Sikhnạt Ṭhãonako Reaḱ Chuṭi Ḍheroḱa Se̠ Baṅ, Noa Babotrey Menkeda Sasthomontri

Disom re ko̠ro̠na ajar ḍher pasnao akante Sarkare lại jạhirakat́ sikhnạt ṭhãonako bond reaḱ okto do̠ ar eyae din bạki menaḱa. Inạ tayom cet́ goṭa katha hijuḱa, ona khạtir aema gidrạ ren gogo-baba do̠ hudis-bundis re menaḱkoa.

Noa babotre Teheń Robibar tikin okte Rajdhạni reaḱ Bangladesh College Of Physician and Surgeon (BCPS) sonmelon re Sasthomontri Jahid Malek do̠e me̠nkeda, Sarkar pạtḥuạ gidrạko napae hoṛmo ko tahẽ daṛeaḱa, noako hudis-bhabna katege sikhnạt ṭhãonako jhić reaḱe mo̠neyet́kan rehõ, jo̠to̠waḱge ko̠ro̠na poristhiti tabe re menaḱ akada.

5 February dhạbić okto menaḱa. Niako din bhitrirege ale do̠ ko̠ro̠na kabja jatiyo solha committee são gapalmarao kate skul-college jhić se̠ bond tahẽna ona babotrey goṭa kathale baḍae ocodaṛeaḱa.



Ko̠ro̠na Ṭika Buster Doge Hatao Reaḱ Umer Do̠ 40 Serma Niṭ Akana

Ko̠ro̠na virus reaḱ ṭikạ Buster doge hatao reaḱ umer do̠ 40 serma hatao hoeakana me̠nte sasthomontri Jahid Malek do̠e lại so̠do̠r akat́a. Teheń Robibar (30 January) mit́ sombad breifing re noa do̠e roṛ so̠do̠rket́a.

Inạ chaḍa hõ disom re 12 kho̠n cetan umer ren jo̠to̠ hoṛko ko̠ro̠na ṭikạ ko emakoa me̠nte noa hõe lại so̠do̠rkeda.



Ge̠l Mit́ Kelasre Bhorti Reaḱ Result Se̠ Jo̠ So̠do̠rena

2021-2022 sikhnạt serma reaḱ ge̠l mit́ (Eleven) kelas re Online hotete bhotri reaḱ jo̠ (result) do̠ so̠do̠rakana. Hola Sunibar ńindạ 8 baja okte Online re ge̠l mit́ kelas re bhorti website  (xiclassadmission.gov.bd)- re result do̠ so̠do̠r hoeakana. Mobile re SMS se̠ bhorti website kho̠nge result do̠ ńamogo̠ḱa.

Bachao ocoakan  pạṭhuạ gidrạko darakan 30 January kho̠n 6 February ńindạ 8 baja bhitrire Mobile banking charge bad kate registration fee 228 taka jo̠ma talate bhorti reaḱ nisṭạn baḍaejoṅ hoyoḱ takoa.

Sikhnạt ṭhãonako re bhorti reaḱ tạrik do̠ 19 kho̠n 24 February dhạbić. Kelas ehoṕ reaḱ tạrik do̠ 2 March. High School re bhorti lạgit́ 8 January Online ar SMS re ardas hatao ehoṕ kate 23 January mucạt́ akana. Darakan 2 March kho̠n nãwã sikhnạt serma ren gidrạkoaḱ kelas ehoṕ reaḱ katha menaḱa.

Dhaka Sikhnạt Board ren College visitor (poridorsok) Abu Taleb Moazem Hosen do̠e baḍae oco akada, bhorti reaḱ jo̠to̠ lekanaḱ kho̠bo̠r ko website hotete ńamogo̠ḱa.