri Nasrul Hamid hola Sokolbar (05 August) aćaḱ oṛaḱre khoboriạko são gapalmarao okte lại saḍekeda je, Bijli bạti ar gas reaḱ dam arhõ mit́ dhao ḍher daṛeaḱa.

Onka leka Bhokta Odhikar Songothon Cab-ren sabha mukhiạ Shamsul Alom hõe menakada mit́ ńindạte jo̠to̠ sunum dam ḍherente jo̠to̠ hoṛkoaḱ jionre maraṅ mũhĩn/muskil do heć paṛaoḱa. Ente noa khạtri nit jo̠to̠waḱ reaḱ dam ko ḍher daṛeaḱa. Ar sạrige bạṛtikaete durib se (agricaltural sector)  gạḍiko re ar bajar ghaṭ re  jo̠to̠ ṭhạ̃irege arhõ jo̠to̠waḱ dam ḍher dareaḱa.

Nonkage calao idilen khan reṅgeć oreć hoṛko ạḍi haronre paṛaoḱ hoyoḱtabona.

Antorjatik (international) ṭhạwi/stage re arhõ Jangalmahal reaḱ Belpahari reaḱ ńutum do̠ ḍigḍgạuena. Jhargram jilạ reaḱ Belpahari ren kuṛiko ar mit́ dhao ko uduḱkeda je, sạrige nirạite teńjao (training) ńamlere, ar apnarte sạbudoḱ lạgit́te onkan ṭhạwi le ńam lekhan, Jangalmahal ren kuṛiko  jao ghuṛige khilạḍoḱ lạgit́ saṕṛao akae menaḱkoa.

Calaoen 30 -31 July Netaji Indoor Stadium re “6th international karate re championship khilạḍ hoyena. Noa haparaore Belpahari ar Binpur ren moṭre mõṛẽ goṭen do̠lko selet́lena. Onko modre pe̠ hoṛge judạ judạ ko ṭhạ̃iana. Noko modre Sagorika Kisku Binpur thanaren Sildarey basoḱ kana. Nui do̠ Silda Shree Shree Saradamoyee biddapith iskul re irạl aḱ kelas re paṛhaoḱ kana. Sagorika do̠ kumite bibhạg re tesaraḱ  ṭhạ̃i-e ạidạriana.

Onka leka Amrita Mahat ar Tamalika Mahat hõ Belpahari thanaren Sondapara ṭotha reaḱ Shimulpal atoren kanakin. Amrita Mahato do̠ Kapgari College re pạhil bo̠rso re paṛhaoḱ kana, Ar nui do̠ Kata bibhagre dosaraḱ re ṭhạ̃iana. Onkage Tamalika Mahat hõ Murari S.C. High School ren pạthuạ kanae, nui hõ Kumite ar kata bibhg banarege tesaraḱ re ṭhạ̃i-e hameṭkeda.

Noa haparao ren trainer Bhulaveda atoren Sensi Utom Mahat do̠e menkeda, Noko kuṛi gidrạko jo̠to̠ge ạḍi kurumuṭute teheń noa jaega ko hećakana. Menkhan darakan dinre arhõ bạṛti khaṭaoḱ hoyoḱa ar kurmuṭui hoyoḱa. Ona lạgit́ jaoge hoṛmo bhańjao ko calao idi jaruṛ kana.

Mucạt́re noageń mena je, Baṅgladisom seć khon ape lạgit́ tahẽn kana aema aema johar ar sarhao. Ma nonkage laha calaḱtabonpe.

Teheń do̠ August cando reaḱ dosaraḱ din. Metaḱme Moṅgolbar (2 August).  Baḍeabon je̠, August cando do̠ ạḍi duk ar bhabnawan cando kana. Ente noa cando do̠ Baṅgladisom re jo̠to̠ khon bạṛićaḱ kạhni ghoṭaolena. Cedaḱje, 1975 serma 15 August reaḱ niạ dinre mit́do̠l ulbuliạ bạṛić hoṛko hotete Baṅgladisom sạdhinren kạrigol ar jạttikoren baba Boṅgobondhu Shekh Mujibur Rahman sãote oṛaḱ hoṛko goć ocolena. Onate Itihãs sakamre ona din do̠ jo̠to̠ khon bạṛić din mente lekhaḱ kana.

Boṅgobondhu ren oṛaḱ hoṛ Shekh Fajilatunnesa, Koṛa Shekh Kamal, Shekh Jamal, Shekh Rasel, Boṅgobondhu ren koṛa boeha Shekh Abu Naser. Noko jo̠to̠ do̠ onko ulbulại bạṛić hoṛkoaḱ guliteko ṭhu goćena.

Boṅgobondhu do̠e tahẽkana disom sạdhinren kạrigol ona sãote sanam reṅgeć oreć hoṛkoren as bhorsa. Nuiaḱ udgạutege disomren sanam hoṛko dil are daṛeko ńamleda. Ar mucạt́ dhạićte noa Baṅgladisom are cando lạṛhaikate ko sạdhin akada.