Natorre Dalkate Ko Reć Kedea Dho̠ro̠m Poporcarić Maejiu (sister)

Nator re chiṛi chunti (chintaikari) hotete ạḍi kajaḱe akham ocoakana mit́ dho̠ro̠m poporcarić maejiu (Sister). Noa ghoṭna do̠ Boṛaigram upạjilạ reaḱ Joaṛi Bhobanipur Srikhonḍi ṭoṭhare cando hạsur okte ghoṭao akana. Akham ocoakan Scholastica Gomez (50) Bhobanipur mission atoren dho̠ro̠m poporcarić maejiu ar Bonpaṛa Sent Josephs Iskul And College Assistant se̠ goṛoić Mahasoe kanae. Sister Scholastica Gomez do̠e la̠i keda, cando hạsur 6:30 baja okte mission atote ruạṛ lạgit́ Bonpaṛa bajar kho̠n bhe̠n gạḍirey dećena. Amdaj 25 serma umerren mit́ koṛa hõ ona bhe̠nrey dećena. Sister do̠ mission ato kho̠n sạṅgińre Srikhonḍi maraṅ ḍaharrey phe̠ḍen khan uni koṛa hõ sister tayom tayomtey mohnḍayena. Nirjon thạ̃irey se̠ṭe̠ren khan uni koṛa do̠ sister ṭhen tahẽkan beg reć hatao reaḱe kurumuṭukeda. Me̠nkhane aṭkaokede khan uni koṛa do̠ sister re kuhạu akamkedete beg reć hataokate ạḍi usạrae dạṛkeda. Inạ tayom sister do̠ aḍepase̠ mit́ Clinic re cikit́sae hataoket́a. Bonpaṛa polis todonto centre ren Sub- Inspector Abdul Barek do̠e bạdae ocokeda, uni koṛa sendra ńame reaḱ kurumuṭu calaḱ kana. To̠be hola ạyuṕ dhạbićte hõ bako ńam daṛeakadea.

Source: bdnews24

Jatiyo Bissobiddaloy Reaḱ Bond Tahẽkan Mucạt́ Dhap Reaḱ Masters Biḍạu Do̠ 8 September

Jatiyo Bissobiddaloy reaḱ 2018 serma reaḱ bond tahẽkan Masters mucạt́ dhap reaḱ baṅ hoypurạu akan biḍạu do̠ darakan 8 September e̠ho̠bo̠ḱ lạgido̠ḱ kana. Arhõ ṭhik hoeakan somoysuci lekate darakan 29 September dhạbić noa biḍạu do̠ calaoḱa. Setaḱ 9 baja o̠kte eho̠ṕkate kukli kago̠j (prosnopotro) re ulek tahẽn o̠kte dhạbić. Jatiyo Bissobiddaloy reaḱ Website re (22 August) Robibar biḍạu ạyurić Bodruzzaman suhi akat́ mit́ dhạrwạḱre me̠n akana, 2017- 2018 sikhnạt Sermaren jaoge, 2016- 2017 ar 2015- 2016 sikhnạt sermaren do̠jnap (oniyomito) ar grade lahanti ar CGPA lahanti, MA, MSS, MBA ar SSC mucạt́ dhap (ICT) selet́ biḍạu e̠moḱ Masters mucạt́ ren bidạureko selet́ daṛeaḱa. Niạ ko bidạu do̠ arhõ ṭhik akat́ tạrik ar somoysuci lekate hoyoḱa. Masters mucạt́ dhap reaḱ practical ar mocateaḱ biḍạu reaḱ tạrik ar o̠kte do̠ tayomte baḍae ńamoḱa.

Source: Bss news

Dhamoirhaṭre Ạdibạsi Kuṛi Gidrại Pạsi Go̠ć Akanko Ńamkede

Naogan reaḱ Dhamoirhaṭ re Ạdibạsi mit́ kuṛi gidrạ pạsi goć akan mạ̃ṛi ko ńamkeda polis. Gujuḱ reaḱ sạriaḱte̠t́ baḍae ńam lạgit́ (23 August) moyna todonto lạgit́ko kulleda uni kuṛi gidrạwaḱ mạ̃ṛi. Noa babotre Dhamoirhaṭ thanare mit́ṭen UD ko mamla akada. Aḍepase̠ hoṛko ṭhen kho̠n katha tumạl kateć baḍae ńam akana, Upạjilạ reaḱ Beniduạr Mission dạkhinpaṛa atoren go̠ć akan Daniel Maraṅ ren kuṛi Basonti Maraṅ (11) din okte do̠ ać mama Topnowaḱ oṛaḱrey tahẽkana, Ać gogo Luchi Topno do̠ Dhaka so̠ho̠rre e̠ṭaḱ hoṛaḱ o̠ṛaḱrey kạmia. Robibar (22 August) cando hạ̃sur okte Basonti Maraṅ do̠ ho̠ṭo̠ḱre oṛna bedhao kateće aka akan ńe̠lte ać ghorońjren hoṛko do̠ bo̠to̠rteko kikiạukeda. Kho̠bo̠r ńam tayom polis do̠ ghoṭna thạ̃ire se̠te̠r kateć mạ̃ṛi ko toraokeda. To̠be ać mama do̠ noa ghoṭna khạtir okoe hõ bae dusiakat́ koa. Uni kuṛi gidrạ do̠ ako sor upạjilạ reaḱ Goborchopa Lukhikul Mission rey paṛhaoḱ kan tahẽna, me̠nkhan ko̠ro̠nare mission bond khạtir ać mama takoaḱ oṛaḱrey tahẽkana. Dhamoirhaṭ thana ren OC Abdul Momin do̠e baḍae ocokeda, nui kuṛi gidrạwaḱ gujuḱ khạtir okoeaḱ hõ jãhãn digdhạ baṅ tahẽnma ona lạgit́ge moyna todontore kul hoylena. Moyna todonto reaḱ report lekate sạriaḱ ghoṭna baḍae ńamoḱa.

Source: jaijaidin