Gel Bar (12) Sermaren Pạṭhuạko Hõ Ṭikạ Tạrire Ạguko Hoyoḱa

Ko̠ro̠na birudre teṅgo daram lạgit́ 12 serma ar ona cetan umerren pạthuạko ko̠ro̠na ṭikạ tạrire ạguko hoyoḱa me̠nte Maraṅ Montri sekh Hasina do̠e lại so̠do̠rkeda. Teheń Budhbar (15 September) jatiyo sonsod reaḱ kupuli ãṭre mit́ kukli reaḱ ro̠ṛ ruạṛre noa kathae me̠nakada.

Maraṅ Mintri do̠ arhõe me̠nkeda, ke̠rme̠ ke̠rme̠te̠ disạm ren 80 percent ho̠ṛko ṭikạ tạrire ạguko reaḱ hudis hoeakana. Calaḱ kan serma reaḱ Desember cando bhitrire bejha reaḱ 50 percent ho̠ṛko do̠ ṭikạ tạrire ạguko lạgit́ Bisso Sastho Songstha reaḱ guidline lekate bebostha hatao hoeakana.

Source: Bangladesh pratidin

HSC Reaḱ Form Purun Okto ko Ḍherkeda

Calaḱkan sermaren Higher Secondary School Certificate (HSC) pạthuạkoaḱ Form purun reaḱ okto ko ḍher akada. Nãwãte e̠makan okto lekate Form purun lạgit́ niṭ akan tạrik do̠ 22 September dhạbić. Ar 26 September dhạbić fee e̠moḱ reaḱ ạt́ menaḱ akada. Jãhãe pạthuạ gidrạ niṭ akan oktore form bae purun daṛeaḱ khan, sikhnạt gãotaren mukhiạ do̠ noa dạyiḱ hatao hoyoḱtaea me̠nte sikhnạt board do̠e baḍae ocokeda.

Arhõ baḍae ńam akana biḍạu e̠moḱ lạgit́ fee do̠ goṭa hoeakana. Science bibhạgren kodo̠ 1160 ṭaka ar Human ar Commerce sikhnạt bibhạgren kodo̠ 1070 ṭaka e̠mo̠go̠ḱ hoyoḱ takoa.

Tumạl- Jagonews24.com

Haḍgar ar Bhiḍi Hopon

Mit́ṭeṅ haḍgar do̠ ạḍi ãṭ reṅgećkedea. Jomaḱ lạgit́ hante nhateye dãṛã baṛae kan tahẽkana. Ado̠ mit́ṭeć soḍoḱ sene senena ar daḱ ńũi lạgit́ ona soḍoḱreye ãṛgoyena. Latar sećre mit́ṭeṅ bhiḍiye ńel ńamkedea. Uni hõ daḱe ńũńũ kan tahẽkana. Ado mone moneteye menwana, nui bhiḍi do̠ ạḍi mońje moṭa akana. “Nui bhiḍi do̠ jomte hõń jomegea’.

Ado̠ uni haḍgar uni bhiḍiye metadea, “Cedaḱ daḱem boḍeyet́a? Onate iń daḱ bạń ńũ daṛeaḱ kana”.Bhiḍiye ro̠ṛ ruạṛket́a, “Baṅ co̠, iń do̠ bạń boḍeyet́a, iń ma co̠ṅ am khon latar sećre minạń; am seć khonge daḱ ma iń ṭhen ạtu hijuḱ kan”. Haḍgare menket́a, “Acha ona do̠ baṅ; dinkalom am dom eger akadińa, ona iạte nitoḱ do̠ń sạjạimea”.

Bhiḍi do̠ ạḍi hako pakoye ro̠ṛ ruạṛket́a, ente bo̠to̠r hõe bo̠to̠ro̠ḱ kan tahẽkana, Ona do̠ o̠ho̠ hõe daṛelena, iń nesgeń janam akan, cekate iń do̠ń egermea? Aṛhõ uni haḍgar do̠ bhidiye metadea, “Ehẽḱ am do̠ baṅ to̠be. Am goe eger akadińa, Ona iạte nitoḱ do̠ń jommegea”. Khan uni haḍgar do̠ uni bạpuṛić bhiḍi hopone saṕkedea, are jomkedea.