Meskoć

Meskoć

Chin doye menet́ kana-

Ale disomre setako skuṭi gạḍiko calaoet́ kana.

Onka leka America hõe mengot́keda-

Ale disomre hõ co̠ pusi ko pon cãk gạḍiko calaoet́ kan.

England hõe menkeda-

Ale disomren gạ̃ṛiko ma jahaj ko calaoet́kan.

Onkage Bharote menkeda-

Hẽ, sanamaḱge bogegea. Menkhan cedaḱ nunạḱ hahaṛa do?

Ale disomren gadha ma disomko ạyuret́kan.

Santal Hopon

Abo kanabon santal hopon

Menaḱbona nit hõ nacar

Eṭaḱ ko mako hoyen roton

Tis adobon bud bicạr.

Oloḱ paṛhaoḱ sẽṛa kate

Udugoḱ kanbon iń do okoe

Bạnuḱ tabona mit́ jhukate

Sãota tabon doho rokao.

Hudis kate lahaḱ mabon

Diku talare jitkạr hoyoḱ

Delabon nitge jotoko logon

Tayomseć do alobon koyog.

Sãota reaḱ bhạlại redo

Juạnkoṛako lahaḱ mabon

Abo geco ho ạyur kodo

Somaj sagaṛ happen lagayabon.

Nitge okte babon bilom

Ar baṅ khan bon bhagao ocoḱ

Ekraṛabon doho sãota niạm

Tisge ona khon babon pacoḱ.