Mit́ṭen Kul, Toyo Ar Gadhawaḱ Go̠lpo̠

Mit́ṭen Kul Toyo sabea mentey dho̠mkaokedea. Toyo do̠ ekal Kule nehõrae kana, E maharaj niạ dhaoteć ikạkạńme. Ińaḱ sareć jiṅgi am sebareń jamaṛkoḱa honaṅ. Jo̠to̠waḱgeń kạmitama. Jãhãn kamkajre bạń eḱṛe botećkema. Toyo aḱ nonkan se̠be̠l-so̠ṛo̠m kathatey khalas kadea.

Inạ tayom Kul do̠ Toyo batlaoadea, Calaḱte iń lạgit́ mit́ṭen janwar saṕ ạguạńme. Kulaḱ batlao leka bir sendrae mohnḍayena. Me̠nkhan celege bae ńamlet́koa. Ackage ać samaṅre mit́ṭen Gadhae he̠ćena. Ado̠ Toyo do̠ uni Gadhae metadea, ‘ E Gadha boeha un kho̠n amge co̠ń ńam baṛaet́me. Bir-gajaṛren maharaj am lạgit́ kuṛại ante tạṅgi tãṛãḱre menaea. Onate nẽotame lạgit́iń he̠ćakan do̠.

Enḍekhan Me dela iń saõ, amtet́ge kuṛại ataṅme. Ado̠ Toyo aḱ kathate mạluṅkate Gadha do̠ uni sãoe mohnḍa maṛaṅena. Kul ṭhen mohńjam torage ekal jhapṭaoate saṕe dilkeda. Me̠nkhan Gadha do̠ bo̠to̠rtey tharbasaoena are dạṛ pharakkeda. Niạ dhao Kul do̠ Toyo cetanre ạḍi ãṭe edreyena. Cet́ lekanićem ạgukedea. Baḍagiri! Ma mucạt́ dhao ạtiń emamkana. Do̠ calaojoṅme, Gadha ruạrem. Arhõm kại lekhan bạń ikạmea. Ado̠ sạrige Toyo arhõ Gadha ṭhene calaoena are metaekana. E boeha, Kul mama ma co̠ am hạṛube mo̠nelet́. Cedaḱ bacham ḍạrkeda. Gadhae me̠n go̠t́keda, Mase̠ sạrige ado̠! Iń mań hudislet́ pase̠ć jo̠meń lạgíte nonkaḱ kan tahẽkana.

Dela enḍekhan, inạ tayom arhõkin calaoena. Niạ dhao Kul aćaḱ kusi-sana leka Gadha sap kate raktaoate cusạu go̠ć kedea. Ado̠ Toyo metadea, tin dhạbić bạń hijuḱ ma pahra hataṛem nahak. Toyo menkeda, Ṭhikgea maharaj.

Teheńaḱ Khilạḍ Ko

Criket

Bangladesh-Afghanistan

Pạhil aḱ T20

Dhinạn 3:00 baja okte

Channel T sports, Gazi Tv.

Phuṭbol

English FA Cup

Everton-Boreham Wood

Ńindạ 2:15 miniṭ

Sony Ten 2 channel re.

ISL

Chennai-Mohunbagan

Ńindạ 8:00 baja okte ehoṕa.

Star sports channer re porcaro̠ḱa.

Pạhil Doge Hatao Reaṅ Ạt Nitoṅ Hõ Menaḱa: Sastho Odhidaptor

Calak kan ko̠ro̠na mahamạri re ạḍi aema lekan eṭkeṭõrẽ disom ar dhạrtire heć paṛao akana. Noa mahamạri são lạihại se̠ rukhiạḱ lạgit́ sanamko ṭikạ hatao ạḍige jạruṛabon kana.

Tinạḱ hoṛ pạhil doge baṅbo hatao akat́ nit́ hõ Sarkari-besarkari nịt akan ṭikạ ṭhạ̃re ńutum ol caṛhao se̠ jạruraḱ kago̠jko soṅge idi lekhange tikạ bon hataojoṅ daṛeaḱa.

Ente teheń Budhbar (2 March) Sastho Odhidaptor virtual Sastho bulletin, zoom conference re Sastho Odhidaptor re̠n ṭikạ kạmihora ạḱyurić Dr. Md. Shamsul Hoqe noa kathae roṛ so̠do̠r akada.

Me̠skoć

Me̠skoć

Bar boeha mit́te ḍhil capat́lekhan-

Hablu ar Bablu, bar boeha Ul kin capat́kan tahẽkana-

Hablu: E boeha, Un ghạṛić kho̠n capat́tege menaḱlaṅa, enrehõ Ul o̠ho̠ ńũrlena. Pase̠ć nit́ hõ berel machagea.

Bablu: Sạrige pase̠ć, Mase̠ michạlaṅ haronena? Baṅkhan dare dejo̠ḱ talaṅmme.

