Cet́ Lekate Migraine (Bo̠ho̠ḱ Haso) Kho̠n Rukhiạbo Ńamkea

Migraine mit́ lekan bo̠ho̠ḱ haso kana. Bo̠ho̠ḱ re jãhã mit́ aṛe kho̠naḱge noa haso ehoṕa. Migraine bo̠ho̠ḱ haso ạḍi ghạṛić do̠ tahẽna. Okoe aḱ nonkan eṭkeṭoṛẽ menaḱtako, Onko do bo̠ho̠ḱ haso são be̠ć be̠ćko aṭkara. Noa haso ạḍi algate baṅ maraoḱa, thoṛa din do̠ hasoa. Onate tinạḱ hoṛkoaḱ noa haso menaḱ, noa haso cet́ khạtirte ehoṕa ona babotre baḍaejoṅ jạruṛ menaḱa. Nonkate Migraine khonaḱ pharaḱbo tahẽ daṛekea.

Reṅgećte tahẽn:

Reṅgećte tahẽlen khan Migraine bo̠ho̠ḱ haso ehoṕa. Ente reṅgećte tahẽnre gastric reaḱ muskil ńelogo̠ḱa, oka do̠ bo̠ho̠ḱ haso ḍher daṛeaḱa.

Hoe-daḱ bichnạu (abohaoa):

Ạḍi bạṛti setoṅre nạcurle khanhõ bo̠ho̠ḱ haso ehoṕ daṛeaḱa. Inạkate lo̠lo̠ setoṅ khạtirte hoe daṛeaḱa.

Mo̠nre ucạṭ:

Okoe do̠ asambheṛ se̠ ạḍi bạṛti ucạṭteko kạmikan, ar jo̠m-ńu reaṅ jãhãn niṭ akan okto bạnuḱtako se̠ baṅko manaoet́ kan, onkanko hoṛge bạṛti noa bo̠ho̠ḱ haso ńamet́ko kana.

Enḍete nonkanaḱ mo̠naḱ ucạṭ dea giḍikaḱ reaḱ kurumuṭui hoyoḱa.

Jãhãnaḱ saḍe: kajaḱ riṛạṅ ṛaṛaṅte sereń aṅjo̠m emanteaḱ khạtirte Migraine bo̠ho̠ḱ haso ńańama. Ạḍi riṛạṅ ṛaṛaṅ khạtir amdaj bar din dhạbić haso tahẽ daṛeaḱa.
Ạḍi bạṛti jạpit́:

Okte nạpitre jạpit́ sanamko lạgit́ ạḍi jạruṛa. Ente oktere baṅ jạpit́le khan hoṛmore aema lekan eṭkeṭõṛẽ ńelogo̠ḱa. Okoe do̠ jao hiloḱ 5-6 ghonṭa ko jạpit́, Ackage mit́ okte onkanko hoṛ ḍherko jạpit́ lekhan bo̠ho̠ḱ haso ehoṕ daṛeakoa. Onate sanamko sontor ar aodhan tahẽn hoyoḱtabona.