Meskoć

Etom se̠ końe nakha

Mahasoe gidrạkoaḱ kelas hatao jokhen mit́ gidrạe metaekana:

Mahasoe: Ma mõṛẽ ge̠l mõṛẽ (55) olme.

Pạṭhuạ gidrạ: Oka lekań ola mahasoe?

Mahasoe: Pạhilre 5 olme. Inạkate ar mit́ṭen 5 olme.

Pạṭhuạ gidrạ: Mit́ṭen 5 ol tayome hapeyena.

Mahasoe: Cekayenam, hapeyen do̠m?

Pạṭhuạ gidrạ: Henda mahasoe ar mit́ṭen 5 do̠ oka nakhareń ola, etom se̠ końe nakha? Baco̠ń bujhạu daṛeaḱ kan!

Sim Eṅga Ar Kũṛit́ (Gidrạ Eneć)

Noa enećre mit́ṭen sẽṛa macha gidrạ do sim eṅgaye hoyoḱa. Mit́ṭen gidrạ do kũṛit́e hoyoḱa, Sim eṅga ar kũṛidoḱ gidrạ do gamchatekin oyokoḱa.

Sim eṅga doye khot́ khot́ baṛaea ar hoponko do hante nateko ạtiń baṛaea. Oka do khot́ khot́ ańjomte mit́ ṭhenko ńir jarwaḱa arhõko apan ạpinoḱa. Kũṛit́ do jãhã seć reye oko koḱa. Ackage ci hõ hõ hõ ańjomkate sim eṅga do kot́ koṭet́ koṭet́e raḱ goda ar sim hopon do eṅga ṭhen ńir hijuḱte ḍanḍareko hạṛuboḱa ar adomko doko lambedoḱa, Sim eṅga do kũṛit́e lagayea. Okoe hopon eṅga khon pharakre menaḱkoa onko do kũṛit́e ạtkir cabakoa.

Noa eneć do eken naṭok lekageko eneća. Eṅga apa khon jãhãe pharaḱreye tahen uni do muhinreye paṛaoḱa. Noage noa eneć reaḱ jos do.

Teheńaḱ Khilạḍ

Crikeṭ

IPL

Panjab Kings-Chennai Super Kings

Ńindạ 8:00 baja khonaḱ

Star Sports 1, T sports channel re ńelo̠go̠ḱa.

Phuṭbol

Bangladesh Premier League

Sheikh Russel-Mohammedan

Dhinạn 3:30 baja ehoṕa.

T sports channel re ńelo̠go̠ḱa

English Premier League

Crystal palace-Leidos United

Ńindạ 1:00 baja kho̠n, noa hõ Star Sports channel re ńel ńamoḱa.

Sanamko teheńaḱ noa khilạḍ haparao ńel lạgit́ tạṅgi-tãṛãḱre tahẽn tabonpe.