Hablu ekal harephare dare de̠ćena. Ado̠ Ule tunum ạikạukeda, ar kikiạuate Bablui metawaekana;

Hablu: E boeha, Ul ma co̠ bele akan!

Bablu: Ạḍi boge! Ma enḍekhan usạra pheḍ ho̠do̠ḱme. Banar boeha mit́telaṅ capat́ lekhange ạḍi algate ńũroḱa hape̠n.

Horo Ar Cẽṛẽ Aḱ Go̠lpo̠

Mit́ dhao mit́ṭen horo dare umulrey jirạujoṅ kan tahẽkana ar ona darere mit́ṭen cẽṛẽ aḱ tukạ tahẽkana. Un jo̠khenge horo do̠ cẽṛẽ metaekana, ‘Cet́lekan tukạm benaojoṅ kana? Noare baṅdo menaḱ cal-chạuni baṅdo jãhãn cõ̠hõ̠ḱ! Amaḱ tearaḱ tukạ kho̠naḱ ińaḱ oṛaḱ oka do̠ deare menaḱtiń ńeloḱte hõ napaegea.

Ado̠ cẽṛẽ roṛ ruạṛadea, “ Sạrige ńeloḱte ạḍi bạṛićgea, Me̠nkhan ińiń tearakat́ oṛaḱ ạḍigeń dulạṛeda. Ado̠ Horo hõe menkeda, Oṛaḱtam metaḱme tukạ nonka bạṛić, pase̠ć ińaḱ biń kạńcur ṭhaṕraḱem lalocaḱ kana”.

Ado̠ onka leka cẽṛẽye menkeda, Oṛaḱtiń bạṛićgea, Menkhan noare ińren gharońj hoṛko são gateko hõko tahẽ daṛeaḱa. Ar amaḱ ṭhapṛaḱ ńeloḱte napaegea, Enrehõm eskargea. E̠nte am são okoe hõ baṅko tahẽ daṛeaḱa.

Pre-Primary 20 March Kho̠n Jhijo̠ḱa

Prathomik sikha odhidaptor do̠e baḍae ocokeda, Ko̠ro̠na ajar kakhante amdaj mit́ cando tala tayom teheń kho̠n pạhil ar mõṛe kelas ren pạthuạ gidrạkoaḱ kelas ehoṕena.

Me̠nkhan amdaj bar serma tayom Pre-primary re̠n gidrạkoaḱ kelas hõ darakan 20 March khonaḱ ehobo̠ḱa.

SSC Biḍạu 19 June Ar HSC 22 August Hoe Daṛeaḱa

2022 serma reaḱ SSC (Secondary School Certificate) ar HSC (Higher Secondary School Certificate) bidạu hoe daṛeaḱaḱ reaṅ tạrik Madhomik ar Ucchomadhomik sikhnạt board (Mausi) do̠e lại lahawakada.

Sombar (28 February) Madhomik ar Ucchomadhomik sikhnạt board, Dhaka website re so̠do̠rakat́ apareḱ bar goṭen ḍhạrwạḱre noa kho̠bo̠r so̠do̠r akana.

Board Chairman (Okoe do̠ bidạu dạyiḱre menae) Professor Topon kumar aḱ suhiat́ ḍhạrwạḱre menwana, 19 June SSC ar 22 August HSC biḍạu hoe daṛeaḱa. Enḍete SSC pạṭhuạ gidrạkoaḱ 13 April Ar HSC pạthuạkoaḱ do̠ 8 June kho̠naḱ Online hotete registration Form purun ehoṕ daṛeaḱa.

T sports Channel Re Teheńaḱ Eneć-Khilạḍ

Baṅgladesh reaṅ pạhil e̠ne̠ć khilạḍ haparao channel kana noa T sports. Noa channel kho̠n jao hiloḱ Disạm reaḱ e̠ne̠ć-khilạḍ são sãote aema lekan khilạḍ sardaleḱ kana. Teheń T sports channel re ńelogo̠ḱa…..

Phuṭbol

BPL

Chottogram Abahani- Dhaka Abahani

Dhinạn 5:30 miniṭre.

Budhbar kho̠n Primary Pạṭhuạ Gidrạkoaḱ Kelas Eho̠bo̠ḱa

Gapa Budhbar (2 March) kho̠naḱ pạhil dhap metaḱme Primary pạhil kho̠n mõṛe kelas ren pạṭhuạ gidrakoaḱ kelas ehoṕ lạgido̠ḱ kana. So̠mbar (28 February) Prathomik ar Gonosikha Montronaloy ren officer Mahbubur Rahman Tuhin noa kho̠bo̠re baḍae ocokeda.

Ar 20 Romjan (Ramadan) dhạbić Primary reaṅ kelas calao idiḱa. Inạkate 21 Romjan kho̠n Eid-ul fitr reaṅ chuṭi tahẽnoḱa. Eid chuṭi tayom arhõ okte nạpitre kelas ehoṕa.